Barnablaðið - 24.12.2017, Page 4
BARNABLAÐIÐ4
Hvernig er að eiga afmæli á jólunum?
Það er gaman að eiga afmæli á jólunum og
vera í Vestmannaeyjum. Við erum ekki alltaf
þar samt. Um morguninn kemur Kertasníkir og
gefur manni pakka, en hann kemur í öll húsin í
bænum.
Hvað er skemmtilegast við það
að eiga afmæli á aðfangadag?
Ég fæ bæði jóla- og afmælispakka. Ég fæ svo
marga pakka.
Hvenær heldur þú upp á afmælið þitt?
Ég er búinn að halda það tvisvar. Ég hélt vina
afmælið í nóvember og svo er fjölskylduafmælið
alltaf í jólavikunni. Í vinaafmælinu fórum við í
bíó að horfa á mynd sem heitir Coco sem er um
einhvern heim sem er fullur af beinagrindum. Ég
er ekki hræddur við beinagrindur í alvörunni.
Af hverju ferðu til Vestmannaeyja á
jólunum og átt
heima í Reykjavík?
Út af því að ég átti einu sinni
heima í Vestmannaeyjum og
flutti í tvö hús.
Ertu búinn að fá
afmælisgjöf?
Já, ég fékk GT 8 gírahjól í af-
mælisgjöf sem er með 9 gíra.
Mig langaði í hjól í afmælisgjöf
og fékk það. Ég hjólaði inni á ganginum allan
daginn af því að það var svo vont veður úti.
Veistu um fleiri sem eiga afmæli á jólunum?
Já, Aron sem er með mér í skólanum og líka
Anna sem er í skólanum en pabbi hennar er
frá útlöndum. Svo frænka mín sem heitir Tanja
Harðardóttir. Hún á afmæli á aðfangadag og er
jafngömul og ég.
Ertu búinn að gera einhverjar jólagjafir?
Já, ég er búinn að gera kort handa mömmu og
pabba og afa og ömmu og ég gerði það alveg,
alveg sjálfur.
Hver er óskajólagjöfin?
Playstation og einn diskur til að spila Lego
Jurassic World.
Veistu af hverju jólin eru haldin?
Nei, eða jú, Jesús á afmæli á jólunum.
Setur þú skóinn út í glugga?
Já, ég held að jólasveinninn
sé að fylgjast með mér. Ég
fékk sokka og baðbombu í
skóinn. Ég var í Hagkaup og
langaði í stóra baðbombu
og svo fékk ég hana í skóinn.
Þetta gerðist líka þegar mig
langaði í beinagrindahúfu. Ég er
ekkert hræddur við beinagrindur.
„Ég er í
Salaskóla og
finnst skemm
ti-
legast að far
a í
smiðjur.“
Eyþór Elí í jólaskapi.
Myndir: Hari
AFMÆLISPAKKAR
OG JÓLAPAKKAR
Á AÐFANGADAG
Toppurinn á tréð.
Á aðfangadag fagna kristnir menn komu
frelsarans þegar kirkjuklukkurnar hringja
inn jólin kl. 18.00. Á þessum degi fyrir
sjö árum fæddist Eyþór Elí Magnússon á
Sjúkrahúsi Vestmannaeyja.
Hann býr nú með foreldrum sínum, Anítu
Ýri Eyþórsdóttur og Magnúsi Ólafi Björns-
syni, og tveimur bræðrum, þeim Grétari
Inga og Birni Ívari, í Kópavogi. Eyþór Elí á
tvo eldri bræður; Sigurð Gils, sem kallaður
er Gilli, og Kristófer Darra.
Í tilefni afmælisins tók Barnablaðið
Eyþór Elí tali.