Víkurfréttir - 27.08.1981, Side 11
VÍKUR-fréttir
Fimmtudagur 27. ágúst 1981
11
t
Kjartan
Ólafsson
héraðslæknir -
Minning
Kveðjustund samferðarmanns
leiðir oft hugann að fyrstu kynn-
um. Vini mínum, Kjartani Ólafs-
syni, héraðslækni í Keflavík,
veitti ég fyrst athygli á framboðs-
fundi til Alþingiskosninga vorið
1959. Þaö ár var að því leyti
óvenjulegt, að tvennar Alþingis-
kosningar fóru fram. Á þeim
árum var meira en nú um sam-
eiginlega framboðsfundi er
kosningar voru i nánd.
Við Kjartan læknir áttum það
gjarnan sameiginlegt, að sækja
alls kyns fundi er tóm gafst til,
hlýða á mál manna og gjarnan að
skiptast á skoðunum við fundar-
menn, en stjórnmálaleg afskipti
held ég að við höfum lítil haft
önnur en að fylgja sitt hvorum
flokknu að málum.
Á umræddum framboðsfundi
voru frambjóðendur allra flokka.
Atburðarásin á fundinum var að
venju hefðbundin, frambjóðend-
ur allir lýstu áformum sínum um
stórkostlega framtíðar uppbygg-
ingu á Suðurnesjum, fengju þeir
tilskilið kjörfylgi. Að þvi loknu
tók hinn almenni borgari gjarn-
an til máls.
Það sem mér er sérstaklega
minnisstætt frá umræddum
fundi var að þá heyrði ég Kjartan
lækni fyrst taka til máls. Það sem
einkenndi alla tíð málflutning
Kjartans læknis var það viðsýni
hans til allra þátta atvinnulífsins
og mannlegra samskipta, hann
talaði ekki eins og stjórnmála-
maður því hann talaði ekki í þeim
tilgangi að vinna einhverjum
flokki atkvæði, hann talaöi af
reynslu sinni og sannfæringu.
Mér er sérstaklega minnisstætt á
umræddum fundi fyrir rúmum 22
árum, hvatti hann m.a. stjórn-
málamenn sérstaklega, til að
gera sér grein fyrir því að sú höfn
sem ætti mesta framtíð á Suður-
nesjum væri höfnin í Grindavík,
að þangað þyrfti að veita veru-
legu fjármagni til hafnarmann-
virkja og hraðbrautar, til að nýta
þá möguleika sem Grindavíkur-
svæðið hefði fyrir þjóðarheild-
ina.
Því er þetta rifjað upp, því
framtíð þessa byggðarlags hafði
ekki fyrr borið á góma á þessum
fundi. Ég held að Kjartan læknir
hafi þá einn haft þessa skoðun,
en hún sannar nú víðsýni hans.
Síðaráttum við Kjartanofteftir
að hittast og skiptast á skoðun-
um, bæði á fundum og í einka-
viðtölum.
Það sérstæða við Kjartan
lækni var, að hann hugsaði og
talaöi sem Suöurnesjamaður, því
hér hafði hann fest rætur, hann
taldi möguleika okkar liggja í því
að virkja Suðurnesin sem eina
heild, bæði félagslega og at-
hafnalega, að fyrir þeirri þróun
mætti ekki standa persónulegur
metnaður einkaaðila í bæjum og
hreppum. Það var þetta óvenju-
lega við Kjartan lækni, hvað
hann gat verið víðsýnn í
skoðanaskiptum og því ekki
alltaf á sama máli og síðasti
ræðumaður. Hann mat hags-
muni heildarinnar meira en úr-
ræöi fámennra hagsmunahópa.
En lengst munu Suðurnesja-
menn samtimans minnast Kjart-
ans sem hins fórnfúsa læknis
síns á þriðja áratug. Kjartan
læknir var mikill félagshyggju-
maður sem fórnaði kröftum sín-
um í þágu hinna ýmsu félaga
sem höfðu mannúöar- og
líknarmál á stefnuskrá sinni.
Fyrir hönd Krabbameinsvarna-
félags Keflavíkur og nágrennis
vil ég flytja innilegar þakkirfyrir
að það félag naut starfskrafta
Kjartans sem formanns í nær 20
ár, en það kom einmitt fram í
okkar síðasta einkaviðtali, með
hverjum hætti við gætum lagt
hönd á plóginn til að efla það
félag þannig að störf þess næðu
á farsælan hátt til sem flestra
Suðurnesjamanna. Ég áttieinnig
þvi láni að fagna að vera með
Kjartani í þeim góða félagsskap,
Rotaryklúbbi Keflavíkur og
nágrennis. Það var einmitt á
Rotaryfundi 6. ágúst sl., sem ég
hitti Kjartan lækni í síðasta sinn,
þá glaðan og hressan.
Er mér barst andlátsfregn
Kjartans læknis 11. ágúst sl. kom
upp í hugann hve við öll höfum
lítið vald yfir þvi hve lengi við
dveljum meðal ástvina og sam-
ferðarmanna. Þótt við mennirnir
vitum harla lítið fyrirfram hver
örlög bíða okkar á langri eða
skemmri lifsleið, þá er okkur öll-
um Ijóst að dauðinn er í raun og
veru sá eini þáttur í tilveru okkar,
sem er öruggur og viss. Þrátt
fyrir þá staðreynd kemur dauð-
inn okkur oftast nístandi á óvart,
ekki síst þegar við heyrum um
andlát vina og vandamanna.
Ég samhryggist nánustu ást-
vinum, Ásdísi og börnunum,
sökum þess hve missir þeirra er
mikill. En ég þakka minninguna
um góðan dreng og samferðar-
mann.
Eyþór Þóröarson
Keflavík
Útsvör
Aðstöðugjöld
Annar gjalddagi eftirstöðva útsvara og aðstöðu-
gjalda er 1. september n.k.
Gerið skil á gjalddögum og forðist þannig dráttar-
vexti og önnur óþægindi.
Innheimta Keflavíkurbæjar
Lögtaks-
úrskurður
Keflavík - Grindavík - Njarðvík
og Gullbringusýsla
Það úrskurðast hér með, að lögtök geta farið fram
fyrir vangoldnum þinggjöldum skv. þinggjalds-
seðli 1981, er féllu í eindaga hinn 15. þessa mán-
aðar og eftirtöldum gjöldum álögðum árið 1981 í
Keflavík, Grindavík, Njarðvík og Gullbringusýslu.
Gjöldin eru þessi: Tekjuskattur, eignaskattur,
kirkjugjald, kirkjugarðsgjald, slysatryggingagjald
vegna heimilisstarfa, iðnaðargjald, iðnlánasjóðs-
og iðnaðarmálagjald, Slysatryggingargjald at-
vinnurekanda skv. 36. gr. laga nr. 67/1971 um al-
mannatryggingar, Iffeyristryggingargjald skv. 25.
gr. sömu laga, atvinnuleysistryggingargjald,
launaskattur, skipaskoðunargjald, lesta- og vita-
gjald, bifreiðaskattur, slysatryggingargjald öku-
manna, vélaeftirlitsgjald, skemmtanaskattur og
miðagjald, vörugjald, gjöld af innlendum tollvöru-
tegundum, matvælaeftirlitsgjald, gjald til styrktar-
sjóðs fatlaðra, aðflutnings- og útflutningsgjöld,
skráningargjöld skipshafna, skipulagsgjald af ný-
byggingum, gjaldföllnum en ógreiddum söluskatti
ársins 1981 svo og nýálögðum hækkunum sölu-
skatts vegna fyrri ára, allt ásamt dráttarvöxtum og
kostnaði. Ennfremur nær úrskúrðurinn til skatt-
sekta, sem ákveðngr hafa verið til ríkissjóðs.
Lögtök fyrir framangreindum gjöldum, ásamt
dráttarvöxtum og kostnaði verða látin fara fram að
8 dögum liðnum frá birtingu þessararauglýsingar,
verði þau eigi að fullu greidd innan þess tíma.
Keflavík, 19. ágúst 1981.
Bæjarfógetinn í Keflavík, Grindavík og Njarðvík
Sýslumaðurinn i Gullbringusýslu.
Jón Eysteinsson