Víkurfréttir - 08.10.1981, Side 11
VÍKUR-fréttir
Fimmtudagur 8. október 1981 11
Keflavík:
Eigendaskipti
af þrem
verslunum
Á undanförnum vikum hafa
orðiö eigendaskipti að þrem
verslunum í Keflavik.
Jónas Ragnarsson (í Róm) hef
ur keyptverslun Nonna & Bubba,
Ómar Hauksson (í Kosti) hefur
keypt Vörumarkað Víkurbæjar,
og Margrét Ágústsdóttir, Ás-
garði 4, Keflavík, hefur keypt
barnafataverslunina Aþenu.
Víkur-fréttir óska hinum nýju
eigendum til hamingju og alls
hins besta i framtíðinni.
Lagfæringar á
íþróttasvæðinu
viö Hringbraut
Töluverðar breytingar hafa
orðið á íþróttasvæðinu við Hring-
braut undanfarið. Hefur verið
snyrt all verulega til í kringum
malarvöllinn og áhorfendaað-
staðan þar stórlega endurbætt.
Einnig hefur svæðið verið lagt
grasi meðfram körfubolta- og
handboltavellinum. Eftir er að
Ijúka við hlaupabrautina og eitt
og annað i viðbót. Verður þá
svæðið orðið til fyrirmyndar.
Þökk sé þeim sem að þessu
standa.
1000 ára
minning
kristniboðs
á íslandi
Laugardaginn 11. okt. n.k.
verður haldinn héraðsfundur
Kjalarnesprófastsdæmis. Verð-
ur þar minnst 1000 ára kristni-
boðs á (slandi.
Fundurinn hefst á Esjubergi á
Kjalarnesi þar sem fyrsta kirkja á
(slandi var reist, og þar dreginn
fáni að hún kl. 8.30. Þar verður
flutt morgunbæn. Síðan verður
morgunkaffi í Hlégarði og síðan
héraösfundur settur. Kl. 13.30
hefst samsöngur kirkjukóra pró-
fastsdæmisins, í íþróttahúsinu
að Varmá, og þar flytur prófastur
sr. Bragi Friðriksson ávarp. Kl. 14
verður hátíðarguðsþjónusta á
sama stað með þátttöku kirkju-
kóranna og fulltrúum kristinna
trúfélaga. Efnt verður til safnað-
arferða úrsóknum prófastsdæm
isins og verður þess nánargetið í
messudálkum dagblaðanna.
Kaffisala verður í Hlégarði kl.
15.30. Kl. 17 veröa messur og
guðsþjónustur að Mosfelli, Lága-
fellskirkju, Reykjalundi, Hlað-
gerðarkoti, Víðinesi og Arnar-
holti, þar sem prestar prófasts-
dæmisins o.fl. annast.
Hátíðarhöldunum lýkur kl. 18
með því að æskufólk dregur
niður fánann að Esjubergi.
Tvennar tungur forráða-
manna Fiskiðjunnar
Eftirfarandi má lesa í
fundargerð Atvinnumálanefnd-
ar Keflavíkur, 17. sept. 1981:
,,Viðræður við atvinnumála-
nefnd Njarðvíkur varðandi mál-
efni Fiskiðjunnar, samanbersíð-
ustu fundargerð. Tekin var fyrir
beiðni Fiskiðjunnar hf. um heim-
ild til rekstursverksmiðjunnarfrá
1. október 1981 til maí 1982. jafn-
framt var rætt um þá yfirlýsingu
forráðamanna Fiskiðjunnar hf.,
Gunnars Ólafssonar og Ólafs B.
Ólafssonar, að ákveðið er að í
april 1982 liggi fyrir ákvörðun
verksmiðjustjórnar, hvort ráðist
verði í mengunarvarnafram-
kvæmdir sem byggðar verði á
reynslu af tækjakosti sem verið
er að setja upp í Krossanesverk-
smiðjunni á Akureyri.
Verði ekki úr slíkum fram-
kvæmdum hjá Fiskiðjunni, er
stefnt að starfrækslu verksmiðj-
unnar frá 1. október 1982 til árs-
loka sama ár, en þá verði hún
lögð niður.
Atvinnumálanefndirnar taka
fram, að þær viðurkenna þau
sjónarmið sem fram koma í sam-
þykktum heilbrigðisnefnda Kefla
víkur og Njarðvíkur varðandi
vanbúnað Fiskiðjunnar hf. til
mengunarvarna. En með tilliti til
atvinnuástandsins og stöðu fisk-
iðnaðarins í Keflavík og Njarð-
vik, fara atvinnumálanefndirnar
þess á leit við heilbrigðisráð-
herra, að Fiskiðjunni verði veitt
undanþága til starfrækslu verk-
smiðjunnar frá 1. október 1981
til1. maí 1982, með sömu skilyrð-
um og áður hafa gilt.“
Yfirlýsing Gunnars Ólafsson-
ar og Ólafs B. Ólafssonar er í
mótsögn við grein Haralds Har-
aldssonar í síðasta tbl. Vikur-
frétta, en þar dylgjar Haraldur
um að Fiskiðjan sé BÚIN að
koma upp mengunarvörnum.
Einnig ættu lesendur að taka
eftir því, að nú á að spila á at-
vinnuástandið í Keflavík og
Njarðvík til þess að halda áfram
að gera „tilraunir með heilsu
ibúa Keflavikur og Njarðvikur",
eins og Heilbrigðisfulltrúi Suð-
urnesja segir í nýlegri skýrslu um
Fiskiöjuna.
Nýja æfingasvæðið:
Tyrfingu lokið
Um síðustu helgi lauk knatt-
spyrnudeild (BK við að tyrfa nýja
æfingasvæðið. Hefur nú verið
lagt gras á ca. 10.000 m2 svæði.
Mikill tími og vinna hefur farið í
þetta verk af hálfu knattspyrnu-
deildarinnar. Hafa yfir 40 manns
komið og lagt hönd á plóginn,
allt frá 4 klst. vinnu og upp í 80
klst. hver. Er þetta allt sjálfboða-
vinna sem lögð hefur verið fram
af hálfu knattspyrnudeildar-
innar.
Ásgelr Einarsson afhendir pianóið f.h. Lionsklúbbsins, Matta Ásbjörnssyni, form. Styrktarfélags aldraðra
Gjafir til Styrktar-
félags aldraðra
Sl. laugardag var Styrktarfé-
lagi aldraðra á Suðurnesjum af-
hentar tvær gjafir.
Lionsklúbbur Keflavíkur gaf
félaginu píanó, að verðmæti
18.000 kr. Verður það til staðar í
félagsaðstöðunni að Suðurgötu
12-14 í Keflavík.
Við sama tækifæri afhenti frú
Olga Elíasdóttir télaginu mál-
verk að gjöf, í tilefni af 75 ára af-
mæli sínu og í þakklætisskyni
fyrir það sem hún hefur orðið
aönjótandi hjá félaginu á undan-
förnum árum.
Matti tekur við málverkinu frá Olgu Eliasdóttur