Víkurfréttir - 08.10.1981, Blaðsíða 18

l^Z^TRÉTTIB
Fimmtudagur 8. október 1981
SPARISJÓÐURINN
er lánastofnun allra
Suöurnesjamanna.
Fíkniefnaneytendur á Suðurnesjum
Allt niður í 14 ára
Spjallað við Óskar Þórmundsson, rannsóknar
lögreglumann í ávana- og fíkniefnamálum
FfKNIEFNAMÁL
ALGENG HÉR
Fyrir utan Reykjavík, þá er
Keflavík eini staðurinn á landinu
þar sem starfar sérstök rann-
sóknarlögregla að ávana- og
fíkniefnamálum. Líklega er á-
stæðan sú, að hér er meöferð
slíkra efna algengari en annars
staöar. Til þess að forvitnast lít-
illega um þessi mál ræddum við
við Óskar Þórmundsson, rann-
sóknarlögreglumann.
Til aö byrja með spurðum við
Óskar hvort fíkniefnamál væru
algeng hjá lögreglunni hér. Taldi
hann svo vera. Um tegundir
brota sagði hann að flestir sem
lögreglan hefði afskipti af, væru
neytendur. Hins vegar benti
hann á að athygli lögreglunnar
beindist fyrst og fremst að þeim
sem flyttu efnin inn og dreifðu
þeim. „Inn i þá mynd koma neyt-
endur óhjákvæmilega. T.d.
þegar neytandi ertekinn er reynt
að rekja hvaðan honum barst
efnið," sagði Óskar.
Þá spurðum við hvaða efni
væru algengust. Sagði hann að
kanabisefni væru algengust, en
þar á eftir kæmu alls konar pillur
og morfín. „Afskipti lögreglunn-
ar ná hins vegar ekki til þeirra
lyfja sem fást á hinum löglega
lyfjamarkaði, en það er frum-
skógur út af fyrir sig.“ Síðan
benti Óskar á nokkrar tegundir
mála sem flest snerust um kana-
bisefni, eða hass og „gras“.
Óskar Þórmundsson
MARGIR Á SKRÁ
Um fjölda mála sagði Óskarað
það sem af væri þessu ári, væru
komin u.þ.b. 60 mál, þ.e.a.s. að
60 manns hafa verið handteknir.
Ýmist fyrir neyslu á hassi eða
innbrot í báta og þjófnað á mor-
fíni. „Viðurlög við þessum brot-
Framh. á 4. siðu
Flakkarinn til
Sandgerðis
Allar líkur eru til þess að út-
gerðarfélagi Njörður hf. í Sand-
gerði sé búið að kaupa Flakkar-
ann margumrædda af Slippstöð-
inni á Akureyri. Búið er að ganga
frá kaupsamningi og beðiö er
eftir fyrirgreiðslu frá lánasjóð-
um, fiskveiðasjóði og byggöa-
sjóði, en vonast er til að loforð
komi næstu daga.
Þessa dagana eru starfsmenn
Slippstöðvarinnar að breytaskip
inu til togveiða, skv. ósk Njarðar
hf., en skipið var fyrst og fremst
hannað til nótaveiða.
Slippstöðin hefur verið að
reyna að selja Flakkarann, sem i
rauninni heitir Þórunn hyrna á
pappírum, í um tvö ár. Skrokk
skipsins, sem er 430 lestir að
stærð, keypti Slippstöðin upp-
haflega frá Noregi, en þangað
hafði skrokkurinn verið keyptur
frá Póllandi. Ástæðan fyrir kaup-
um Slippstöðvarinnar var í því
skyni að brúa dauö tímabil milli
verkefna hjá fyrirtækinu, en
vegna anna fengu þeir Akurnes-
inga til að fullgera skipið að
mestu, en lokafrágangur hefur
þó farið fram á Akureyri.
Útgeröarfélagið Njörður hf. er
m.a. eigandi fiskimjölsverksmiðj-
unnar í Sandgerði og er ætlun
þeirra að gera skipið einnig út til
loðnuveiða. Kaupverð þess mun
vera nálægt 380 millj. kr.
Hitaveitan komin á Keflavíkurflugvöll
16. sept. sl. var heitu vatni frá Hitaveitu Suöurnesja í fyrstasinn dælt inn á Keflavíkurflugvöll, og líður nú
senn að því að allar byggingar innan vallargirðingarinnarverði hitaðar upp með vatni frá hitaveitunni. Við
athöfnina var staddur Thomas J. Kilcline aðmíráll, yfirmaður flugliðs Átlantshafsflotans, og skrúfaði
hann frá krana og hleypti vatninu inn áflugvallarsvæðið. Einnig voru viðstaddir Marshall Brement, sendi-
herra Bandaríkjanna á Islandi, Ronald F. Marryott aðmíráll, yfirmaður varnarliðsins á Keflavíkurfluavelli
og Helgi Ágústsson, deildarstjóri í utanríkisráðuneytinu. Einnig voru viðstaddir nokkrir þingmenn kjör-
dæmisins, bæjarstjórnarfulltrúar á Suðurnesjum og stjórn HS, og yfirmenn í bandariska hernum.
Líf og fjör í Svartsengi
Foreldra- og kennarafélag Barnaskólans I Keflavik efndi til skemmtiferöar i Svartsengi laugardaginn 26.
sept. sl. Um 900 manns tóku þátt i ferðinni, sem tókst mjög vel, og var farið i leiki, gengið á fjall o.fl.
tilfallandi. Sjá nánar grein inni i blaöinu.