Víkurfréttir - 17.12.1981, Blaðsíða 14
Fimmtudagur 17. desember 1981
JÓLABLAÐ
VÍKUR-fréttir
Er sameining bæjarfélag-
anna algerlega úr sögunni?
Spjallað við nokkra íbúa í Keflavík og Njarðvík
Eins og flestum er líklega
kunnugt, hafnaði bæjarstjórn
Njarðvíkur þeim tilmælum bæj-
arstjórnar Keflavíkur, að gerð
yrði hlutlaus úttekt á hagkvæmni
þess að sameina þessi bæjarfé-
lög. Kom þessi ákvörðun flatt
upp á marga, einkum þó ýmsa
bæjarstjórnarmenn í Keflavík.
Þannig segir Ólafur Björnsson,
baejarfulltrúi Alþýðuflokksins í
Keflavík, í síðasta tölublaði Suð-
urnesjapóststin:
„Karvel Ögmundsson stóð á
sínum tíma fyrir því að slíta
hreppinn í sundur og rak Njarð-
vík árum saman sem sitt einka-
fyrirtæki. Albert K. Sanders er á
góðri leið með að koma sömu
skipan á. Eftir siðustu kosningar
lét hann sig ekki muna um að af-
neita trú sinni til þess að halda
bæjarstjóratitlinum þegar Sjálf-
stæðismenn misstu meirihlut-
ann. Liði sínu raðar hann svo á
jötuna eftir því sem það vex úr
grasi. Meðöllum ráðum ala þess-
ir fuglar á nágrannaerjum til þess
að tryggja stöðu sína."
Hér eru nokkuð stór orð á ferð-
inni, og séu þau rétt, líturútfyrir
að andstaða Njarðvíkinga gegn
könnun þessari eigi sér einkum
persónulegar rætur. Persónu-
legir hagsmunir nokkurra ein-
staklinga ráða þar ferðinni.
( sambandi við þetta mál hafa
átt sér stað hinar furðulegustu
uppákomur. T.d. komu hingað í
blaðamaður frá Vísi sem hafði
einhvern áhuga á þessu samein-
ingarmáli. Spjallaði hann síðan
við bæjarritarann í Keflavík og
bæjarstjórann í Njarðvík. Voru
þeir ósparir á að tjá sig um þetta
mál. Auðvitaö er ekkert við það
að athuga að menn hafi skoðanir
á þessu máli og láti þær i Ijós, en
hins vegar töluðu þeir eins og
fulltrúar bæjarstjórnanna. Það
veröur að teljast í hæsta máta
óeðlilegt, einkum þó þar sem
þessi mál höfðu lítið eða ekkert
verið til umræðu innan viðkom-
andi bæjarstjórna. Þeim bar
beinlínis embættisleg skylda til
þess að vísa blaðamanninum á
forseta bæjarstjórnanna í þessu
tilfelli.
Sumir hafa bent á aö Albert K.
Sanders, bæjarstjóri í Njarðvík,
hafi persónulega beitt sér mjög
fyrir áðurnefndri samþykkt,
innan bæjarstjórnar Njarðvíkur.
T.d. er það alveg furðuleg uppá-
koma að hann, bæjarstjóri sam-
starfsmeirihluta Alþýðuflokks,
Alþýöubandalags og Framsókn-
ar, beiti sér sérstaklega fyrir
samþykktum og tillögum i Sjálf-
stæðisflokknum í Njarövik, eins
og fram kemur i Suöurnesjapóst-
inum. Það þætti nú mörgum
gæfuleg staða á taflborði stjórn-
málanna að hafa töglin og hagld-
irnar á hvoru tveggja, stjórn og
stjórnarandstöðu, og beita sér
opinberlega á báðum þessum
stöðum. Menn þurfa ekki að
veröa neitt undrandi þó sú spurn-
ing vakni, hvaða forsendur liggi
þar að baki. Eða hvort eitthvað
persónulegt sé í spilinu?
Við hér á Víkur-fréttum
höfðum áhuga á að kanna hug
hins almenna bæjarbúa i Kefla-
vík og Njarðvík til þessa máls.
Fórum við því á stúfana og
spurðum nokkra einstaklinga í
hinum ýmsu atvinnufyrirtækjum.
Lögðum við tvær spurningar
fyrir þetta fólk og fara svörin hér
á eftir. Spurningarnar voru
þessar:
Hvað finnst þér um þá ákvörð-
un bæjarstjórnar Njarðvíkur að
hafna algerlega konnun á hag-
kvæmni sameiningar Keflavikur
og Njarðvíkur?
Ert þú fylgjandi eða andvigur
sameiningu?
Kári Tryggvason:
„Ákaflega mikil
þröngsýni að hafna
slíkri könnun“
,,Ég tel það ákaflega mikla
þröngsýni að hafna slíkri könn-
un. Það getur varla verið að slík
könnun myndi skaða mikið. Þar
að auki get ég ekki komiö auga á
neitt, sem er því til fyrirstöðu að
bæjarfélögin skoði þetta mál i ró-
legheitum." Þetta hafði Kári
Tryggvason trésmiður, um fyrri
spurninguna að segja. Kári rekur
trésmíðafyrirtæki í Njarövík
ásamt bróður sínum, en er hins
vegar búsettur í Keflavik.
Um seinni spurninguna hafði
hann þetta að segja: ,,Ég er fylgj-
andi sameiningu. Ástæðan erein
faldlega sú, að ég held að það
hljóti að vera ódýrara fyrir bæjar-
félögin aö sameinast heldur en
að vera aö gaufast þetta sitt í
hvoru lagi."
Bjöm Viðar Ellertsson
vélavinnumaður:
„Er á móti
sameiningu“
Björn Viðar er búsettur i Njarö-
vík Hann svaraöi fyrri spurning-
unni á þann veg að það hefði ef til
verið í lagi að gera slika konnun.
Slíkt heföi eflaust ekki skemmt
mikið. Hins vegar tók hann skýrt
fram, að hann væri á móti sam-
einingu þessara bæjarfélaga.
Hermann Jakobsson
vélavinnumaður:
„Á móti sameiningu"
Hermann var sammála kollega
sínum, Birni Viðari. Hann taldi
eðlilegt að athuga hagkvæmni
sameiningarinnar. ,,Þaö er í lagi
að kíkja á þetta." Hins vegar tók
hann einnig skýrt fram, að hann
væri á móti sameiningu.
Gerður Halldórsdóttir
afgreiðslustúlka:
„Má alveg
athuga máliö“
Gerður starfar i verslun i Njarð-
vik og er búsett þar. Spurningun-
um svaraöi hún á eftirfarandi
vegu: ,,Ég held það ætti að vera i
lagi að athuga málið. Það mætti
að minnsta xosti spyrja okkur
íbúa Njarövikur álits. Hins vegar
er ég á móti sameinmgunni. Ég
held að ástæðan sé su, að ég hef
bara aldrei haft áhuga á að vera
með Keflvikingum "
Elsa Hafsteinsdóttir
afgreiðslustúlka:
„Það er kominn tími
til að spyrja fólkið
hér í bænum“
Elsa er líka búsett í Njarðvík.
Hún svaraði spurningum okkar á
eftirfarandi vegu: ,,Þaö er auð-
vitað ekkert sjálfsagðara en að
láta athuga hagkvæmnina. Það
er líka heldur ekkert sjálfsagöara
en að athuga afstöðu þeirra sem
búa í bænum. Við vöknuðum t.d.
upp við það einn daginn að við
vorum orðin bæjarfélag. Þá var
enginn spurður um neitt. Það má
eiginlega segja að það sé kom-
inn tími til að spyrja fólkiö hér í
bænum. Um sameiningarhug-
myndina vil ég hins vegar segja,
að ég er á móti sameiningu að
svo komnu máli, kannski fyrst og
fremst vegna þess að ég er Njarð-
víkingur."
Sólveig Einarsdóttir
afgreiöslustúlka:
„Sameiningin mun
fela í sér
minni útgjöld“
Sólveig er líka búsett i Njarö-
vik og starfar með þeim Gerði og
Elsu. Hún hafði eftirfarandi að
segja: „Ég er eindregiö fylgjandi
þvi að gerð verði könnun. Held
að bæiarstjórn Njarðvikur ætti
að láta gera slika könnun í sam-
einingu við bæjarstjórn Kefla-
víkur Ég hef t d ekki séð neitt
sem fram hefur komiö um það,
hvers vegna bæjarstjórinn i
Njarövik vildi ekki láta gera
þessa könnun Hins vegar er ég
algerlega fylgjandi sameiningu,
enda tel ég að hún muni fela i sér
mun minni útgjöld fyrir ibúa
þessara byggöarlaga "