Verslunartíðindi - 01.04.1930, Blaðsíða 6

32
Verslúnartíðinm
íslandsbanki leggjast niður, en nýji
bankinn taka við öllum eignum, skuld-
um og ábyrgðum hans. Þetta frumvarp
var samþykt sem lög frá Alþingi.
Þann 1. apríl boðaði svo fjármálaráð-
herra til aðalfundar hluthafa, er halda
skyldi í Kaupþingssalnum. Skýrði hann
þar frá, að fullnægt væri skilyrðum lag-
anna um endurreisn íslandsbanka, hvað
snerti framlag ríkissjóðs og framlög
og þátttöku erlendra skuldheimtu-
manna, en aftur á móti væri ekki full-
nægt skilyrðum hvað snerti fjársöfnun-
ina innanlands. Var fundinum því næst
frestað til næsta dags, til þess að athuga
rjettmæti þeirra skilríkja, sem menn
lögðu fram, til að fara með atkvæði á
fundinum, og var kosin til þess þriggja
manna nefnd.
Þegar fundur var svo settur næsta
dag, lýsti fjármálaráðherra því yfir, að
öllum skilyrðum laganna um stofnun
Útvegsbanka íslands h.f. og endurreisn
íslandsbanka, væri fullnægt, og væri
því hægt að ganga til dagskrár fund-
arins. Hafði frv. til samþyktar fyrir
Útvegsbankann verið útbýtt sama dag
ly„ kl.tíma áður fundur átti að byrja,
og var það frumvarp í 33 greinum. Á
fundinum komu starx fram mótmæli
gegn því, að hraða samþyktinni svo, að
fundarmenn fengju ekki hæfilegan tírna
til þess að athuga frumvarpið. Einnig
var bent á, að semja þyrfti reglugerð
samkvæmt lögunum um Útvegsbankann,
og ætti hún að samþykkjast um leið og
samþyktirnar. Var þetta tekið til greina
og fundinum frestað á ný til 4. apríl.
Á næsta fundi, sem var lokafundur
aðalfundarins, voru ýmsar breytingar-
tillögur lagðar fram, bæði við frum-
varpið og reglugerðina; voru nokkrar
þeirra samþyktar, en þó fleiri feldar,
og þetta hvorttveggja síðan samþykt.
Var því næst gengið til kosningu á 5
mönnum í fulltrúaráð bankans, og komu
fram tveir listar. Var annar þeirra frá
ríkisstjórninni, studdur af umboðsmanni
Hambrosbanka, og voru á honum þessir
4 menn: Lárus Fjeldsted og Stefán Jóh.
Stefánsson hrm.flm., Magnús Torfason,
sýslumaður og Svavar Guðmundsson,
verslunarfulltrúi. Hinn listinn kom frá
innlendum hluthöfum, og var á honum
Eggert Claessen bankastjóri. Þar sem
ekki komu fram fleiri listar, voru þessir
menn sjálfkjörnir í fulltrúaráðið. End-
urskoðendur voru kosnir, samkv. ein-
um lista frá ríkisstjórninni, þeir Björn
Steffensen, endurskoðandi og Halldór
Stefánsson, alþingismaður.
Bankaráðið, sem samkvæmt lögum,
átti að velja bankastjóra, kvaddi nokkr-
um dögum síðan þessa þrjá menn:
Helga P. Breim, skattstjóra, Jón Bald-
vinsson alþm., og Jón Ólafsson, alþm.,
og var Útvegsbanki íslands hf. því næst
opnaður þ. 15. apríl sl.
Flestum mönnum mun það nokkurn-
veginn ljóst, að bankalokun hefir í för
með sjer margvísleg -óþægindi, bæði
inn á við og út á við. Hefir það hingað
til verið staðreynd, að bankalokun í
hverju landi, sem einhver erlend við-
skifti hefir, eyðileggur ekki aðeins
traustið á bankanum sjálfum, heldur
einnig álit landsins í augum útlendinga.
Þessi álitsrýrnun er fyrst og fremst við-
skiftalegs eðlis, þannig að lánstraust
kaupsýslumanna minkar eða hverfur.
En hún nær lengra en til einstakling-
anna; hún nær einnig til annara banka
i sama landi, og hún nær einnig til rík-
isins sjálfs. Því stærri, sem bankinn er
í hlutfalli við fjármagn landsins, og því
víðtækari, sem viðskiftasambönd hans