Úr þjóðarbúskapnum : framvindan ... og horfur .. - 21.04.1981, Blaðsíða 12

12
Höfuðborgarsvæðið
Vesturland .......
Vestfirðir .......
Norðurland vestra .
Norðurland eystra .
Austurland .......
Suðurland ........
Reykjanes ........
Allt landið
Fjöldi skráðra atvinnulausra
að meðaltali 1979—1980
1979
149
12
4
50
80
30
34
19
378
1980
101
13
7
40
80
29
38
23
331
Tölur um landshlutaskiptingu atvinnuleysisskráningar tvö síðustu árin sýna, að
atvinnulausum mönnum á skrá fækkaði á höfuðborgarsvæðinu og raunar einnig á
Norðurlandi vestra og skýrir það heildarfækkun atvinnulausra á árinu. Annars
staðar á landinu virðist atvinnuleysi svipað bæði árin. Af þessum tölum virðist
mega ráða, að þrátt fyrir erfiðleika í flugrekstri og sjávarútvegi hafi tekizt allvel að
halda í horfinu í atvinnumálum á árinu 1980.
Tölur um skráð atvinnuleysi á fyrstu mánuðum þessa árs sýna nokkra aukningu
frá því, sem verið hefur á þessum árstíma undangengin ár. Erfitt tíðarfar og
veiðitakmarkanir hafa valdið samdrætti í atvinnu upp á síðkastið, einkum hjá
iðnaðarmönnum og fiskvinnslufólki. Hvað fiskvinnslu áhrærir er hér mest um
tímabundna erfiðleika að ræða, en jafnframt má nefna, að aukning á saltfisk- og
skreiðarvinnslu á kostnað frystingar hefur í för með sér nokkurn samdrátt í
atvinnu í fiskvinnslu. Þótt atvinnuástand í byggingariðnaði sé að jafnaði fremur
slakt á þessum árstíma, virðast atvinnuleysistölurnar gefa nokkurt tilefni til að
ætla, að atvinnuhorfur séu óvenju ótryggar í þessari grein. Þetta stafar meðal
annars af fyrirsjáanlegum verkefnaskorti og samdrætti framkvæmda á ákveðnum
stöðum, t. d. á Akureyri, sem kemur í kjölfar afar mikillar byggingarstarfsemi
undanfarin ár. Hefur þetta víða valdið tímabundinni aukningu vinnuafls í
greininni og raunar einnig flutningi vinnuafls milli einstakra atvinnugreina, lands-
hluta eða staða. í einstökum iðngreinum, t. d. múrun, kynnu breyttir byggingar-
hættir að valda varanlegum atvinnuerfiðleikum. Af þessum sökum kynni
atvinnuástand að slakna miðað við undanfarin ár, einkum á þeim stöðum, þar sem
þenslan í byggingarstarfseminni hefur verið hvað mest.
í áætlunum fyrir árið 1981 er gert ráð fyrir, að heildarfjárfesting verði 4%
minni en á síðastliðnu ári, en sá samdráttur stafar ekki sízt af minni innflutningi
skipa, flugvéla og véla og tækja af ýmsu tagi. Fjárfesting á vegum hins opinbera er
hins vegar talin aukast um nær 3% í heild, einkum vegna aukinna byggingarfram-
kvæmda. í heild er byggingarstarfsemi og mannvirkjagerð talin verða álíka mikil í
ár og í fyrra, en þá jukust umsvif í þessari grein um 3—4%.
Samkvæmt þjóðhagsspá þessa árs er þjóðarframleiðslan talin standa í stað eftir
fremur litla aukningu undanfarin tvö ár. Þjóðartekjur eru taldar dragast lítið eitt
saman á þessu ári og hefðu þá haldizt óbreyttar í þrjú ár. Hætt er við, að þessi
þróun fari að hafa áhrif á atvinnu, einkum þegar líður á árið. Líklegt er, að þessi