Kiwanisfréttir - 01.12.2005, Blaðsíða 3

3
Jesús Kristur sagði eitthvað á
þá leið að „sá sem ætlar að
finna líf sitt týnir því.“ Ég hef
skilið þetta þannig að þegar
hugurinn hneigist að manni
sjálfum þá sé voðinn vís. Þeg-
ar hugurinn snýst um upp-
fyllingu eigin þarfa, þegar
hann hvelfist um eigin raunir
þá sé fyrst hætta á ferðum.
Með sama hætti segir Jesú
Kristur að „sá sem týni lífi
sínu, mín vegna, finni það.”
Það hef ég alltaf skilið þannig
að sá sem gefur hug sinn og
atorku sína, auka atorku sína,
eigum við að segja, í eitthvað
gott og göfugt hann finni eitt-
hvað sem við getum reynt að
kalla hamingju.
Að „týna lífi sínu” vegna Jesú
skil ég í samhengi við orð
Jesú: „allt sem þér gjörðuð
einum minna minnstu bræðra
það hafið þér gjört mér.“ Þeir
sem með einum eða öðrum
hætti leggja þurfandi lið eru
með öðrum orðum að sinna
kalli hans og það er líklegt að
þeir ,,finni“ líf sitt.
Dæmigerður Kiwanisklúbbur
er hópur manna sem kemur
saman kvöldstund aðra hvora
viku. Það er slegið á létta
strengi og hefðum sinnt úr
pontu, allt fer fram eftir föst-
um reglum. Við fyrstu sýn
virðist þetta vera þarfleysa
eða í besta falli saklaus upp-
lyfting en smám saman renn-
ur það upp fyrir þér að bakvið
formlegheitin og léttleikann
er göfugt markmið þú ert í
samtökum sem hafa beinlínis
það markmið að bæta veröld-
ina og þau teygja anga sína
um víða veröld. Samtökin
hafa fyrst og fremst það mark-
mið að hjálpa börnum og
ungu fólki í heiminum. Styðja
og styrkja uppeldi og mennt-
un barna og ungs fólks, barna
sem þurfa á stuðningi að
halda, barna sem t.d. þjást af
sjóndepru eða annarri fötlun,
barna, sem búa við næringar-
skort eða skort á umönnun og
heima fyrir í þorpinu eða
borginni styðja samtökin og
hrinda af stokkunum verkefn-
um sem lúta að umönnum og
þroska yngstu kynslóðarinn-
ar.
Í upplífgandi og skemmtileg-
um félagsskap safna Kiwanis-
menn peningum með því að
selja jólatré eða Kiwanislykil
eða hvað það sem nú er sem
hver klúbbur tekur upp á auk
þess sem menn borga sín fé-
lagsgjöld. Smiðurinn, banka-
stjórinn, athafnamaðurinn,
bílstjórinn og skólastjórinn
kynnast og finna ef svo má
segja skemmtilega leið til þess
að ,,finna líf sitt” því að starfið
í Kiwanis felst ekki í því að
hlaða undir sjálfan sig eða
safna mannvirðingum heldur
hitt að fá á einu bretti útrás
fyrir þörf sína fyrir félagsskap
og fyrir þá grundvallarþörf
hvers og eins að láta gott af
sér leiða og þar með ,,týna
sér” og ,,finna sig” þá kannski
óvart í leiðinni svo vísað sé til
orða smiðssonarins frá Naza-
ret.
Kiwanishreyfingin er ekki
kristinn klúbbur. Hreyfingin
er öflug í heimshlutum þar
sem önnur trúarbrögð eru
ríkjandi. Öll þessi trúarbrögð
benda á það sama. Beindu
huga þínum að verðugum
viðfangfsefnum og bæði þér
og heiminum líður betur.
Kiwanishreyfingin starfar í
þessum anda.
Séra Baldur
Kristjánsson
AÐ TÝNA LÍFI SÍNU EÐA FINNA ÞAÐ
Sendum öllum
Kiwanisfélögum og
fjölskyldum þeirra bestu
jóla- og nýársóskir
með þökk fyrir
samstarfið á liðnum
árum
Umdæmisstjórn
Sendum öllum
Kiwanisfélögum og
fjölskyldum þeirra bestu
jóla- og nýársóskir
með þökk fyrir
samstarfið á liðnum
árum
Kiwanisklúbburinn Skjöldur
Séra Baldur Kristjánsson.