Skírnir - 01.04.2003, Blaðsíða 222

216
RAGNA SIGURÐARDÓTTIR
SKÍRNIR
Eitthvað annað
Það má segja að tvisvar á ferli sínum hafi Ósk stigið yfir ákveðinn þrösk-
uld þegar henni fannst miðillinn ekki þjóna markmiðum sínum lengur. í
fyrra skiptið var hún enn í námi og því tæpast hægt að segja að ferill henn-
ar væri hafinn; engu að síður stóð hún þá á krossgötum og valdi að fara
nýja leið. Síðastliðinn vetur sneri hún sér frá list í efnislegu formi að um-
ræðunni sem listformi. Þá á ég ekki við að Ósk hafi nú ákveðið að fram-
tíð hennar liggi eingöngu á þeim vettvangi; frekar hefur hér nýr miðill
bæst í áhaldatösku listakonunnar.
I febrúar síðastliðnum hélt Ósk sýningu í Gallerí Hlemmi sem var frá-
brugðin öðrum sýningum hér í bæ að því leyti að listakonan sýndi engin
listaverk. Yfirskriftin var Eitthvað annað. Eins og Ósk sagði í viðtali var
hún orðin þreytt á framleiðslu íslenskra listamanna á listaverkum sem eru
óður til hversdagsins, sama á hverju gengur í samfélaginu, hér heima og
úti í hinum stóra heimi. Kannski var hún líka orðin óánægð með eigin
verk, en að vissu leyti fjalla mörg ljósmyndaverka hennar einnig um
hversdaginn og hvernig við varðveitum hann. Á einhvern hátt fannst
henni hún ekki ná markmiðum sínum fram innan þessa ramma lengur,
hún varð að færa til mörkin.
I Gallerí Hlemmi hafði Ósk þann háttinn á að hún bauð gestum og
gangandi að ræða um hvað betur mætti fara í þjóðfélaginu. Hún bauð
einnig listafólki og fræðimönnum úr ýmsum greinum að halda stutt er-
indi til að koma af stað markvissari umræðum. Reyndin varð sú að fólk
úr öllum hópum þjóðfélagsins kom saman og ræddi allt milli himins og
jarðar, umræðan einskorðaðist alls ekki við myndlistarmenn og málefni
þeirra, sem hefði líka takmarkað hana verulega. I samtali ræddi Ósk
einnig um kosti þess að nota Gallerí Hlemm sem hlutlausan umræðu-
vettvang. Umræða í heimahúsi hefur á sér allt annan blæ. Galleríið er op-
inber en um leið ópólitískur vettvangur; að halda slíka umræðufundi í
einhverju öðru húsnæði, til dæmis leigðum sal úti í bæ, fengi strax á sig
blæ nýrrar stjórnmálahreyfingar: X- Eitthvað annað. Sú varð ekki raun-
in á Hlemmi. Ósk bauð fólki einnig að tjá sig á listrænan hátt og nokk-
uð var um að fólk kæmi með teikningar, jafnvel höggmyndir. Óvíst er
hver afrakstur eða árangur umræðunnar er frá hagnýtu sjónarmiði; Ósk
hefur hugsað sér að gefa út einhvers konar bók eða fjölrit, þar sem þær
skoðanir sem fólk lét í ljós koma fram og er að íhuga mögulegt framhald
á þessu verkefni.