Breiðfirðingur - 01.04.1954, Blaðsíða 21

Sviðnur og Ólafur Teitsson
1.
Vestur á Breiðafirði eru eyjar, er Sviðnur heita. Þær
eru í Vestureyjum, þeim hluta þeirra, er heimamenn nefna
Inn-eyjar. Það er eyjaklasi austur af Flatey, sem saman-
stendur af nokkur hundruð eyjum, mörgum hólmum og
óteljandi skerjum.
Sviðnur hafa nokkra sérstöðu á meðal þessara systra
sinna. Þær eru eins konar Helga í öskustónni. Þær eru
minnstar, aðeins 20 hundruð að fornu mati, liggja nokkuð
á jaðri og um fleira hafa þær orðið afskiptar, þegar arfi
skaparans var skipt á þessum slóðum. En fegurð hlutu
þær í morgungjöf. Mörgum þykir þar fegurst í eyjum á
Breiðafirði. Sviðnasund heitir sundið sem skilur þær frá
hinum eyjunum. Aðrar eyjar, sem byggðar eru, á þessum
slóðum, eða byggðar voru til skamms tíma, teljast 40
hundruð a.f.m. hver um sig.
Líkur benda þó til, að Sviðnur hafi einhverntíma verið
stærra ábýli.
Þrjár til fjórar sjómílur suður frá Sviðnum eru tvær all-
stórar eyjar auk nokkurra hólma, er einu nafni nefnast
Suðurlönd. Suðurlöndin liggja nú, og hafa svo lengi sem
menn almennt vita, legið undir Skarð á Skarðsströnd. En
nafn eyjanna bendir til þess, að þær hafi upphaflega leg-
ið undir einhverja aðra jörð, er norðar var á firðinum.
Hver sú jörð hefur verið, er nú ekki vitað. En þegar vitað
er, að á dögum Olafar ríku voru Sviðnur, ásamt fleiri Vest-