Breiðfirðingur - 01.04.1954, Blaðsíða 72

62
BREIÐFIRÐINGUR
hlið, af þeim voru þrjú komin yfir fermingu og sex voru
yngri en sextán ára. Enda þótt sorgin markaði dýpri spor
og hefði meiri áhrif á líf Þorgils, en fátækleg orð óvið-
komandi manns fá lýst, var ekki gefizt upp, heldur var
stefnunni haldið áfram. Elzta dóttirin Steinunn tók við hús-
móðurstörfum og sinnti þeim meðan Þorgils bjó. — En
þá reyndi á föðurinn, sem auk þess að sjá sínu stóra heim-
ili farborða fjárhagslega varð nú að annast bæði föður- og
móðurskyldu við börn sín. Þorgils sýndi, að þeim vanda
var hann vaxinn.
Þorgils Friðriksson var afbragðs kennari og sérstakur
leiðtogi barna og unglinga. Honum tókst ekki einungis að
ala börn sín myndarlega upp, heldur, að hvetja og styðja
þau til manndóms og menntunar. Sýnir það bezt stórhug
Þorgils að leggja út í það, að setja öll sín börn til menntun-
ar, fátækur bóndi og ekkjumaður að auk. En svo sterkur og
áhrifaríkur var Þorgils í uppeldi sínu, að systkinahópurinn
stóð jafnan hlið við hlið og hjálpaðist að á menntabraut-
inni, og hefur ætíð staðið saman síðan.
Þessi myndarlegi barnahópur Þorgils starfar nú í ýms-
um trúnaðarstöðum og nýtur traust og tiltrúar allra sem
til þekkja. Námsþrá Þorgils sjálfs var mjög mikil, en
hann átti ekki kost á skólagöngu og mun ætíð hafa harmað
það. En námsþrá sinni fullnægði hann með sjálfsnámi og
menntun barna sinna. Eins og áður er tekið fram starfaði
Þorgils mikið við barnakennslu, mun hann hafa byrjað
það um þrítugt og hélt kennslu áfram til 75 ára aldurs.
Meðan hann bjó, tók hann börn heim á heimili sitt, en eftir
það stundaði hann farkennslu. Þorgils mun hafa veiið góð-
ur kennari, sem hugsaði ekki einungis um að kenna náms-
verkefni vel, heldur að hafa áhrif á nemendur sína til auk-
ins manndóms og þroska. Trúmaður var hann sannur, og
kennslu hans í þeirri fræðigrein viðbrugðið, og til trúar