Breiðfirðingur - 01.04.1970, Blaðsíða 40
38
BREIÐFIRÐINGUR
sína daga. En um hann hefur verið svo mikið ritað, að
vel má hér aðeins vitna til sögu Flateyjar og Vestlendinga
um afrek hans og menningarstörf. Hann var einn af helztu
stofnendum Framfarastíftunar í Flatey, stofnaði þar bóka-
safn og gaf út tímaritið Gest Vestfirðing. A hans tímabili
eða frá 1842—1848 var Guðm. Einarsson síðar á Kvenna-
brekku aðstoðarmaður hans. Þjónaði eingöngu Múla og
bjó í Skáleyjum. Sr. Olafur Sívertsen dó 1860. Sr. Guðjón
Hálfdánarson og sr. Jón Thórarensen, sonur Bjarna amt-
manns voru hvor um sig nokkur ár. Þeir þóttu báðir frá-
bærir söngmenn og sr. Jón Thór. vel hagmæltur. Annars
fátt um þá sagt, enda vandi að taka við eftir sr. Olaf
Sívertsen.
Sr. Andrés Hjaltalín var til 1880. Hann lærði hjá Sig-
urði á Rafnseyri og kom til Flateyjar 1868. Hann var
skáldmæltur vel og orti rímur, en þótti nokkuð sérvitur
og þá ekki síður seinna kona hans, Eggþóra. En fyrri kona
bans hét Margrét og var þeirra sonur Jón Hjaltalín, skóla-
meistari á Möðruvöllum, en til hans flutti sr. Andrés síð-
ast og dó þar. Hann þótti hraustmenni mikið, dagfarsprúð-
ur og hlédrægur að skapgerð.
Eftir sr. Andrés Hjaltalín kom sr. Sigurður Jensson
bróðursonur Jóns Sigurðssonar forseta, en sonur Jens yfir-
dómara Sigurðssonar í Reykjavík.
Hann var hinn mesti höfðingi, en dulur og fáskiptinn
hversdagslega og óáleitinn og íhlutunarlaus um alþýðuhag.
Kona hans var Guðrún Sigurðardóttir úr Flatey, hin feg-
ursta kona, jafnan nefnd „frúin“ í Klausturhólum eða
Flatey, manna á milli. Þau þóttu jafnan heldra fólk í orðs-
ins beztu og helztu merkingu og áttu mörg börn. Sr. Sig-