Breiðfirðingur - 01.04.1970, Blaðsíða 65

BREIÐFIRÐINGUR
63
um fornan stórhug og höfðingslund, sem en logaði glatt í
skapi Vestlendinga.
Enginn mun hafa athugað frumþætti þessa máls betur
en fræðaþulurinn Lúðvík Kristjánsson í Hafnarfirði og er
heill og merkur kafli í Vestlendingum hans helgaður Kolla-
búðarfundunum, undirbúningi þeirra og framkvæmd.
Hann telur kveikju fundanna komna frá Jóni Sigurðs-
syni, forseta, sem þá var þingmaður í Isafjarðarsýslu. Hann
hafði þó sjaldan eða aldrei tök á að sitja eða sækja þessa
fundi, en hvatti til þeirra bæði í ræðu og riti og gjörði það,
sem í hans valdi stóð til að koma ályktunum þeirra og
bænaskrám í framkvæmd hjá stjórn og konungi.
Þeir sem fremstir stóðu í undirbúningi og öllu þinghaldi
á Kollabúðum voru stjórnarmenn Bréflega félagsins í Flat-
ey, og þó fyrst og fremst Olafur Sívertsen. En hann var
líf og sál Kollabúðafundanna í fullan áratug eða meðan
hann lifði eftir stofnun þeirra. Raunar má segja, að sá
maður hafi verið blysberi og kallari allra helztu menning-
armála við Breiðafjörð á þessu tímabili, maður morgun-
roðans og frelsisins á öllum sviðum.
En hann hafði samstarfsmenn góða. Má þar nefna sr.
Ólaf Johnsen á Stað á Reykjanesi, sr. Guðmund Einarsson
á Kvennabrekku og Bryjólf Benediktsson, einn helzta auð-
mann Breiðafjarðar og Islands alls í þá daga. Og ekki
má gleyma Magnúsi Gíslasyni sýslumanni ísfirðinga, en
hann var forseti fyrsta og fjórða fundarins. Og eftir hann
er eina ræðan, sem varðveitzt hefur frá þinghaldi þessu. En
því miður virðast allar gjörðabækur Kollabúðafundanna
hafa glatazt. En fréttir af þeim og ályktunum þeirra, bréfum
og gjörðum liafa þó varðveitzt að miklu leyti í samtíða blöð-