Breiðfirðingur - 01.04.1982, Page 25

BREIÐFIRÐIN GUR
23
svo þau fóru að huga að stærri jörð. Eftir tveggja ára dvöl í
Undirtúni þá fengu þau til ábúðar jörðina Ögur í Helgafellssveit
og var það árið 1900. Þar undu þau hag sínum vel þó að
lífsbaráttan væri hörð. Börnunum fjölgaði enn og vinnan var
mikil.
Páll var öllum stundum á sjónum, sem hann gat misst frá
búskapnum. Hann eignaðist bát og stundaði útróðra frá
Höskuldsey á haustin. Þá kynntist hann því að stutt var á
fiskimiðin þaðan. En svo kom að því að þau urðu að fara frá
Ögri.
Um þetta leyti var Höskuldsey laus til ábúðar og sótti Páll um
og fékk hana. Fluttust þau í Höskuldsey vorið 1911. Helga og
börnin söknuðu mjög Ögurs því þar hafði þeim liðið vel. Það er
mikil breyting að fara af fasta landinu og fram í litla djúpeyju.
En Páll undi vel hag sínum og sótti sjóinn af kappi.
Á fyrsta sumri sínu í eyjunni eignuðust þau þrettánda barnið.
Það var drengur og var hann skírður Höskuldur eftir eynni.
Þarna bjuggu þau til 1919 en tóku sig þá upp og fluttu út á
Hellissand og voru þar eitt ár. Það varð þeim ekki hagstætt og
kunni Páll ekki við sig og saknaði þess, sem hann hafði farið frá í
Höskuldsey. Hún er ríkisjörð og hafði verið í eyði þetta ár. Svo
fór að Páll sótti um jörðina og fékk hana aftur. Flutti hann með
allt sitt vorið 1920 og þar bjuggu þau til ársins 1931.
Nítján ár eru stór hluti af mannsævinni og þarna voru þessi
hjón með sinn stóra barnahóp, mörg lítil, á lítilli eyju langt frá
mannabyggð. Það var sannarlega hörð barátta og mikil
einangrun. Langir vetur með vondum veðrum og ísalögum svo
ekki var hægt að fara til lands, eða hafa samband við neinn.
Oft þurftu móðirin og börnin að bíða langtímum saman til að
vita um afdrif heimilisföðurins, ef veður versnuðu skyndilega
eða tók að brima, svo að hann gat ekki lent heima en varð að leita