Breiðfirðingur - 01.04.1989, Page 46

44
BREIÐFIRÐINGUR
Þorvaldur bregður við og hefir víst álitið að til sín væri
kveðið, enda var svo, og segir hvatlega: „Ég er hvorki
strákur né stórhöfðingi“, og gengur burt um leið. Þá kvað
Sigurbjörn eftirfarandi vísu svo að Þorvaldur mátti vel
heyra:
Þá er píkan þarna líka hjá þeim
þýð í lund og þéttvaxin
Þóroddsstaða jómfrúin.
Ráku þá þeir er viðstaddir voru upp hlátur allmikinn. Mun
tilefni hlátursins hafa verið að Þorvaldur og kona hans áttu
ekki börn saman.
6. vísa:
Spínkar Eggert spéhræddur
spilar Daði málvinur
Gísli er sagður góðlyndur
göslar Jónas hjálpsamur.
Eggert Guðmundsson. Hann fæddist 18. maí 1858 og dó 18.
september 1913. Foreldrar hans voru Guðmundur Guð-
mundsson í Bessatungu og kona hans Kristín Eggertsdóttir.
Kona Eggerts var Guðlaug Guðmundsdóttir frá Magnús-
skógum.
Þau Eggert og Guðlaug eignuðust ellefu börn og af þeim
náðu þessi fullorðinsaldri: 1. Jónína Ástríður átti Guðbrand
Sigurbjörnsson bónda á Svarfhóli, síðar trésmið í Reykja-
vík. 2. Guðmundur var fyrst bóndi í Gröf en síðar á Nýp á
Skarðsströnd. 3. Kristmundur var líka bóndi í Gröf en síðar
í Rauðbarðaholti í Hvammssveit. Hann giftist Karítas
Jóhannsdóttur frá Drápuhlíð í Helgafellssveit. Hún gekk frá
honum brúðkaupskveldið og mun ekki hafa numið staðar
fyrr en norður í Skagafirði. Skömmu síðar kvongaðist Krist-
mundur Salóme Einarsdóttur frá Hróðnýjarstöðum. Þau
eignuðust fjögur börn. 4. Margrét átti Guðmund Sigurðsson