Breiðfirðingur - 01.04.1994, Side 70
68
B REIÐFIRÐINGU R
matreiðslu, en vildi þó hjálpa henni með leiðsögn bókarinnar.
Einhvernveginn tókst þetta vel, en hún bað mig aldrei oftar að
kenna sér matreiðslu, enda þurfti hún þess ekki því að hún var
mjög myndarleg húsmóðir.
Um aimes og eyjar
Næsta haust - 1912 - var það enn Ingveldur, sem gerði mér
boð að tala við sig. Erindið var að vita hvort ég vildi ekki ráð-
ast kennari um tíma, að Hrappsey og Dagverðarnesi í Dala-
sýslu. í Hrappsey bjó Andrés Grímúlfsson og Jóhanna kona
hans. Þau áttu mörg börn og flest uppkominn og sum farin að
heiman, en þrjú voru ófermd.
I Dagverðarnesi bjó Isleifur Jónsson og kona hans Krist-
borg. Þau áttu þá sex börn og áttu tvö að fermast þá um vorið,
en fimm voru á kennslualdri. Þessir bændur vildu nú samein-
ast um kennara fram að jólum. Eftir jólin langaði svo Akur-
eyjarhjónin til að ég kæmi þangað aftur.
Eg var nú á báðum áttum hvort ég ætti að fara að stunda
kennslu hjá mörgu ókunnu fólki, en Ingveldur taldi kjark í mig
og sagði að svo góður árangur hefði orðið af vetrinum í Akur-
eyjum að sjálfsagt yrði fyrir mig að halda áfram. Það varð því
úr að ég lofaði þessu.
A tilsettum degi var ég svo tilbúin að fara. Andrés
í Hrappsey var á stórum báti, og virtist mér hann mikið
hlaðinn af varningi og fólki, sem fékk þá flutning upp á
Fellströnd og jafnvel inn í Hvammssveit. Veðrið var gott
og Andrés ágætur sjómaður, enda voru þeir það yfirleitt,
eyjabændurnir á Breiðafirði. Þá voru ekki vélbátar, sem
ösluðu milli lands og eyja, eins og síðar varð, en fólkið kunni
að róa, bæði konur og karlar, og virtist báturinn ganga býsna
vel.
í Hrappsey tók húsfreyjan á móti okkur með hlýju brosi.
Hún var vel búin, fríð kona, prúð og elskuleg í framkomu.
Okkur var boðið inn í stóra gestastofu, sem er undir lofti.