Ljósmæðrablaðið - 01.07.2011, Blaðsíða 27

27júlí 2011 • Ljósmæðrablaðið
erfiður en þó var biðin mislöng. „Hún hringdi
bara strax uppeftir og ég fór bara beint ...
ég var ekkert stressuð yfir þessu“. En í þeim
tilfellum þar sem konurnar þurftu að bíða í
einhverja daga kom fram að biðin reyndist
þeim mörgum erfið. „Ég var pínu óþolinmóð
og með óróa en ég svo sem svaf alveg og
ég tók engin kvíðaköst ... hugsaði dálítið um
þetta svona yfir daginn“.
Þegar mæðurnar höfðu jafnað sig á áfall-
inu þegar grunsemdir vöknuðu um vaxtar-
skerðingu leið þeim vel og fannst gott að
betur væri fylgst með þeim og þær fengu að
sjá barnið oftar í sónar.
Í ómskoðuninni
Annað meginþemað var það sem gerðist á
meðan á ómskoðuninni stóð.
litlar sem engar áhyggjur „...ég hafði bara
ekki neinar sérstakar áhyggjur“ önnur sagði
„...það var náttúrulega pínu sjokk“.
Það að ómunin var ekki partur af hefð-
bundinni meðgönguvernd olli vanlíðan
„...óþægindi, þú veist af því maður á ekki
að vera að fara í þetta“. Sumar kvennanna
óttuðust einnig um heilbrigði barnsins, ein
óttaðist mjög að barnið myndi deyja. „Ég var
búin að vera hrædd og kvíðin ... hinir sónar-
arnir voru búnir að vera til að sjá hvort það
sé ekki allt í lagi en þarna þá var þetta til
að sjá hvort það væri eitthvað að ... þarna
þá breyttist þetta pínulítið ... þegar þetta var
komið þá langaði mig bara að klára þessa
meðgöngu“. Tíminn frá því að konurnar
höfðu fengið boð um ómskoðun vegna
gruns um vaxtarskerðingu reyndist nokkuð
að ganga í gengum þetta allt áður ... þá voru
allir bara rólegir yfir þessu“. Aðrar konur
vitnuðu í reynslu sem þær vissu af frá öðrum
konum. „Þegar ég fór að skoða þetta aðeins
betur þá náttúrlega róaðist maður strax,
vitandi að þetta væri svo algengt“. Konurnar
hugleiddu lítið að vaxtarskerðing gæti bent
til þroskafráviks hjá fóstri. Þær höfðu í raun
ekki miklar áhyggjur þar sem þær vissu ekki
um nein dæmi þess að barn hefði fæðst
með eitthvað frávik vegna vaxtarskerðingar.
Ein þeirra lýsti reynslu sinni þannig „...en á
endanum komu heilbrigð börn“. Þannig að
þeirra reynsla var sú að þetta yrði líklega allt
í lagi.
Að leita skýringa
Flestir viðmælendurnir upplifðu að áður
en að ómskoðuninni kom reyndu þær að
finna ástæður þess að grunur hefði vaknað
um vaxtarskerðingu og töldu sig sjálfar
bera meginábyrgðina. „Ég var búin að vera
nokkrar vikur á brettinu að djöflast, ég var
hrædd um að ég væri að gera barninu mínu
eitthvað slæmt“. Þær upplifðu mikla van-
líðan, ásökuðu sig sjálfar fyrir að hafa breytt
rangt gagnvart ófædda barninu og að það
væri þeirra sök að barnið þeirra dafnaði ekki
sem skyldi. „Ég var með þessa ásökun, sjálfs-
ásökun að ég hefði verið að gera of mikið,
að barnið myndi ekki dafna nógu mikið ... af
því að ég væri að taka of mikið“. Konurnar
lýstu því einnig að það hefði verið erfitt að
upplifa að engin ástæða hafi fundist fyrir
því að barnið þeirra var nett og þess vegna
hefði þeim verið boðið að fara í vaxtaróm-
skoðun. „Maður var alveg tilbúinn að finna
einhverjar ástæður en það var engin skýring
á þessu“. Aðeins ein kvennanna lýsti því að
hún hefði hugleitt að skýringin væri sú, að
barnið yrði ef til vill líkamlega eða andlega
fatlað eftir fæðingu. „Það var frekar það að
það væri eitthvað að líkamlega eða andlega,
að hann væri eitthvað fatlaður eða eitthvað
annað svona undirliggjandi, einhverjir alvar-
legir hlutir sem mér fannst frekar líklegri
heldur en bara að barnið væri lítið”.
Andleg líðan
Í öllum tilfellum fundu konurnar fyrir van-
líðan þegar þeim var tjáð að grunur léki á
vaxtarskerðingu hjá ófæddu barni þeirra.
Sumar kvennanna urðu mjög áhyggjufullar
„...þannig að ég var alveg svaka hrædd,
fékk næstum því taugaáfall ... þetta var
svona hræðslukast“ á meðan aðrar höfðu
Borgartúni 21 | 105 Reykjavík | Sími : 569 6900, 800 6969
www.ils.is
Aukalán vegna sérþarfa
Þeir sem hafa skerta starfsorku, eru fatlaðir eða hreyfihamlaðir geta fengið
aukalán til að gera breytingar á íbúðarhúsnæði eða til að kaupa eða byggja
húsnæði vegna sérþarfa sinna. Lánið kemur til viðbótar 20 milljóna króna
hámarksláni Íbúðalánasjóðs eða öðrum fasteignaveðlánum að hámarki 20
milljónum. Einnig er heimilt að veita aukalán til forsvarsmanna þeirra sem
búa við sérþarfir.