Ljósmæðrablaðið - 01.12.2011, Blaðsíða 33
33Ljósmæðrablaðið - desember 2011
Í fræðslunefnd LMFÍ sitja Hanna Rut Jónas-
dóttir, formaður, Bergrún Svava Jónsdóttir,
Brynja Pála Helgadóttir, Halldóra Karlsdóttir
og Sveinbjörg Brynjólfsdóttir.
Það sem hefur einna helst staðið upp úr á
þessu ári eru nálastungunámskeiðin sem María
Sigurðardóttir hjá 9 mánuðum hefur haldið.
Eitt grunnnámskeið var haldið í vor og annað
á haustmánuðum. 10 ljósmæður komust að á
hvort námskeiðið fyrir sig og komust færri að
en vildu. Einnig var haldið eitt upprifjunarnám-
skeið fyrir þær ljósmæður sem hafa nýtt sér
nálastungutæknina í einhvern tíma. Áætlað er
að halda eitt grunnnámskeiðið í janúar á næsta
ári.
Tvær hringborðsumræður voru auglýstar
síðastliðið vor. Fyrri umræðunum áttu Guðrún
I. Gunnlaugsdóttir og Elín Arna Gunnarsdóttir,
ljósmæður, að stjórna og var viðfangsefnið
áhrif ofþyngdar á meðgöngu, sængurlegu og
fæðingu. Því miður var mætingin mjög léleg
þar sem gleymdist að senda út smáskilaboð til
áminningar og því var umræðunum frestað.
Vonumst til að fá tækifæri til að hlusta á stöll-
urnar síðar.
Seinni hringborðsumræðunum stjórnaði
Björg Sigurðardóttir, ljósmóðir, og fjallaði
hún um mikilvægi þriðja stigs fæðingar,
nýjar hugmyndir á gömlum grunni. Björg var
í meistaranámi og gerði í því úttekt á þriðja
stigi fæðingar m.a. í tengslum við erfiðar
fæðingar. Mikilvægt er að við ljósmæður
séum duglegar að sækja þessi fræðslukvöld
bæði til að efla okkur sem ljósmæður og nýta
hverja stund sem við getum hist og átt góðar
stundir saman.
Ástþóra Kristinsdóttir, Valgerður Lísa
Sigurðardóttir og Birna Gerður Jónsdóttir,
ljósmæður, í samvinnu við Endurmenntun HÍ,
voru með námskeið í maí sem bar yfirskriftina
“Barneignarferlið og viðkvæmir hópar kvenna
– námskeið um þjónustu og umönnun”.
Fjallað var um barneignarþjónustu við konur
sem hafa búið við heimilisofbeldi, erlendar
konur og konur sem eiga við áfengis- og/eða
vímuefnavanda að stríða. Þetta var heilsdags-
námskeið sem heppnaðist í alla staði vel og
var vel sótt af ljósmæðrum.
Í byrjun október buðu Björkin og LMFÍ
ljósmæðrum að hlusta á fyrirlestur með
Penny Simkin, breskrar “doulu”, þar sem
hún ræddi meðal annars um efni sem koma
fram í nýrri bók hennar “The labor progress
handbook.” Má þar nefna hvernig hægt
sé að hraða fæðingu, framhöfuðstöðu í
fæðingu- hvað hægt sé að gera, hliðarverkanir
mænurótardeyfingar- hvernig hægt sé að
minnka þær og veita konunum stuðning í
fæðingunni. Síðast en ekki síst ræddi hún um
hvaða áhrif það hefur á konu í fæðingu að hafa
þolað kynferðisofbeldi. Um 30 ljósmæður
mættu á þennan fyrirlestur sem var mjög svo
áhugaverður.
Þegar þetta er ritað er fræðslunefndin í
samvinnu við Endurmenntun HÍ að vinna í að
fá Steve Griffith til landsins til að vera með
námskeið um hypnobirthing. Við erum nú að
kanna áhuga ljósmæðra á þessu námskeiði og
hvenær þær mundu helst vilja hafa það.
Jólafundur verður svo að sjálfsögðu haldinn
á aðventunni og vonumst við til að sjá sem
flestar þar.
Fyrir hönd fræðslunefndar,
Hanna Rut Jónasdóttir, formaður
Starf fræðslunefndar LMFÍ árið 2011
Skipulagðar heimafæðingar á
Íslandi árin 2010-2014
Minnum á rannsókn
Kæru ljósmæður
Núna stendur yfir rannsókn á öllum
skipulögðum heimafæðingum á Íslandi,
þ.e. á tímabilinu 2010-2014, til þeirra
teljast allar fæðingar sem áætlað er að
eigi sér stað heima og hefjast þar óháð
því hvort fæðingin klárist heima eða eftir
flutning á sjúkrahús.
Þar sem skráning á heimafæðingum
er ónákvæm þurfum við upplýsingar frá
heimafæðingarljósmæðrum. Ekki er hægt
að gera greinarmun á fyrirfram ákveðinni
og óvæntri heimafæðingu. Skipulögð
heimafæðing sem hefst heima en lýkur eftir
flutning á sjúkrahús er ekki skráð sem slík.
Rannsóknin á Íslandi er hluti af
samnorrænni rannsókn. Tilgangur rann-
sóknarinnar er að skrá allar skipulagðar
heimafæðingar á Norðurlöndum á 5 ára
tímabili. Markmiðið er að kanna með
spurningalistum hversu margir foreldrar
skipuleggja heimafæðingu, hversu
margar konur eru fluttar á sjúkrahús í
fæðingarferlinu og að fá vitneskju um
útkomu og heilsu kvenna og barna þeirra.
Ennfremur er skoðuð reynsla og upplifun
kvenna og maka þeirra af því að fæða
heima.
Leyfi hefur verið fengið frá
vísindasiðanefnd og rannsóknin tilkynnt
til persónuverndar. Ábyrgðarmaður rann-
sóknarinnar er Ólöf Ásta Ólafsdóttir ljós-
móðir og lektor, sími: 8634623, netfang:
olofol@hi.is. Meðrannsakandi og starfs-
maður rannsóknar er Ásrún Ösp Jónsdóttir,
ljósmóðir og meistaranemi sími: 866-8198,
netfang: aoj5@hi.is.
Til þess að sem marktækastar niður-
stöður fáist er mjög mikilvægt er að fá
hátt svarhlutfall sérstaklega hér á landi þar
sem hver fæðing vegur þungt. Niðurstöður
verða birtar bæði fyrir Norðurlöndin í heild
og fyrir Ísland eitt og sér, í fagtímaritum,
fyrirlestrum og lokaverkefnum í grunn- og
framhaldnámi í ljósmóðurfræði.
Við óskum eftir upplýsingum frá ljós-
mæðrum um nöfn kvenna og maka þeirra,
sem skipuleggja heimafæðingu á tímabilinu
2010-2014. Við sendum svo nánari
upplýsingar um rannsóknina og óskum eftir
skriflegu samþykki frá foreldrum fyrir þátt-
töku og leyfi þeirra fyrir því að ljósmóðir
svari líka spurningalista um fæðinguna.
Við gefum gjarnan nánari upplýsingar
um rannsóknina og bendum á heimasíðuna
nordichomebirth.com þar sem spurninga-
listana er að finna. Upplýsingar um konur
og maka sem hafa skipulagt heimafæðingu
óskast sendar til Ásrúnar í tölvupósti.
Með fyrirfram þakklæti fyrir góð
viðbrögð og samvinnu
Ólöf Ásta og Ásrún Ösp