Ljósmæðrablaðið - 01.12.2013, Blaðsíða 28

28 Ljósmæðrablaðið - desember 2013
meta að hve miklu leyti er hægt að yfir-
færa þær yfir á þann hóp fólks sem við
önnumst hverju sinni. Við heilbrigð-
isstarfsmenn höfum þróað með okkur
aðferðir til að nýta áreiðanlega þekkingu
sem grundvöll klínískra og faglegra leið-
beininga. Forsendur þeirrar vinnu er okkar
eigin hæfni til að leggja hlutlaust mat á
rannsóknir sem liggja að baki nýrri þekk-
ingu. Grunnmenntun heilbrigðisstétta á
háskólastigi gerir ráð fyrir ákveðinni getu
til að greina hismið frá kjarnanum, og við
gerum talsvert meiri kröfur um sérþekk-
ingu á rannsóknum til þeirra sem standa
fyrir okkar hönd að stefnumótun um störf
okkar.
Flestir fjölmiðlamenn sem hafa menntað
sig til starfans sinna verkum sínum af alúð
og leggja metnað sinn í vandaða heimilda-
vinnu við öflun frétta. Í sumum tilfellum
hafa þeir jafnvel menntað sig sérstaklega
til að annast umfjöllun um vísindarann-
sóknir. Íslenskir fjölmiðlar hafa þó ekki
farið varhluta af efnahagslægðinni og gera
má ráð fyrir að fréttaflutningi hér á landi
sé að hluta til sinnt af fólki sem ekki hefur
til þess viðunandi menntun eða aðstæður.
Í slíku umhverfi er þeim mun mikilvægara
að heimildarmenn úr hópi heilbrigðis-
starfsmanna tjái sig á faglegum grund-
velli.
Þegar upp koma hitamál á borð við
heimafæðingar og útkomu nýbura getum
við verið krafin um svör sem er ekki eðli-
legt að gefa án vandlegrar umhugsunar.
Vönduð rýni á rannsóknargreinum getur
tekið langan tíma. Heit frétt er hins vegar
fljót að verða köld og fréttamaður í tíma-
pressu getur verið snöggur að finna sér
nýjan heimildarmann. Kannski er eðlilegt
að það skapist ákveðinn núningur þegar
tveir heimar mætast þar sem tíminn gengur
ekki á sama hraða. Við sem vinnum að
heilbrigðisvísindum vitum að svörin munu
koma þegar þeirra tími rennur upp. Þótt
það sé ekki svarið sem selur geta frétta-
menn í millitíðinni þurft að sætta sig við
eina svarið sem er í boði: „Ég hef ekki
nægilega þekkingu á efninu til að tjá mig
um það að svo stöddu“.
Heimildaskrá
Berglind Hálfdánsdóttir, Ólöf Ásta Ólafsdóttir og
Alexander Kristinn Smárason. (2011). Að fæða
heima – áhætta eða ávinningur? Samanburður
á útkomu fyrirfram ákveðinna heimafæðinga
og sjúkrahúsfæðinga á Íslandi 2005‒2009:
afturvirk forrannsókn með tilfella-viðmiðasniði.
Ljósmæðrablaðið 89(2), 6‒12.
Cheng, Y. W., Snowden, J. M., King, T. L., og Caughey,
A. B. (2013). Selected perinatal outcomes associated
with planned home births in the United States
[rafræn útgáfa]. American Journal of Obstetrics
& Gynecology, 209, 325.e1-8. doi: 10.1016/j.
ajog.2013.06.022.
Deer, B. (2011). How the case against the MMR vaccine
was fi xed [rafræn úgáfa]. BMJ, 342, c5347, doi:
http://dx.doi.org/10.1136/bmj.c5347.
Grünebaum, A., McCullough, L. B., Sapra, K. J.,
Brent, R. L., Levene, M. I., Arabin, B., o.fl . (2013).
Apgar score of 0 at 5 minutes and neonatal seizures
or serious neurologic dysfunction in relation to
birth setting [rafræn útgáfa]. American Journal
of Obstetrics & Gynecology, 209, 323.e1-6. doi:
10.1016/j.ajog.2013.06.025.
Wakefi eld, A. J., Murch, S. H., Anthony, A., Linnell,
J., Casson, D. M., Malik, M., o.fl . (1998). Ileal-
lymphoid-nodular hyperplasia, non-specifi c colitis,
and pervasive developmental disorder in children.
The Lancet, 351, 637‒641.