Ljósmæðrablaðið - 01.12.2013, Blaðsíða 29

29Ljósmæðrablaðið - desember 2013
Verðandi ljósmæður
„Time flies when you´re having fun“. Þessi
orð komu strax upp í hugann þegar ég ætlaði
að fara að skrifa stuttan pistil um ljósmæðra-
námið. Það voru svo sannarlega spenntir
verðandi ljósmæðranemar sem mættu í
hádegismat eldri ljósmæðranema vorið
2012. Á þeim tíma fannst okkur óralangur
tími þar til við gætum farið að kalla okkur
ljósmæður. Nú er það hinsvegar þannig
að aðeins er um hálft ár í útskrift! Tíminn
hefur flogið áfram enda er ljósmóðurfræðin
með eindæmum skemmtilegt nám. Hópur-
inn okkar samanstendur af tíu mjög ólíkum
einstaklingum sem ná betur saman en nokkur
getur ímyndað sér og var það ljóst strax í
upphafi að þarna værum við búnar að eign-
ast níu frábærar systur, vinkonur fyrir lífstíð.
Námið byrjaði af krafti og að loknum fyrsta
áfanga fórum við systur í bústaðarferð, það
var frábær ferð í alla staði sem hristi hópinn
enn betur saman.
Ég held að engin okkar gleymi því þegar
við sátum og hlustuðum á eldri nema flytja
dagbókarverkefnin sín, þvílíkir snillingar og
ekki gat maður ímyndað sér að við yrðum
svo klárar eftir aðeins eitt ár. Margt sem
þær sögðu skildum við ekki einu sinni þó
við höfum eflaust kinkað kolli, brosað og
þóst vita nákvæmlega um hvað var rætt. Nú
á haustmánuðum stóðum við í sporum eldri
nema og fluttum dagbókarverkefnin okkar.
Enn í dag finnst okkur við ansi blautar á
bakvið eyrun enda er margt sem við eigum
eftir ólært og er það einmitt það sem gerir
þetta starf svo skemmtilegt, fjölbreytileikinn.
Svo lengi lærir sem lifir á svo sannarlega við
í þessu starfi.
Sú hefð hefur skapast að yngri nemar fái
húfu eða smekk merktan „fyrsta ljósubarnið“
að gjöf frá þeim eldri til að afhenda fyrsta
barninu sem tekið er á móti. Janúar 2013 er
okkur flestum ofarlega í huga en þá hófst
verknámið okkar og tókum við flestar á móti
fyrsta ljósubarninu í þeim mánuði, yndislegt.
Gáfum smekkinn og fengum margar hverjar
mynd af okkur með barninu og smekknum :)
Þegar við tókum okkar fyrstu vaktir í Hreiðr-
inu vorum við eins og nýbakaðir foreldrar,
gengum um á bleiku skýi. Öll upplifun á
þessum fyrstu vöktum var framandi en okkur
var fljótt ýtt að eldlínunni og fengum við að
upplifa hlutverk ljósmæðra beint í æð. Hægt
og rólega er verið að sleppa af okkur takinu,
við höfum fengið frábæra leiðsögn og okkur
verið sýnt mikið traust á meðan okkar fyrstu
skref eru stigin í þessu frábæra starfi. Í þessu
starfi er ekki hægt annað en að fyllast stolti af
kynsystrum sínum, ljósmæðrum og ekki síst
fæðandi konum, konur eru magnaðar!
Eins og fram hefur komið er ljósmæðra-
námið einstaklega skemmtilegt nám en líka
krefjandi, þrátt fyrir það gleymum við ekki að
hafa gaman saman. Árlega er farið í vísinda-
ferð og haldin vegleg árshátíð með tilheyrandi
gleðskap, happdrættisvinningum og skemmti-
atriðum. Haldin eru kökuboð í skólanum við
hin ýmsu tilefni eða bara án tilefnis og ekki
má gleyma bústaðarferðum, lærdómsferðum,
saumaklúbbum, hittingum með börnum og
fjölskyldu og svo mætti lengi telja.
Við erum, allar sem ein, mjög lukkulegar
með þetta frábæra nám og hlakkar okkur
mikið til framhaldsins.
F.h. Oddrúnar
Heiðdís Dögg Sigurbjörnsdóttir
Guðrún Elva Guðmundsdóttir
Annars árs ljósmæðranemar
Einbeittir nemar: Guðrún Elva, Eva og Lóa
O D D R Ú N - F É L A G L J Ó S M Æ Ð R A N E M A