Stjarnan - 01.11.1930, Blaðsíða 6

i66
STJARNAiN
Orsök og afleiðing
Sumum hættir viÖ að missa kjarkinn,
þegar þeir heyra aðra kvarta undan dýr-
tiðinni, jafnvel þótt ímyndunaraflið máli
ástandið svartará en það er. Ef til vill
gætu þessir menn fært sér i nyt eftirfar-
andi sögu.
Franskur listamálari var vanur að borða
miðdegisverð í litlu matsöluhúsi skamt frá
verkstofu sinni. Hann fékk sér ávalt
flösku af góðu víni með máltíðinni. Kveld
nokkurt meðan hann beið eftir matnum,
las hann í blaði einu, sem lá á borðinu,
grein um það, að útlitið á meginlandi
Norðurálfunnar væri alt annað en glæsi-
legt hvað fjárhag snerti. Þegar veitingar-
pjónninn kom, bað hann um miðdagsmat-
inn, en pantaði ekki vínflöskuna eins og
hann hafði verið vanur. Þjónninn leiddi
athygli hans að þessu, en listamálarinn
sagði, að hann kæmist af án vínsins, þvi
að fjárhagur manna væri svo erfiður nú
á tímum.
V'eitingamaðurinn kom síðan inn í borð-
stofuna frernur áhyggjufullur á svip.
Listamálarinn kvaðst verða aS neita sér
um vínið af því að hart væri í ári, síðan
lauk hann við máltíðina og fór út. Dag-
inn eftir fór veitingamaðurinn til skradd-
arans.og sagði: “Það er svo hart í ári,
aS eg get ómögulega tekið fatnaðinn sem
eg hefi pantað hjá þér.”
Daginn eftir fór skraddarinn til bif-
reiðasalans og kvaðst ekki geta tekið bíl-
inn, sem hann hefði pantað og gaf ástæð-
una fyrir því að það væri svo hart í ári.
Sama kveldið mætti bifreiðasalinn lista-
málaranum i samkvæmi og sagði: “Það
gengur svo illa með verzlunina, að eg
verð að hætta við að fá málaða myndina
af konunni minni, sem eg hafði beðið
um.”
Listamálarinn fór heim á verkstofu
sína hryggur í huga og þar sat hann um
stund og velti fyrir sér hversu óheppinn
hann nú var, og varð honum þá litið á
blaðið í hverju hann hafði lesið um dýr-
tíðina. Nú sá hann sér til mestu undrun-
ar að þetta var þriggja ára gamalt blað.
Kveldið eftir pantaði hann vín með matn-
um eins og hann hafði áður gjört. Næsta
dag pantaði veitingamaðurinn klæðnað-
inn, sem hann hafði afþakkað. Skradd-
arinn keypti bifreiðina og bifreiðasalinn
fékk rnynd konu sinnar hjá listamálaran-
um.
Frá ræðustóli náttúrunnar
Þetta er fyrirsögn nýrrar bókar, sem
oss hefir verið send frá tslandi. Hún er
eftir hinn heimsfræga rithöfund Mrs. E.
G. White. Hún hefir verið þýdd og
prentuð í Reykjavík. Bók þessi er hundr-
að áttatíu og þrjár blaðsíður, prentuð
á bezta pappír með mörgum fögrum lit-
myndum, sem taka heila blaðsíðu, og öðr-
urn myndum. Innihald hennar er hin
bezta skýring, sem Stjarnan nokkurn tíma
hefir séð á hinni miklu fjallræðu Krists,
sem geymir svo að segja alla lífsspeki.
Hun er þess vegna bók, sem maður get-
ur lesið oftar en einu sinni og haft gagn
af. Letrið á henni er fremur stórt og
mjög svo skýrt. Hún er vel fallin til
jólagjafar. Sendið eftir henni sem fyrst,
því að upplagið hjá oss er takmarkað.
Borgun verður að fylgja pöntun. I fögru
léreftsbandi kostar hún tvo dollara.
Skrifið undirrituðum:
Davíð Guðbrandsson,
306 Sherbrooke St.,
Winnipeg, Man., Canada.