Stjarnan - 01.09.1936, Blaðsíða 1
STJARNAN
SEPT., 1936 LUNDAR, MAN
Ráðgáta lífsins
Lífi'Ö færir meÖ sér bæÖi sorg og gleÖi, von-
brigÖi og uppfyltar vonir. Vér getum alls ekki
.skiliÖ hin ýmsu atvik og reynslu mannlífsins,
vér hugsum og ígrundum en eruim alveg ófærir
til aÖ ráða gátuna. Mótlæti af ýmsum tegund-
um, sjúkdómar, slys og dauði, eru leyndardóm-
ar, sem vér aldrei getum skilið til fulls í þessu
lífi.
Eg hefi hugsað um þetta margsinnis þeg-
ar eg hefi heimsótt sjúklinga, eða þá, sem mist
hafa ástvini sína, og þegar eg hefi séð skilnað
elskandi vina eða fylgt hinum framliðnu til hins
síðasta hvíídarstaðar.
Eiginmaður og faðir.
Eiginmaðurinn og faðirinn liggur veikur.
Sjúkdómurinn versnar, smátt og smátt þverra
kraftarnir, og að lokum sofnar hann hinum
síðasta blindi. Hann skilur eftir ástríka eigin-
konu og ósjálfstæð börn, sem nú hafa engan
til að sjá fyrir sér nema móðurina, sem nú
stendur ein uppi. Hún verður að taka upp á
sig ábyrgð og erfiðleika lífsins og vinna sjálf
fyrir börnunum sínum. Hún er guðrækin kona.
Hún veit á hvern hún trúir. Alt í frá barn-
æsku sinni hefir hún reitt sig á hann, og þótt
hún geti ekki skilið hvers vegna hún þarf að
liða þennan sára missi, þá trúir hún að Guð
stjórnar öllu til hins bezta bæði fyrir hana og
litlu börnin hennar. Hún veit að Guð er faðir
föðurlausra og forsvar ekknanna, og að hann
muni gefa henni sinn kraft.
Guðrækin móðir.
í gær var guðrækin kona jarðsett. Hún var
elskuleg kona, vel innrætt og hafði gefið líf
sitt til eflingar Guðs ríki ásamt manni sínum,
bæði heima og í fjarlægu landi. Hún skilur
eftir syrgjandi eiginmann og hálfvaxin börn,
einmitt á þeim aldrei þegar áhrif móðurinnar
eru nauðsynlegust til að leiðbeina þeim. Hún
var á bezta aldri og bæði andlega og líkamlega
heilbrigð. Hversvegna var það leyft að hún
væri hrifin burt? Þetta er ein af hinum alvar-
legu ráðgátum lífsins. Vér getum ekki skilið
það nú, en seinna munum.vér skilja það. Þang-
að til að það verður opinberað fyrir oss, þá trú-
um ,vér þó að það var miskun og kærleikur, sem
leyfði það og stjórnaði því öllu.
Efnilegur unglingur.
Ungur maður dó af slysi nýlega. Um
morguninn fór hann út hraustur og glaður.
Hann var áhugasamur og setti sér hátt takmark
í lífinu. Hann var að búa sig undir starf í
þjónustu Guðs ríkis. Um sólarlag var hann
kaldur nár. Hann var augasteinn foreldra
sinna, og fyrirmynd félaga sinna. Hvers vegna
var þessi ungi maður hrifinn burt á morgni
lífsins? Hér mætir oss önnur ráðgáta þessa
hverfula lífs. Guð einn veit það, og hann var
hinn bezti vinur þessa unga manns og hinna
syrgjandi foreldra hans. Vér trúum ekki að
Guð hafi stjórnað því þannig að slysið vildi til,
en hann hefir liðið það. Varðengill drengsins
hefði getað hindrað slysið, en hann gjörði það
ekki, og vér trúum því, að hann, sem er alvitur
og kærleiksríkur, stjórnaði því eins og bezt var,
þó vér skiljum það ekki.
Einhvern tíma á landi lifandi manna, mun
verndarengill drengsins eða Jesús sjálfur, skýra
fyrir hinuim syrgjandi foreldrum, hvers vegna
leyft var að þau mættu þessari þungu reynslu.
Þá munu þau sjá það sem þau nú ekki geta séð
að alt verður þeim til góðs, sem Guð elska, og
að hann.vill ekki hryggja mannanna börn að
nauðsynjalausu, en hann leyfir stundum að
þau líði vonbrigði, eignamissir, sjúkdóm eða
dauða, af þvi hann á einhvern hátt getur stjórn.
að því þannig að það uppfylli tilgang hans
mönnum til frelsunar.