Velferð - 01.07.2007, Blaðsíða 2

c---------------------------------------------------------------------------
Nýr ritstjóri Velferðar
Þórir S. Guðbergsson, félagsráðgjafi og kennari hefur tekið við starfi ritstjóra Velferðar og
bjóðum við hann hjartanlega velkominn til starfa um leið og við þökkum fráfarandi ritstjóra,
Eggerti Skúlasyni, fyrir störf hans og samvinnu á undanförnum árum.
Þórir er áreiðanlega mörgum lesendum Velferðar kunnur. Hann lauk stúdentsprófi frá
Menntaskólanum í Reykjavík 1958 og kennaraprófi ári síðar. Hann starfaði fjölmörg sumur
sem leiðtogi í sumarbúðum KFUM í Vatnaskógi, vann um 10 ára skeið sem kennari og
skólastjóri. Hann var félagsráðgjafi hjá Sálfræðideildum skóla og síðan hjá Félagsmálastofnun
Reykjavíkurborgar sem ellimálafulltrúi og fræðslufulltrúi. Þórir hefur einnig skrifað margar
barna- og unglingabækur, þýtt yfir 40 bækur fyrir börn, og nú síðustu ár ritstýrði hann bókaflokknum Fífsgleði sem kom út í tíu
ár frá 1992, með frásögnum og viðtölum við fjölda íslendinga um lífshlaup þeirra. Þá hefur Þórir einnig verið ritstjóri Jafnvægis,
tímarits Samtaka sykursjúkra, um nokkurra ára skeið og setið i stjórn samtakanna og ritstjóri Fréttabréfs um málefni aldraðra hjá
Reykjavíkurborg til margra ára.
Við fögnum komu Þóris til starfa fyrir Hjartaheill og hlökkum til samstarfsins.
Ásgeir Þór Árnason, frkvstj. Hjartaheilla
Velferð - Blaðið þitt - Vertu virk(ur)
Velferð er málgagn og fréttabréf Hjartaheilla, landssamtaka
hjartasjúklinga. En það er einnig blað allra þeirra sem hafa
áhuga á góðri heilsu, hreyfingu og virkni til líkama og sálar,
þeirra sem vilja heilsu borgaranna sem allra besta frá vöggu til
grafar.
Þess vegna er Velferð blaðið þitt!
Stjórn Hjartaheilla og ritstjórn blaðsins óskar þess af heilum
huga að efni blaðsins höfði til þín, sé áhugavert og forvitnilegt.
Við reynum ávallt að rýna 1 og velta fyrir okkur hvað þú, lesandi
góður, mundir vilja sjá í blaðinu og vitum i rauninni ekki
hvernig tekst til.
Mikið þætti okkur vænt um að þið sendið okkur línu, kæmuð
með tillögur og hugmyndir sem við reynum að vinna úr. Þið
megið líka senda okkur stutta reynslusögu og/eða fyrirspurnir
til félagsins, framkvæmdarstjóra, ritstjóra, félagsráðgjafa,
læknis, sjúkraþjálfara eða hjúkrunarfæðings og við reynum að
svara eftir bestu getu. Sérstaka áherslu langar okkur til að leggja
á félaga okkar úti á landi. Þeir eru okkur jafnmikils virði og
aðrir og hlökkum við til að heyra skoðanir þeirra, reynslu og
viðhorf.
Lestu Velferð
V
V
V
V
V
V
Bentu okkur á áhugavert efni (bæði á fundi og í
blaðið).
Komdu með nýjar hugmyndir.
Hvað viltu helst sjá í blaðinu?
Sendu okkur fyrirspurnir.
Sendu okkur stuttar reynslusögur.
Reyndu að vekja athygli annarra á blaðinu.
Netfang: asgeir@hjartaheill.is
thorir@hjartaheill.is
petur@sibs.is
margret@sibs.is
Mikill fjöldi blaða, auglýsingabæklinga og alls kyns pósts berst
inn um bréfalúguna hjá okkur í hverri viku. Áreitið hjá þeim
sem ekki hafa hafnað ruslpósti er ógnvænlegt og margt fer beint
í sorptunnuna.
Ritstjórn hvers blaðs og stjórn hvers félags þarf að vera í góðu
sambandi við félaga sína og lesendur. Ritstjórn og stjórn
Hjartaheilla senda þér og þínum árnaðaróskir og sérstakar óskir
um góða heilsu og farsæld.
Velferð, málgagn og fréttabréf Hjartaheilla, landssamtaka
hjartasjúklinga.
Útgefandi: Hjartaheill, landssamtök hjariasjúklinga, Síöumúla 6,
108 Reykjavík.
Upplag: 5.500
Ritstjóri og ábyrgðarmaður: Þórir S. Guðbergsson
Ritnefnd: Ásgeir Þór Árnason, Margrét Albertsdóttir og
Pétur Bjarnason.
Prentun og umbrot: Viðey ehf.
Forsíðumynd: Við fossinn Dynk í Þjórsá, Ijósmynd, Rafn Hafnfjörð.
2 VELFERÐ