Velferð - 01.12.2007, Blaðsíða 2

c
Frá ritstjóra
Kyrrð og friður
Dimmasti tími ársins. Veður eru válynd.
Sumir fagna. Finnst tíminn kertaljósa og
ljúfra stunda. Stjörnubjartur himinn.
Glitrandi norðurljós. Mánaskin. Tími
góðrar og eftirminnilegrar samveru.
Aðrir fyllast angurværð og sumir
depurð. Myrkur sækir á hugann og
dimmir skýjabólstrar trufla hug og hjarta.
Glaðar stundir eru fátíðar.
Aðventu og jólahátíð fylgir þó yfirleitt
nokkur gleði og eftirvænting. Pegar fólk
kemst á fullorðins og efri ár minnast
margir góðra stunda úr æsku og bernsku.
Og góðum minningum fylgja góðar
kenndir með birtu og yl á myrkasta tíma
ársins. Og jafnframt hækkar sól á lofti.
Það birtir á ný.
Undirbúningur jóla á aðventu hefur
tekið nokkrum stakkaskiptum á síðustu
áratugum. Þeir sem eru miðaldra og
fullorðnir minnast ilms af eplum og
appelsínum sem ekki var hversdagsbrauð
eins og í nútímanum. Þeir minnast fárra
jólagjafa og muna einstaka gjafir sem
glöddu barnshjörtun. Yfir aðventu og
jólahátíð hvíldi oft kyrrð og friður þó að
veikindi, slys og sjúkdómar settu
stundum svip á tímabilið eins og fylgir
mannlegri tilveru.
Undirbúningstími jólanna lengist. Hraði,
hávaði og glymur auglýsinga og kaup-
mennsku hljóma fyrir eyrum okkar löngu
áður en aðventan er hringd inn. Það er á
ábyrgð okkar hvers og eins hvernig við
undirbúum okkur og fjölskyldu okkar
fyrir hátíð friðar og fagnaðarboðskapar.
Til allrar hamingju fjölgar tilboðum um
tónleika og menningartengda atburði á
aðventunni og margt horfir til betri vegar
ef vel er að gáð og er þakkar vert. Lof-
gjörð og margradda rómur kirkjugesta
óma i húsum Guðs.
Einn meginþáttur þessa blaðs flytur
okkur fregnir af velmegunarsjúkdómum
sem svo eru stundum kallaðir. Ekki er
það ætíð réttnefm því að í mörgum til-
vikum er um ættartengda sjúkdóma að
ræða eins og kemur fram í ræðu fram-
kvæmdastjórans. Hitt fer ekki á milli
mála að stundum skellum við skuldinni á
erfðir, ættir og elli kerlingu þegar ein-
faldlega getur verið um hreyfingarleysi að
ræða. Hreyfing og virkni til hugar og
handar skiptir miklu meira máli fyrir
lífsgæði okkar og vellíðan en við gerum
okkur oft grein fyrir.
Gleðilega hátið með friði og farsæld á
nýju ári.
Þórir S. Guðbergsson
samsKiP
VOTTORÐ FYRIR BURÐARVIRKISMÆLINGAR
h CELETTE
Fjllkomnustu grindarréttinga— og
mælitæki sem völ er á hér á landi
Flugumýri 20
270 Mosfellsbæ
Sími: 566 8200-566 8201
Fax: 566 8202
Netfang: nybil@centrum.is
A vinnubrögðum vorum sést
að vel er hönnuð iðjan
og nýja tækni nýtir best
Nýja Bílasmiðjan
BÍLASMIOJAN HF
BÍLAMÁLUN • RÉTTINGAR • BÍLAMÁLUN • RÉTTINGAR
LÝÐH E I LSUSTÖÐ
www.lydheilsustod.is
Velferð, málgagn og fréttabréf Hjartaheilla, landssamtaka
hjartasjúklinga.
Útgefandi: Hjartaheill, landssamtök hjartasjúklinga, Síðumúla 6,
108 Reykjavík.
Upplag: 6.000
Ritstjóri og ábyrgðarmaður: Þórir S. Guðbergsson
Ritnefnd: Ásgeir Þór Árnason, Guðrún Bergmann Franzdóttir
Margrét Albertsdóttir og Pétur Bjarnason.
Prentun og umbrot: Viðey ehf.
Forsfðumynd: Við Ölkelduhnúk, Rafn Hafnfjörð.
2 VELFERÐ