Velferð - 01.12.2007, Blaðsíða 17
Botn:
6 eggjahvítur
1 -1 _ bolli púðursykur
6 tsk maisenamjöl
1 tsk eplaedik
Eggjahvíturnar eru þeyttar vel og púðursykrinum blandað
saman við í smá skömmtum. í lokin er maisenamjölinu og
edikinu blandað varlega saman við.
Best er að baka botninn á ofnplötu með bökunarpappír.
Hæfilegur hiti er um 120°c og bökunartíminn er um 2 klst.
Ofan á botninn passar að setja 'h lítra af þeyttum rjóma og síðan er
gott að setja ávexti, ber, sælgæti eða það sem hverjum og einum
hentar til skrauts og lystauka.
Gott er að nýta eggjarauðumar sem falla til þegar marens er búin til
og laga dýrindis ís.
Eggjarauðurnar em þeyttar vel ásamt sætuefni.
Saman við 6 eggjarauður er hæfilegt að setja 3A dl af sykri, hvítum eða brúnum.
Einnig er hægt að setja hunang eða annað sætuefni í stað sykurs , allt eftir smekk.
Þegar búið er að hræra eggjarauðurnar og sætuefnið vel saman er 'h lítra af þeyttum rjóma
bætt varlega saman við eggjahræmna.
Gott er að bragðbæta ísinn t.d. með súkkulaðibitum, hnetum, möndlum, ávöxtum, berjum
eða því sem hverjum og einum finnst henta.
ísinn er settur í mót, plastmót með loki henta vel, einnig er hægt að nota kökuform
eða skemmtileg ílát sem til eru á heimilinu.
Til hátíðabrigða er gaman að bjóða upp á heimagert konfekt.
Það getur verið skemmtilegt að bragðbæta marsipan og móta úr
því konfektmola eftir smekk hvers og eins og tekur ekki langan
tíma. Best er að nota marsipan sem er sérstaklega ætlað til
konfektgerðar. Til dæmis er hægt að hnoða saman við
marsipanið niðurrifna ávexti, ber, möndlur, hnetur, döðlur,
rúsínur, bragðefni eins og piparmyntur eða líkjör eða hvaðeina
sem hæfir smekk hvers og eins.
Marsinn er síðan mótaður í hæfilega mola og hægt er að
útbúa t.d. kúlur, bita, dropa eða notast við mót. Molarnir eru
síðan hjúpaðir súkkulaði. Gott er að bræða súkkulaði með því að
setja það 1 skál og setja skálina í pott með vatni og láta það
bráðna við vægan hita.
Velferð 17