Mosfellingur - 02.02.2017, Blaðsíða 22
- Stærsti auglýsinga- og fréttamiðill í Mosfellsbæ22
Ein af forsendum góðs námsárangurs er
að nemendur séu áhugasamir um nám-
ið og búi við góðar aðstæður til náms.
Þó svo að formleg menntun barna
og unglinga fari fram í skólum undir
handleiðslu kennara ræðst námsárang-
ur þeirra af mun fleiri þáttum, ekki síst
jákvæðu viðhorfi og hvatningu heima
fyrir. Þetta hafa rannsóknir ítrekað
bent á og í einni slíkri um rannsóknir á
námsáhuga kemur fram að áhugi barna
mótast meira en áður var talið af því fé-
lagslega umhverfi sem þau búa við.
Það er því mikilvægt að hafa í huga
að það er innan vébanda fjölskyldunn-
ar sem grunnurinn er lagður að ýmiss
konar undirstöðufærni og viðhorfum
hjá börnum sem síðan hefur mikið að
segja um framtíð þeirra í námi sem og á
öðrum sviðum.
Það hve duglegir foreldar eru að vekja
forvitni og þekkingarþörf barna sinna á
sviðum sem tengjast námsefni skólans
hefur mikið að segja. Rannsóknir sýna
einnig að börn undir skólaskyldualdri,
sem vanist hafa bókum og að lesið sé
fyrir þau heima, standa sig betur í námi
en önnur börn.
Sérhvert samfélag verður að líta í eig-
in barm og velta fyrir sér, hvort börn fái
nægilega jákvæða mynd af menntun og
gildi hennar.
Erum við, foreldrar, afar og ömmur,
frændur og frænkur, samfélagið sem
heild að standa okkur sem fyrirmyndir
barna okkar? Erum við dugleg að benda
börnum á gildi grunnmenntunar, gildi
þess að geta lesið sér til gagns, mikil-
vægi þess að leggja sig fram, sýna úthald
og seiglu?
Þau samskipti sem fram fara á heim-
ilum barna og unglinga móta viðhorf
þeirra og væntingar til náms til fram-
búðar og þessi sömu viðhorf hafa afger-
andi þýðingu fyrir skólagöngu þeirra og
árangur. Stöndum saman sem samfélag,
tölum jákvætt, af áhuga og af virðingu
um nám og skólagöngu.
SkólaskrifstofaMosfellsbæjar
Forsenda námsárangurs
SkólaSkrifStofa moSfellSbæjar
Skóla
hornið
Listasalur Mosfellsbæjar
Vetrardans
Laugardaginn 21. janúar opnaði Georg
Douglas sýningu sína Vetrardans í Listasal
Mosfellsbæjar. Fjölmenni var við opnun-
ina og gerður góður rómur að myndunum
sem eru litríkar olíumyndir með dans-
þema.
Gengið er í Listasalinn í gegnum Bóka-
safnið. Sýningin stendur til 11. febrúar
og er opin á afgreiðslutíma Bókasafns
Mosfellsbæjar.
Bókasafn Mosfellsbæjar
Fræðslufundur
- Fræskipti
Fræskipti eru
hluti af rækt-
un, ekki síst
matjurta- og
blómarækt. Í
blómarækt-
un erum við
bæði að tala
um sumar-
blóm og fjöl-
æringa. Fólk safnar fræjum úr eigin görðum
og eins eru þeir sem kaupa fræ í búð, en nota
ekki nema hluta af þeim og vilja því gjarnan
skiptast á fræjum við aðra.
Á næsta fræðslufundi, 9. febrúar kl. 16:30-
17:30, ætlum við því að búa til vettvang fyrir
einstaklinga sem hafa áhuga á fræskiptum.
Jóhanna okkar B. Magnúsdóttir garðyrkju-
fræðingur ætlar að aðstoða okkur og taka þátt
í því samtali sem skapast.
Fræðslufundir um ýmis efni verða reglulega
í Bókasafninu fram á vor og verða auglýstir
jafnóðum. Á fyrsta fræðslufundi ársins sagði
Þrúður Hjelm okkur frá Krikaskóla.Bókasafn Mosfellsbæjar og Listasalur
Mosfellsbæjar taka í fyrsta sinn þátt í
SAFNANÓTT föstudaginn 3. febrúar.
Safnanótt er samstarfsverkefni sveit-
arfélaga á höfuðborgarsvæðinu. Þá
opna fjölmörg söfn dyr sínar og bjóða
upp á skemmtilega og fjölbreytta dag-
skrá frá klukkan 18:00 til kl 23.00.
Söfnin munu leggja áherslu á að
bjóða upp á óhefðbundna viðburði
þetta kvöld og veita þannig fastagest-
um nýja sýn á söfnin og laða að sér
nýja.
Gestir á öllum aldri geta notið dag-
skrár fram eftir kvöldi sér að kostnað-
arlausu. Frítt er í sérstaka strætisvagna
á milli allra safnanna (tímaáætlun á
www.vetrarhatid.is).
Á Safnanótt fer fram Safnanætur-
leikur. Hægt er að taka þátt í leiknum
með því að svara laufléttum spurning-
um og safna stimplum frá mismun-
andi söfnum sem eru heimsótt.
Þátttökublað leiksins er hægt að
nálgast á öllum söfnum sem taka þátt
í Safnanótt. Þátttökublaðinu er skilað
í þar til gerða kassa í söfnunum og
glæsilegir vinningar eru í boði.
Hjá okkur er hægt að fá spurn-
ingablað og safna þremur stimplum í
Kjarna þar sem Héraðsskjalasafn Mos-
fellsbæjar er líka opið þetta kvöld.
Í blaðinu er heilsíðuauglýsing með
dagskrá Safnanætur í Mosfellsbæ; hjá
okkur í Bókasafni, Listasal og Héraðs-
skjalasafni. Heildardagskrá Vetrarhá-
tíðar má finna á www.vetrarhatid.is
Bókasafn Mosfellsbæjar
Nesti og
nýir skór
Ibby gefur öllum 6 ára
börnum á landinu
bókina Nesti og nýir
skór. Hefur barnið þitt
fengið bókina? Bókinni
var dreift með aðstoð
almenningsbókasafna
og skóla. Ef þitt barn hefur einhverra
hluta vegna ekki fengið hana, verið þá
velkomin í Bókasafnið því þar er hægt að
fá eintak meðan birgðir endast.
Bókasafn Mosfellsbæjar / Listasalur Mosfellsbæjar
Taka þátt í SaFNaNóTT í
fyrsta sinn á föstudaginn
VirÐing jákVæÐni framsækni umhyggja
Félagsmiðstöðin Ból
Laus staða frístundaleiðbeinanda
í heilsdagstarf í félagsmiðstöðinni Ból.
Menntun og hæfniskröfur:
Frumkvæði, metnaður, sjálfstæði og færni í mannlegum
samskiptum. Reynsla af því að vinna með ungu fólki æskileg.
Aldurstakmark er 18 ára og eldri.
Laun samkvæmt kjarasamningi Sambands íslenskra
sveitarfélaga og viðkomandi stéttarfélaga.
Upplýsingar veitir Edda Davíðsdóttir, tómstundafulltrúi
edda@mos.is / 525 6700 eða Dagbjartur Ísak í síma 566 6058.
Staðan er laus nú þegar og æskilegt að
viðkomandi geti hafið störf sem fyrst.
Við hvetjum fólk af báðum kynjum til að
sækja um, hlökkum til að heyra í ykkur.