Mosfellingur - 02.02.2017, Blaðsíða 26

- Aðsent efni26
2017
Þetta verður frábært ár. Ég veit það. Ég byrjaði árið reyndar á því
að ná mér í leiðindapest sem gerði
sitt besta til að draga úr mér mátt og
þor, en hún er farin og ég nú sprækur
sem lækur. Ég hef alltaf haft gaman
af áramótum. Séð þau sem tækifæri
til þess að velta fyrir sér lífinu og
gera breytingar til góðs. Það er gott
að byrja á því að hreinsa aðeins til,
þá býr maður til rúm og tíma fyrir
það sem mann virkilega langar til
að gera.
Eitt af því sem ég ákvað í þessu ferli var að hreyfa mig meira
en ég hef gert undanfarin ár. Ég hef
farið í göngutúra og æft reglulega,
en það er ekki nóg fyrir mig. Ég er
búinn að sitja allt of mikið. Mér líður
langbest, bæði líkamlega og andlega,
ef ég hreyfi mig mikið yfir daginn. Sit
minna við skrifborðið. Ég er núna í
því að finna bestu blönduna, hvernig
ég get látið þetta tvennt vinna sem
best saman. Skrifborðsvinnan gefur
mér nefnilega mikið svo lengi sem ég
sit ekki of lengi við í einu.
Mín leið, sú sem ég er að innleiða hjá sjálfum mér núna í byrjun
árs, er ekki flókin. Hún felur í sér að
nota skrifborðstímann í að vinna og
læra, ekki í afþreyingu eða andlegt
hangs. Þannig bý ég mér til tíma
til þess að hreyfa mig meira. Sem
gefur mér orku og kraft til þess að
vinna betur þegar ég sest aftur við.
Hausinn virkar betur þegar líkam-
inn er búinn að fá sitt. Á hreyfilista
ársins eru ketilbjöllu- og útiæfingar,
körfubolti á planinu,
sjósund, jiu jitsu,
klifur, skriðsund og
köfun. Langar líka
að læra á stand-
andi róðrarbretti
hjá Stjána Vald og
lofa sjálfum mér
hér með að gera
það í vor. Njótum
ferðalagsins!
Heilsumolar Gaua
Guðjón
Svansson
gudjon@kettlebells.is
Þverholti 2 • Mosfellsbæ
Fasteignasala
Mosfellsbæjar
Sími: 586 8080
www.fastmos.ishafðu samband E.BAC
K
M
A
N
Einar Páll Kjærnested • Löggiltur fasteignasali
Viltuselja...
E
.B
A
C
K
M
A
N
www.fastmos.is
Sími: 586 8080
Þverholti 2
Innan Rauða krossins er starfandi hópur kvenna sem vinnur að
verkefninu „Föt sem framlag“.
Hér í Mosfellsbæ erum við rúmlega 20 konur sem störfum í þeim
hópi. Við komum saman hvern miðvikudag kl. 13-16 og prjónum
eða annað sem viðkemur verkefninu. Þetta eru góðar og skemmti-
legar stundir, bara eins og saumaklúbbur, fáum okkur kaffi og með-
læti. Ekki eru alltaf allar mættar, engin mætingaskylda heldur mik-
ið unnið heima.
Það er ekki skilyrði að kunna að prjóna til að vera velkomin, það
er mikið af öðrum verkefnum og góðum félagsskap. Auk þess sem
við erum fúsar til að kenna þeim sem ekki kunna og við kunnum
svo sannarlega að prjóna.
Upphaf þessa verkefnis var að beiðni barst Rauða krossinum á
Íslandi frá Hvíta-Rússlandi um aðstoð en þar ríkir bæði atvinnu-
leysi og fátækt, sérstaklega í dreifðum byggðum. Við útbúum staðl-
aða pakka fyrir börn 0-12 mánaða og líka fyrir krakka upp að 12 ára.
Aðaláherslan er á ungbarnapakkana. Í hverjum ungbarnapakka eru
2 peysur, 2 samfellur, 2 sokkapör, buxur, húfa, teppi og handklæði.
Það sem við ekki prjónum eða saumum fáum við frá fataflokkun
Rauða krossins. Í stærri pökkunum eru peysa, buxur, bolir, húfa,
sokkar og vettlingar. Þetta er lágmark en svo er ýmislegt annað sem
flýtur með. Á síðasta ári fóru frá okkur 367 pakkar.
Hjá okkur í Þverholti 7 er líka rekinn skiptifatamarkaður með
barnaföt og berst okkur mikið meira en fer út og það sem umfram
er notum við í pakkana. Líka erum við þakklátar að fá garnafganga
og efnisbúta.
Þetta er virkilega skemmtilegt og gefandi og góð tilfinning að
vera bæði umhverfisvænar, nýtnar og láta gott af sér leiða. Tökum
alltaf vel á móti nýjum konum sem vilja slást í hópinn.
Halla M. Hallgrímsdóttir
Rauði krossinn í Mosfellsbæ
Föt sem framlag
halla er lengst til
hægri á myndinni