Mosfellingur - 23.02.2017, Blaðsíða 29
Íþróttir - 29
Í dag eru flest börn með snuð og mörg
hver jafnvel til 4 ára aldurs. En er gagn
að því að börn séu með snuð?
Er sogþörfin svona mikil frá náttúr-
unnar hendi langt fram eftir aldri? Er
snuðanotkun kannski frekar menning-
artengd athöfn, þ.e. að notkun þess sé
tilbúin þörf eins og stundum er haldið
fram?
Þegar barn fæðist er það sjálfkrafa
með mikla sogþörf frá náttúrunnar
hendi, fyrst og fremst svo það vilji og
geti sótt sér næringu úr brjóstum móð-
ur, nú eða pela ef þannig vill til. Þegar
barn hættir að þurfa að sjúga næring-
una og fer að tyggja hana, borða fasta
fæðu, dvínar sogþörfin og hverfur í
kjölfarið.
Hvenær það gerist nákvæmlega getur
eflaust verið misjafnt en um og upp úr
9 mánaða aldri eru flest börn farin að
borða fasta fæðu og drekka af stút og
sogþörfin hættir smám saman upp úr
því.
Í okkar nútíma samfélagi leyfum við
börnunum þó oft að hafa snuðið leng-
ur og þá einna helst í huggunarskyni,
ef þau meiða sig, verða leið eða eru að
fara að sofa en einnig bara án nokkurs
tilefnis og kannski bara af vana. „Nú,
er það ekki í lagi?“ gæti einhver spurt.
Jú, kannski, ef ekki er á sama tíma lögð
áhersla á að kenna barninu að tala.
Það er því miður staðreynd að orða-
forði barna í dag er rýrari en hann var
og framburður slakari. Eflaust er margt
sem veldur og erfitt að benda á eitt at-
riði umfram annað. Þar er þó degin-
um ljósara að þegar barn er með snuð
í munninum þá er munnurinn lokaður
og barnið er ekki á sama tíma að æfa sig
í að tala né þjálfa talfærin.
Ein af undirstöðum lestrargetu síðar,
þegar í grunnskóla er komið, er góður
málþroski og málskilningur og sam-
spil þar á milli. Því má því með sanni
segja að lestrarkennslan byrji um leið og
byrjað er að kenna barni að tala og tjá
sig. Og þá má segja að snuðanotkun sé
hreinlega orðin til trafala.
SkólaskrifstofaMosfellsbæjar
Er snuðið til trafala?
SkólaSkrifStofa moSfellSbæjar
Skóla
hornið
Aðalstjórn Aftureldingar hefur sent frá sér
yfirlýsingu vegna breyttrar framtíðarsýnar
á uppbyggingu knattspyrnusvæðis Aftur-
eldingar.
Um miðjan janúar kynnti knattspyrnu-
deild Aftureldingar nýja framtíðarsýn varð-
andi aðstöðumál hjá félaginu. Á haustönn
2016 voru skáðir 420 iðkendur í barna- og
unglingaráði ásamt tæplega 40 iðkendur í
meistaraflokkum félagsins.
Iðkendum knattspyrnudeildar hefur
fjölgað um 30% frá árinu 2008 til dagsins
í dag. Búast má við svipaðri fjölgun ið-
kenda á næstu árum í ljósi þess að mikil
uppbygging er þegar hafin í sveitafélaginu.
Knattspyrnudeildin leggur mikinn metnað
í að öll börn í sveitafélaginu sem vilja æfa
knattspyrnu fái að æfa og að gæði æfing-
anna og æfingaaðstaðan séu deildinni og
sveitafélaginu til sóma.
Reisi hálft yfirbyggt knattspyrnuhús
Stjórn knattspyrnudeildar Afturelding-
ar samþykkti einróma nýja framtíðarsýn
varðandi aðstöðumál deildarinnar á fundi
sínum 2. janúar sl. Hún felur í sér breytta
stefnu en samkvæmt nýrri framtíðarsýn er
horfið frá þeim áformum að byggja knatt-
spyrnuhús í fullri stærð á íþróttasvæðinu
við Varmá.
Ný tillaga knattspyrnudeildar felur í sér
að reist verði hálft yfirbyggt knattspyrnu-
hús, gervigras endurnýjað á núverandi
velli, byggð upp stúka og félagsaðstaða við
núverandi gervigrasvöll, gervigras lagt á
Varmárvöll ásamt hitalögnum og flóðlýs-
ingu.
Bragðast þarf strax við fjölgun iðkenda
Þar er mat stjórnar knattspyrnudeildar
Aftureldingar að bregðast verði strax við
fjölgun iðkenda. Það eru fyrst og fremst
fleiri fermetrar sem vantar til að geta veitt
viðunandi þjónustu við iðkendur og haldið
uppi þeim gæðum á æfingum sem ætlast er
til. Að ráðast í byggingu á knattspyrnuhúsi
í fullri stærð leysir ekki þau vandamál sem
knattspyrnudeildin glímir við á þessum
tímapunkti.
Bæjarráð Mosfellsbæjar hefur að tillögu
bæjarstjóra falið honum að láta kostnað-
argreina yfirbyggingu gamla gerfigrasvall-
arins ásamt því að skipta um gras á þeim
nýja. Jafnframt að ræða við aðalstjórn fé-
lagsins um humyndirnar
Horfið frá hugmyndum um knattspyrnuhús í fullri stærð
Ný framtíðarsýn
á knattspyrnusvæði
gervigras
aðal
keppnis-
völlur
íþróttahús
nýr 1/2 völlur
yfirbyggður
Sundlauganótt var haldin í Lágafellslaug 4. febrúar í tengslum við Vetrarhátíð. Um 600-
700 manns mættu í laugina og var ýmislegt brallað. Félagar úr Leikfélagi Mosfellssveitar
mættu og sungu lög úr Skilaboðaskjóðunni. Elísa Berglind og Kristbjörg sáu um Zumba í
útilauginni. Jogvan kom og söng nokkur lög auk þess sem dj. Baldur þeytti skífum.
Hin gríðarvinsæla Wipeout braut var á sínum stað en kvöldið endaði svo í rólegheitum
með samfloti í innilauginni.
Vel sótt sundlauganótt
mán-fös: 09:00-18:30
laugardaga: 10:00-16:00Opið
HáHolti 13-15 - Sími: 416 0100
Verið velkomin!
nú fáanlegar hjá okkur í Apótek MOS
Linsur
-1,00 til -7,00