Mosfellingur - 16.03.2017, Blaðsíða 22
- Íþróttir og bókasafnsfréttir22
Erna Sóley Gunnarsdóttir, Aftureldingu,
bætti eigið met í 3 kg kúluvarpi í flokki 16-
17 ára stúlkna á kastmóti ÍR á dögunum.
Erna Sóley kastaði í fyrsta sinn yfir 16
metra og lengst 16,16 metra. Þessi ár-
angur setur hana í 9. sæti á lista Alþjóða
Frjálsíþróttasambandsins í hennar flokki.
Erna er búin að bæta sig um rúma 2
metra á skömmum tíma en hún æfir undir
stjórn Péturs Guðmundssonar Íslandsmet-
hafa í kúluvarpi karla.
Frá áramótum hefur Erna þríbætt Ís-
landsmetið með 3 kg kúlu (16,16 m) og einu
sinni með 4 kg kúlu (13,69m).
Erna Sóley hefur tryggt sér þátttökurétt
á alþjóðlegu unglingamóti í Þýskalandi í
byrjun júlí og einnig inn á Evrópumeist-
aramótið í frjálsíþróttunum sem fram fer
á Ítalíu í júlí.
Íslandsmetunum rignir
Erna SólEy Er komin í
9. Sæti á hEimSliStanum
Ásbjörn Jónsson formaður meistaraflokksráðs og Sigmar eigandi Keiluhallarinnar skrifa undir samning.
Á dögunum var undirritaður bakhjarls-
samningur meistaraflokks karla í knatt-
spyrnu við Keiluhöllina í Egilshöll. Samn-
ingurinn er til tveggja ára.
„Það er mér sannur heiður að styðja við
bakið á Aftureldingu og því góða starfi sem
þar fer fram. Við sem stöndum að Keilu-
höllinni og Shake&Pizza höfum viljað
styðja við bakið á íþróttafélögum í okkar
næsta nágrenni.
Við erum í næsta nágrenni við Mos-
fellsbæ og lítum við svo á að þetta sé hluti
af okkar samfélagslegu ábyrgð. Tvöföld
ánægja mín er að styðja félagið í minni
heimabyggð,“ segir Sigmar Vilhjálms-
son, einn eiganda Keiluhallarinnar og
Shake&Pizza.
„Við lítum svo á að með góðu og öfl-
ugu meistaraflokksstarfi styðjum við það
starf innan félagsins sem veitir unga fólk-
inu okkar innblástur. Ef félög ná að halda
úti öflugu starfi í meistaraflokki þá er það
hvatning fyrir börn og unglinga til að halda
áfram og gera betur,“ segir Sigmar.
„Fram undan hjá meistaraflokki er
kostnaðarsamt tímabil þar sem mörg lið í
deildinni eru úti á landi og ferðakostnað-
urinn verður því mikill.“
Kostnaðarsamt ferðalagasumar fram undan í fótboltanum
Keiluhöllin nýr bakhjarl
meistaraflokks karla
Erna Sóley hefur þríbætt Íslandsmetið með 3 kg kúlu
Bókasafn Mosfellsbæjar
Hundar
sem hlusta
Laugardagurinn 25. febrúar 2017 var
skemmtilegur dagur í Bókasafninu. Þá
fengum við tvo fallega hunda frá Félaginu
Vigdísi sem hlustuðu andaktugir á unga
Mosfellinga lesa.
Myndirnar tala sínu máli. Fleiri myndir
er hægt að sjá á heimasíðunni www.bok-
mos.is og fb-síðunni Bókasafn Mosfells-
bæjar. Einnig er hægt að finna upplýsing-
ar um Vigdísi á fb-síðunni þeirra.
Bókasafn Mosfellsbæjar
Mín kona
Frá síðari hluta árs 2015 höfum við helgað
einn sýningarskáp í Bókasafninu lítilli
sýningu sem við köllum Mín kona.
Í þessum skáp sýnir núna Þórhildur
Pétursdóttir handavinnu og muni frá
móður sinni, Björgu Sóleyju Ríkarðsdótt-
ur, sem fædd var í Reykjavík 27. október
1918. Björg átti heima í Mosfellssveit með
hléum í tæpa fjóra áratugi.
Hannyrðir léku í höndum hennar og
liggja meðal annars eftir hana margir
dúkar. Björg Sóley lagði einnig stund á
postulínsmálun í Danmörku og sjáum við
einn hlut frá henni á sýningunni.
Bókasafn Mosfellsbæjar
menningarVOr 2017
Listasalur Mosfellsbæjar
Ljós og skuggar í Fókus
Sýningin Ljós og skuggar
í Fókus sem verið hefur í
Listasal Mosfellsbæjar verður
framlengd um viku. Henni
lýkur laugardaginn 18. mars.
Á sýningunni er 21 mynd
eftir jafnmarga ljósmyndara.
Félagarnir unnu með ljós og
skugga eins og heiti sýningar-
innar ber með sér. Gaman er
að skoða útkomuna og stund-
um skiptir skugginn sköpum í
myndinni. Hafið þið séð hvað
nunnan er að gera?
Gengið er í Listasalinn í
gegnum Bókasafn Mosfells-
bæjar. Sýningin er opin á
afgreiðslutíma Bókasafnsins.
Menningarvor Mosfellsbæjar verða að
þessu sinni tvö. Að venju er dagskráin
fjölbreytt og frábærir listamenn sem sækja
okkur heim.
Fyrra kvöldið, þriðjudaginn 28. mars,
eru það Ari Eldjárn uppistandari sem fer
með gamanmál og Regína Ósk sem syngur
fyrir gesti. Með henni verður Svenni Þór.
Dagskráin hefst að venju kl. 20 og minn-
um við á að gott er að mæta tímanlega.
Seinni dagskráin er þriðjudaginn 4.
apríl og við höldum til Kúbu! Hljómsveit
Tómasar R. Einarssonar leikur lög af diski
hans Bongó sem hefur fengið frábæra
dóma. Tómas R. mun einnig segja frá
kúbverskri tónlist og skáldskap. Tamila
Gámez Garcell segir okkur frá sögu lands-
ins. Einnig taka dansararnir Jóhannes
Agnar Kristinsson og Bergþóra Andrés-
dóttir þátt í dagskránni.
Því miður er ekki hægt að taka frá sæti
fyrirfram! Fyrstur kemur fyrstur fær.