Mosfellingur - 16.03.2017, Blaðsíða 25
Aðsendar greinar - 25
Aðalfundur Rauða krossins í Mosfellsbæ
var haldinn föstudaginn 10. mars.
Stjórn deildarinnar skipuleggur starfið og
meðferð á eignum. Stjórnin ber jafnframt
ábyrgð á rekstri deildarinnar gagnvart
stjórn landsfélagsins, þ.e. Rauða kross Ís-
lands. Leitast skal við að skipan deildar-
stjórnar endurspegli fjölbreytileika sam-
félagsins á starfssvæði deildarinnar, svo
sem með tillliti til kyns, aldurs, þjóðernis
og búsetu. Vel hefur tekist til að verða við
þessu ákvæði í lögum félagsins hjá Rauða
krossinum í Mosfellsbæ.
Þannig er aldursbilið í stjórninni breitt, í
stjórninni eru tveir innflytjendur og stjórn-
armenn búa nokkuð dreift um starfssvæði
deildarinnar.
Að þessu sinni kom íbúi af Kjalarnesi
inn í stjórnina, en það hefur lengi verið
á stefnuskránni að auka tengingu stjórn-
arinnar við Kjalarnes sem er á starfsvæði
deildarinnar.
Hrönn Pétursdóttir kemur ný inn í stjórn-
ina af Kjalarnesinu sem fyrsti varamaður
og María Pálmadóttir kemur einnig ný inn
í stjórnina sem annar varamaður. Allir nú-
verandi stjórnarmenn sem í kjöri voru, gáfu
kost á sér til áframhaldandi stjórnarsetu og
voru endurkjörnir til tveggja ára.
Það eru þau Gözde Sigurðsson, sem
verið hefur gjaldkeri stjórnar, Katrín Sig-
urðardóttir, sem verið hefur ritari stjórnar
og Robert Bentia, sem verið hefur með-
stjórnandi. Gözde og Robert eru bæði
innflytjendur, Gözde er frá Tyrklandi og
Robert frá Rúmeníu. Þá var Ásgerður Inga
Stefánsdóttir kjörin meðstjórnandi til eins
árs, en hún hafði verið fyrsti varamaður og
kom inn í stjórn fyrir aðalmann sem hætti
á síðasta ári. Hilmar Bergmann formaður
stjórnar og Signý Björg Laxdal varaformað-
ur stjórnar voru bæði kjörin til tveggja ára
á síðasta aðalfundi deildarinnar og halda
áfram í stjórninni.
Við framlagningu framkvæmda- og fjár-
hagsáætlunar kom fram að gert er ráð fyr-
ir halla á rekstrinum á árinu 2017 vegna
aukins þunga í verkefnum. Megináhersla
verður áfram á verkefni sem stuðla að
því að draga úr félagslegri einangrun s.s.
heimsóknarvini, opið hús og gönguvini,
auk þess sem verkefnin Föt sem framlag og
heimanámsaðstoðin verða á sínum stað. Þá
verður deildin áfram virk í neyðarvörnum,
en deildin hefur þurft að opna fjöldahjálp-
arstöðvar í nokkur skipti á síðasta ári og
það sem af er þessu ári bæði í Mosfellsbæ
og á Kjalarnesi. Þá munu málefni umsækj-
enda um alþjóðlega vernd skipa veigamik-
inn sess hjá deildinni þar sem mikill fjöldi
hælisleitenda er vistaður á starfssvæði
deildarinnar í Víðinesi og Arnarholti á
Kjalarnesi.
Stjórn deildarinnar er efst í huga, að af-
loknum góðum aðalfundi, mikið þakklæti
til starfsmanns og allra þeirra sjálfboðaliða
sem lögðu hönd á plóg í verkefnum deild-
arinnar á síðasta ári og allur sá velvilji sem
hún skynjaði úr öllum áttum í gegnum bein
fjárframlög og hlý orð í garð deildarinnar.
Kærar þakkir,
stjórn Rauða krossins í Mosfellsbæ.
Aðalfundur Rauða krossins í Mosfellsbæ
Á myndinni má sjá stjórn Rauða krossins í Mosfellsbæ ásamt starfsmanni: Signý Björg Laxdal, Hilmar
Bergmann, Hulda Margrét Rútsdóttir (starfsmaður), Gözde Sigurðsson, Ásgerður Inga Stefánsdóttir,
Katrín Sigurðardóttir og Robert Bentia. Á myndina vantar Hrönn Pétursdóttur og Maríu Pálsdóttur.
MOSfellingur
...fylgstu med
okkur á facebook
facebook.com/mosfellingur