Mosfellingur - 16.03.2017, Page 28
Góðu bollurnar
Í eldhúsinu
Viktor Viktorsson og Erla
Edvardsdóttir deila hér
með okkur uppskrift að
kjötbollum. „Uppskriftin
er búin að vera í minni
fjölskyldu síðan ég var
barn á Höfn í Hornafirði,“
segir Erla. „Eflaust hét
uppskriftin eitthvað ann-
að til að byrja með en
við kölluðum þær alltaf
,,góðu bollurnar“ og það
nafn festist við þessa
uppskrift.“
Góðu bollurnar
• 500 gr nautahakk
• 1 1/2 bolli hafragrjón
• 1-2 egg
• 150 gr rifnar gulrætur
• 150 gr rifinn ostur
• salt, pipar og hvítlauksduft
• 1/2 - 1 bolli vatn (ef þú notar 2 egg þarf
ekki nema 1/2 bolla vatn)
Allt hrært saman,
mótaðar bollur og
þær steiktar
Sósa:
• 3/4 lítrar vatn
• 2 dl tómatsósa
• 1 dl sinnep (nota
gula, sæta franska
sinnepið)
• 2 msk púðursykur
• 1 súputeningur
(kjötkraftur)
Allt sett í pott, hitað
að suðu og bollurnar
settar út í og hitaðar.
Þarf kannski 5-10 mín. til þess.
Borið fram með hrísgrjónum og góðu salati.
Gott að hafa snittubrauð með.
Uppskriftin ætti að duga fyrir 4-5, verði
ykkur að góðu.
LitLu
hLutirnir
Það er þetta með litlu hlutina, þeir
gleymast. Er það af því þeir eru svo
litlir eða af því að við erum öll að
glíma við þegarveikina? Ég er sjálfur
mikið fyrir litlu hlutina en þarf eins
og aðrir að minna mig reglulega á þá.
Núna er ég búsettur í Vestmanna-
eyjum ásamt fjölskyldu minni þar
sem ég sinni nýju starfi. Ég hef
kynnst mikið af góðu fólki á skömm-
um tíma en er á sama tíma fjarri
fjölskyldu og nánustu vinum. Það
reynir á og þá skipta litlu hlutirnir
einmitt svo miklu. Hlæja með sínum
nánustu út af engu, njóta þess að
horfa á Heimaklett út um gluggann
í vinnunni, kasta sprengjum inn í
umræðuna í kaffitímanum og draga
sig svo í hlé, henda sér í pottinn á
miðvikudagskvöldi og gera pítsu með
fjölskyldunni á föstudegi.
Svo þegar ég kemst upp á land er
fullt af litlum hlutum sem ég hlakka
til að gera. Hitta Fálkana í þreki og
taka fund í Hvíta riddaranum í kjöl-
farið, henda mér í stúkuna með Rot-
högginu. leggjast í móann í veiðitúr-
unum í sumar og stara upp í loftið og
hlusta á ána og skiptast svo á sögum
við vinina sem myndu kosta okkur
alla starfið og æruna.
Litlu hlutirnir eru ekki alltaf, og
reyndar sjaldnast, merkilegir. Því
það er einmitt galdurinn. Ákvörðun
um njóta staða, aðstæðna og fyrst
og fremst fólks. Sýna því og líðandi
stund athygli og umhyggju. Í stað
þess að vera sífellt að bregðast við
aðstæðum og fólki eða bíða eftir
einhverju sem kannski aldrei kemur.
Þess vegna er líf mitt eitt standandi
lag með Jóni Jónssyni. Alveg þangað
til ég gleymi mér og fer að tuða yfir
litlu hlutunum sem engu skipta.
ásgeir jónsson
hjá Viktori og erlu
- Heyrst hefur...28
Viktor og Erla skora á Laufeyju mágkonu og Ingvar Hreins að deila næstu uppskrift
heyrst hefur...
...að Gljúfrasteinn opni að nýju 1. apríl
eftir miklar viðgerðir síðasta árið.
...að Stormsveitin verði rafmagnslaus
í Guðríðarkirkju miðvikudaginn
19. mars.
...að kvennahlaupið í Mosfellsbæ
verði haldið á sunnudegi þetta árið.
Hlaupið verður 18. júní, þar sem
laugardagurinn er þjóðhátíðardagur.
...að tælenski veitingastaðurinn YAM
sem staðsettur er í Kjarnanum sé nú
til sölu.
...að íbúar í Leirvogstungu hafi orðið
varir við grunsamlegar mannaferðir
í vikunni og hafa óprúttnir aðilar
tekið í hurðahúna á heimilum og
stolið verðmætum úr bílum.
...að verið sé að útbúa æfingaaðstöðu
fyrir hljómsveitir á neðri hæð Bólsins
við Varmárskóla.
...að Einar Ágúst muni halda uppi
stuðinu á Hvíta á laugardaginn eftir
bardagann með Gunnari Nelson.
...að önnur eiginkonan í farsanum
„Úti að aka“ sem sýndur er í Borgar-
leikhúsinu eigi heima í Mosó.
...að eigendur Brúneggja hafi óskað
eftir því að félagið yrði tekið til
gjaldþrotameðferðar.
...að línumaðurinn sterki Einar Hrafn
sé að koma heim eftir nokkur góð
handboltaár í Noregi.
...að Afturelding og Grótta eigist við í
Olísdeild karla í kvöld að Varmá.
...að hanaslagurinn haldi áfram á
Suður-Reykjum en yfirvöld ætla sér
að fjarlægja tvo hana af lóðinni.
...að hinn skeleggi Indriði Indriðason
sé að slá í gegn með skrifum sínum á
umræðuvettvanginum á Facebook.
...að Mikk Pinnonen verði líklega
áfram í herbúðum Aftureldingar
eftir þetta tímabil.
...að opið hús verði í FMOS 22. mars.
...að alls 25 hugmyndir fari í kosningu
í Okkar Mosó sem fer af stað um
næstu mánaðamót.
...að Addi Andrésar og Tinna hafi
eignast stóran og myndarlegan strák
heima í stofu um helgina.
...að bankastjórinn fyrrverandi, Karl
Loftsson, hafi orðið áttræður á
dögunum.
...að Ari Eldjárn, Regína Ósk og Kúbu-
sveit Tómasar R. muni öll koma fram
á Menningarvori sem fram undan er í
Bókasafninu.
...að Mosfellsbakarí hafi þurft að
flytja inn rjóma að utan til að nota á
rjómabollurnar sínar á bolludaginn.
...að Mosfellingurinn Einar Karl hafi
farið í heljarstökk á sviðinu með
Aroni Brink í Söngvakeppninni.
...að Ferðafélagið bjóði upp á göngur
á Úlfarsfell undir leiðsögn Reynis
Trausta alla fimmtudaga fram á vor.
...að tvær Playstation 4 tölvur verði í
vinning á Fifa-móti Hvíta Riddarans
sem hefst í næstu viku.
...að Jón Jónsson verði með fræðslu-
fund í FMOS miðvikudaginn 29. mars.
mosfellingur@mosfellingur.is
snjómokstur hefur
verið krefjandi
síðustu vikurnar