Mosfellingur - 06.04.2017, Blaðsíða 25
Íþróttir - 25
Kosningar okkar Mosó
Voða finnst mér gaman að þessu
framtaki Okkar Mosó. Finnst frábært
að gefa bæjarbúum kost á að koma
með tillögur um hvað megi betur fara í
bænum okkar.
Ég hlakka til að fylgjast með hvernig
framkvæmdin verður en allar þessar
tillögur sem hægt er að kjósa um eru
skemmtilegar og fjölbreyttar. Ég er alla
vega búin að kjósa þær hugmyndir
sem mér líst best á.
Ég vona að tillagan um fuglafræðslu-
stíginn með fram Leirvoginum verði
að veruleika.
Gyða
ORÐIÐ ER LAUST...
Hér gefst lesendum kostur á að
láta skoðanir sínar í ljós í stuttu máli.
Gönguleiðir í Mosó
Eitt af því sem mér finnst vera kostur
við að búa í Mosfellsbæ eru stikuðu
gönguleiðirnar í kringum bæinn sem
gerir bæinn okkar að frábærri útivist-
arparadís.
Göngkortið sem hægt er að nálgast
víða og er inni á heimasíðu Mosfells-
bæjar er gott og sýnir fjöldan allan
af gönguleiðum. Kortið sýnir vel þær
leiðir sem hægt er að fara og hversu
langar þær eru. Öll helstu kennileiti
og staðarheiti eru merkt inn á kortið
og skemmtileg upplýsingaskilti eru á
mörgum stöðum með ýmsum fróðleik.
Ég hvet Mosfellinga til að kynna sér
þetta kort en það er mín reynsla að
það eru alltaf fleiri og fleiri að upp-
götva þennan lúxus sem við búum við.
Í mínum huga eru þetta lífsgæði.
Halldóra
Matfugl og Knattspyrnudeild
Aftureldingar, meistara-
flokkur karla, hafa endur-
nýjað samstarfssamning sín
á milli og gildir hann næstu
tvö árin.
Matfugl ehf. hefur verið
einn af aðalstyrktaraðil-
um knattspyrnudeildar
Aftureldingar frá árinu 2011
og hefur samstarfið gengið
mjög vel.
Á myndinni má sjá Birgi
Frey Ragnarsson fyrir hönd
knattspyrnudeildar og
Aðalbjörn Jónsson sölu- og
markaðsstjóra hjá Matfugli.
VR-15-025
Umsækjendur þurfa að vera liprir í samskiptum og eiga auðvelt með
að vinna í hópi. Reynsla af störfum í verslun og þjónustu er kostur.
Áhugasamir sæki um á www.n1.is – merkt framtíðarstörf.
Nánari upplýsingar veitir Gísli Páll Jónsson, stöðvarstjóri, gisli.pall@n1.is
Við hvetjum bæði kyn til að sækja um
auglýst störf hjá fyrirtækinu.
Vilt þú vinna á líflegum
vinnustað?
Helstu verkefni
• Almenn afgreiðsla
• Stjórnun starfsmanna á vakt
• Vaktauppgjör
• Pantanir
• Önnur tilfallandi verkefni á stöðinni
Hæfniskröfur
• Almenn þekking á verslun
og þjónustu
• Samskiptafærni og þjónustulund
• Reynsla af sambærilegum störfum
er kostur
• 20 ára eða eldri
N1 Háholti leitar að þjónustuliprum og áreiðanlegum vaktstjóra til
starfa. Um er að ræða fullt starf í vaktavinnu.
Deildarmeistarar í 2. deild
Strákarnir á eldra ári í 4. flokki í handbolta urðu deildarmeistarar í 2. deild og komast í úrslitakeppni
um Íslandsmeistaratitilinn. „Liðið hefur tekið miklum framförum í vetur, drengirnir æfa vel, taka
leiðsögn og framkvæma það sem þeir eru beðnir um. Strákarnir leggja sig mikið fram á æfingum sem
sést á árangri þeirra í vetur, liðið tapaði einum leik og gerði eitt jafntefli. Frábær liðsheild og metnað-
ur hjá þeim að ná langt,“ segir Bjarki Sig. sem þjálfar strákana ásamt Mikk Pinnonen.
Matfugl
styður
áfram við
fótboltann