Mosfellingur - 27.04.2017, Blaðsíða 8
- Fréttir úr Mosfellsbæ8
Mosfellsbæ
1. maí kaffi
Samfylkingin í Mosfellsbæ verður með
kaffihlaðborð á baráttudegi launafólks
í Þverholti 3 milli kl. 15 og 17.
Allir velkomnir.
Bætt lífsgæði í
sundlaugunum
Þann 6. apríl var vígður nýr hreinsibúnaður í Lágafells-
laug í Mosfellsbæ. Búnaðurinn framleiðir klór úr matar-
salti þar sem rafstraumur er notaður til að kljúfa saltið í
frumefni sín. Þegar þau efni blandast vatninu myndast
efni sem hentar vel til sótthreinsunar í sundlaugum.
Mosfellsbær er eitt af fyrstu sveitarfélögum landsins
til að taka í notkun slíkan búnað en áhersla er lögð á að
minnka notkun hættulegra efna sem skaðað geta lífríkið.
Vistvæn framþróun í Mosfellsbæ
Fyrir sundlaugargesti þýðir þetta að klórlyktin
minnkar talsvert. Sviði í augum og húðerting minnkar
og efnin fara betur með sundfatnað. Tæknibúnaðurinn
mun leysa núverandi klór af hólmi og hafa í för með sér
bætt lífsgæði sundlaugargesta og verða betra fyrir m.a.
augu, húð og öndunarfæri.
Þess má geta að á árinu 2015 voru notuð tæp 40 tonn
af klór í sundlaugar bæjarins. Nú verður breyting þar á.
Í Varmárlaug verður álíka búnaður tekinn í notkun í
byrjun sumars.
Nýr klórbúnaður tekinn í notkun
Gamli klórinn heyrir sögunni til. Nýr búnaður tekinn í notkun í laugum bæjarins. Sigurður Guðmundsson íþróttafulltrúi, Haraldur Sverrisson
bæjarstjóri, Baldur Halldórsson framkvæmdastjóri hjá Vatnslausnum og Linda Udengård framkvæmdastjóri fræðslu- og frístundasviðs.
Kammerkór Mosfellsbæjar heldur sína
árlegu vortónleika í Háteigskirkju sunnu-
daginn 30. apríl kl. 17:00. Yfirskrift tónleik-
anna er Fífill í haga, en kórstjóri er Símon
H. Ívarsson.
Efnisskráin er fjölbreytt eins og jafnan á
tónleikum kórsins. Lögin koma frá hinum
ýmsu löndum og eru af ólíkum stílteg-
undum, allt frá endurreisn til dagsins í
dag. Má þar nefna lög eftir John Dowland,
Atla Heimi Sveinsson, Mikis Theodorakis,
Paco Peña, Queen, Paul Simon, Lennon/
McCartney og lög frá Suður-Afríku.
Ásamt kórnum koma fram hljómsveitin
Fantasía Flamenca og sönghópurinn Vox
Camerata. Einsöngvarar eru Ástrún Frið-
björnsdóttir og Björn Traustason.
Fantasía Flamenca flytur ýmsar stílteg-
undir af flamenco-lögum og leikur einnig
með í söng kórsins. Meðlimir sveitarinnar
eru þau Ástrún Friðbjörnsdóttir söngkona,
gítarleikararnir Ívar Símonarson og Símon
H. Ívarsson, slagverksleikarinn George L.
Claessen og Hrafnkell Sighvatsson sem
leikur á bassa.
Meðlimir í sönghópnum Vox Camerata
eru Björn Traustason, Heiðrún Kristín
Guðvarðardóttir og Símon H. Ívarsson.
Aðgangseyrir er 2.000 krónur, en 1.500
krónur fyrir aldraða og frítt fyrir börn. Að-
göngumiða er hægt að nálgast hjá kórfélög-
um og við innganginn.
Kammerkór með vortónleika
Mosfellingurinn Ari Hermann Oddson ger-
ið sér lítið fyrir og hljóp maraþon í Pyong-
yang, höfuðborg Norður-Kóreu, nýverið.
Ari fór ásamt félögum sínum, þeim Hauki
Lúðvíkssyni og Almari Erni Hilmarssyni.
„Þetta er eiginlega bara annað mara-
þonið mitt, ég hef fjórum sinnum hlaupið
Laugaveginn og tvisvar tekið þátt í Járn-
karlinum. Almar félagi minn fékk þessa
hugmynd að taka þátt í þessu maraþoni
eftir eitt Laugavegshlaupið,“ segir Ari sem
kláraði hlaupið á tímanum 3,41 klst.
Öðruvísi undibúningur fyrir maraþon
„Þetta var langt og strangt ferðalag. Í
stuttu máli flugum við til Kaupmannahafn-
ar og þaðan til Peking. Við áttum að fljúga
þaðan til Pyongyang en sú flugvél kom
aldrei þannig að við fórum með rútum,
lestum og síðan flugvél.
Ferðalagið tók 21 klukkutíma. Við kom-
um um nótt á hótelið og þurftum að vera
mættir í rútu kl. 6 um morguninn. Þetta var
í rauninni algjört ævintýri. Okkur var sagt
fljótlega eftir að við komum til landsins að
aðalreglan væri að sýna núverandi og fyrr-
verandi leiðtogum landsins virðingu og þá
myndi allt ganga vel.“
Er í aðalliðinu í Mosfellsbæ
Ari kemur heim reynslunni ríkari eftir
þetta ferðalag og stefnan er sett á næsta
ævintýri.
„Ég er náttúrlega í aðalliðinu í Mos-
fellsbæ, Team Cintamani, en við erum
fjölþrautalið og tökum þátt í allskonar
keppnum. Ég er að fara að taka þátt í
Járnkarlinum í Kaupmannahöfn í ágúst
ásamt ansi mörgum Mosfellingum sem er
skemmtilegt og ég hvet alla til að fylgjast vel
með okkur,“ segir Ari að lokum.
Við viljum hafa
pláss fyrir allt
Lífið tekur breytingum með tímanum. Börnin
stækka, þeim fjölgar, áhugamálin breytast,
ferðalögin lengjast. Það sem ekki breytist er að
við þurfum pláss fyrir alla og allt sem þeim fylgir.
Þegar þörf er á brúar Arion bílafjármögnun
bilið í bílakaupunum.
Kynntu þér kjörin og ólíkar leiðir á arionbanki.is
H
VI
TA
H
U
S
ID
/
S
IA
–
1
7-
10
20
6
Ari Oddson úr Team Cintamani kominn heim úr ævintýraferð
Hljóp heilt maraþon
í Norður-Kóreu
á framandi slóðum
- ari fyrir miðri mynd
ari í keppnisgalla
team cintamani