Mosfellingur - 18.05.2017, Blaðsíða 6

Eldri borgarar
Þjónustumiðstöðin
Eirhömrum
Fram undan
í FélagsstarFinu
sumaropnun félagsstarfsins
Opið verður alla mánudaga,
þriðjudaga og miðvikudaga í júní.
Lokað fyrstu vikuna í júlí, 3-7. júlí.
Opnum aftur 10. júlí.
Félagsvist
Síðasta félagsvist vetrarins verður föstu-
daginn 19. maí kl. 13:30. Allir velkomnir.
gamlingjar og gemlingar
Í vor hefur verið kenndur áfangi í bridge
í Framhaldsskólanum í Mosfellsbæ í
fyrsta sinn. Valgarð Már Jakobsson, stærð-
fræðikennari í skólanum, hefur lengi
gengið með þann draum í maganum
að leggja nýliðun í bridgeíþróttinni lið
með þessum hætti. Í lok hverrar annar
eru verkefnadagar í FMOS þar sem stærri
verkefni eru unnin. Eftir að Valgarð sá
auglýsingu í Mosfellingi um bridge eldri
borgara á Eirhömrum kviknaði hugmynd
hans um að fá að leiða saman kynslóð-
irnar í þessari skemmtilegu íþrótt sem
spyr ekki um aldur. Bridgeklúbburinn á
Eirhömrum tók einstaklega vel í þessa
hugmynd og Davíð og Benedikt slógu
upp sveitakeppni milli „gamlingja og
gemlinga“ þar sem hinir eldri jusu úr
viskubrunni sínum og höfðu sigur í
báðum viðureignum dagsins. Jafet S.
Ólafsson forseti Bridgesambands Íslands
setti viðburðinn sem var mjög vel heppn-
aður. Næst er stefnt á að nemendur FMOS
bjóði „gamlingjunum” heim og að þetta
verði reglulegur viðburður héðan í frá.
samfélagslegt verkefni
Guðrún Ragnheiður Guðmundsdóttir
hafði samband við okkur í félagsstarfinu
og bað okkur að taka þátt í samfélags-
legu verkefni sem gekk út á það að fá
ólíka hópa
til að vinna
saman í
listkennslu.
Guðrún
er að taka
master í
listkennslu frá LHÍ og komu krakkar frá
Leirvogstunguskóla í heimsókn til okkar
og tóku þátt. Skemmtilegur afrakstur leit
dagsins ljós.
- Fréttir úr bæjarlífinu6
Heimilið að Gljúfra-
steini opið fram eftir
Í dag, fimmtudaginn 18. maí, er
alþjóðlegur safnadagur. Gljúfra-
steinn tekur þátt með því að að færa
heimilið úr klæðum safnsins þegar
degi fer að halla og hleypa þannig
gestum enn nær heimilislífinu
en gert er aðra safndaga ársins.
Tónlist á fóninum, skápar opnaðir
og munir dregnir fram, túrkísbláar
flísar baðherbergisins fá að njóta sín
fyrir opnum dyrum, Mosfellsdalur-
inn séður frá svölum skáldsins. Þá
verður eldhúsinu flíkað alþýðlega
og loks gera starfsmenn hreint fyrir
sínum dyrum. Dagskrá hefst kl. 18
en opið er til kl. 22 í kvöld.
Skoða Mosfellsheiði
á ný fyrir vindmyllur
Ketill Sigurjónsson lögfræðingur
hefur að nýju óskað eftir viðræðum
við Mosfellsbæ um „áform vegna
vindmyllugarðs með það að
markmiði
að semja
um aðgang
til rann-
sókna og
eftir atvikum
uppsetningu
vindmyllu-
garðs innan
sveitarfé-
lagsins“.
Þetta kemur fram í bréfi frá Katli
sem bæjarráð Mosfellsbæjar tók
fyrir á dögunum. Ketill er í forsvari
fyrir aðila sem hann hefur ekki viljað
að opinberaðir verði að sinni. Sam-
starfsaðilarnir eru væntanlegir til
landsins til þess að skoða aðstæður,
með það að markmiði að unnt verði
að hefja rannsóknir á ákjósanlegum
stað næstkomandi sumar.
Félag aldraðra
í mosfellsbæ og nágrenni
famos@famos.is
www.famos.is
Heilsueflandi samfélag í Mosfellsbæ stóð
á dögunum fyrir samfélagsmiðlaleik fyrir
nemendur í 8.-10. bekk í grunnskólum
bæjarins.
Tilgangur verkefnisins var sá að vekja
ungmennin til umhugsunar um mikilvægi
og ábyrgð á eigin heilsu og vellíðan. Jafn-
framt var mikilvægt að koma því til skila að
þótt næring og hreyfing séu mjög mikilvæg-
ir þættir þegar kemur að heilsueflingu þá
skipti félagslegi þátturinn ekki síður máli,
það að vera með fólki og eiga góða vini og
fjölskyldu.
Hugmyndaríkir krakkar
„Þátttakan í leiknum fór fram úr björt-
ustu vonum og skiluðu ungmennin inn
hverri glæsimyndinni á fætur annarri,“
segir Ólöf Sívertsen verkefnastjóri. „Fjöl-
breytni myndefnis gaf það svo sannarlega
til kynna að þau hefðu áttað sig á mikilvægi
allra fyrrnefndra þátta, þ.e. líkamlegra,
andlegra og félagslegrar vellíðunar.
Það var ekki einfalt verk að finna vinn-
ingshafana en í störfum dómnefndar var
horft til ýmissa þátta s.s. frumleika, heild-
arhugsunar, fjölda mynda, hugmyndauðgi
og skilaboða.“
glæsileg verðlaun afhent
Verðlaunin voru ekki af verri endanum
en fyrir 1. sætið var það iPhone 7 sími og
gjafakort í Intersport að upphæð 50.000
kr. Fyrir 2.-4. sæti voru einnig gjafabréf frá
Intersport og tveir aðilar fengu aukaverð-
laun frá Keiluhöllinni í Egilshöll.
Hér fyrir ofan má sjá nokkrar af mynd-
um vinningshafanna en hægt er að skoða
allar myndir á Instagram undir merkinu
#mosoheilsa.
Hér má sjá vinningshafa ásamt Ólöf Kristínu Sívertsen, verkefnisstjóra Heilsueflandi samfélags í Mos-
fellsbæ. Verðlaunaafhendingin fór fram á Fyrirmyndardeginum sl. laugardag. Frá vinstri: Eva María
(3. sæti), Elsa Björg (aukaverðlaun), Ólöf, Elmar (4. sæti), Dagbjört Lára (1. sæti) og Tjörvi (2. sæti).
Heilsueflandi samfélag stóð fyrir samfélagsmiðlaleik • Vinningshafar í #mosoheilsa
Vinningshafar í heilsueflandi
samfélagsmiðlaleik í Mosó
dagbjört tjörvi eva maría elmar
#mosoheilsa