Mosfellingur - 18.05.2017, Blaðsíða 16
Kvíði er annað orð yfir áhyggjur,
ótta eða hræðslu.
Kvíði er eðlileg og gagnleg
tilfinning sem hjálpar okkur að
bregðast við hættum og til að
leggja okkur fram við eitthvað
sem við viljum að takist vel.
Kvíði er í sjálfu sér ekki
vandamál nema hann sé farinn
að valda vanlíðan og trufla daglegt líf.
Sum börn, með mikinn kvíða, kvarta
oft yfir magaverkjum og höfuðverkjum
enda fylgja kvíða ýmis líkamleg ein-
kenni sem eru óþægileg ef þau eru sterk
og viðvarandi. Skiljanlegt er að barn vilji
forðast aðstæður sem valda því kvíða svo
það losni við óþægileg kvíðaeinkenni.
En það að forðast aðstæður viðheldur
einmitt vandanum.
Einn þáttur í meðferð við kvíða snýst
um að hvetja barn til að takast á við
kvíðavekjandi aðstæður í smáum, við-
ráðanlegum skrefum. Barnið lærir einn-
ig að tileinka sér raunsærri hugsunar-
hátt. Börn sem finna fyrir miklum kvíða
ofmeta gjarnan líkurnar á að eitthvað
slæmt muni gerast og líka hversu slæmt
það verður ef eitthvað fer úrskeiðis.
Börn geta átt erfitt með að
koma orðum að því sem þau
óttast en kvíðahugsanir eru til
dæmis „Ég verð mér til skamm-
ar“, „Mamma er sein, hún hefur
lent í hræðilegu slysi“ eða „Ég
mun pottþétt falla á þessu
prófi“.
Foreldrar vilja ekki að barn-
inu sínu líði illa þannig að mikill kvíði
hjá barni getur kallað á verndarviðbrögð
hjá foreldrum sem eru, því miður, ekki
að hjálpa barninu. Foreldrar geta farið
að vernda barnið of mikið fyrir aðstæð-
um sem vekja ótta hjá barninu og hjálpa
barninu meira en nauðsynlegt er. Það
getur því verið gott fyrir foreldra að
skoða eigin viðbrögð við kvíða barns-
ins.
Ef foreldra grunar að kvíði barns sé
óhóflega mikill þá er í fyrsta lagi gott að
fræðast um kvíða (sjá t.d. bókina „Ráð
handa kvíðnum krökkum“) og leita eftir
ráðgjöf.
UnaRúnarsdóttir,
sálfræðingurFræðslu-
ogfrístundasviðsMosfellsbæjar
Um kvíða hjá börnum
SkólaSkrifStofa moSfellSbæjar
Skóla
hornið
- Dreift frítt í Mosfellsbæ, Kjalarnes og Kjós16
Listasalur Mosfellsbæjar
Litir eins og tónlist
Síðustu ár hefur verið starfandi Leshópur í samstarfi Félags eldri borgara og Bókasafns
Mosfellsbæjar.
Hópurinn hittist mánaðarlega frá september til maí. Fastur fundarstaður er á Hlaðhömr-
um. Sú hefð hefur skapast að lokaskiptið sem hópurinn hittist sé í Bókasafni Mosfellsbæjar
og býður safnið heim rithöfundi og einnig er boðið upp á kaffi og eitthvað með því.
Að þessu sinni var það rithöfundurinn Auður Ava Ólafsdóttir sem sótti hópinn heim.
Hópurinn hafði lesið Afleggjarann eftir hana og sumir einnig lesið fleiri bækur hennar.
Áttum við öll frábæra stund með Auði Övu og þökkum við henni kærlega fyrir komuna.
Bókasafn Mosfellsbæjar
Lokafundur leshópsins
20. maí-17. júní.
Ný sýning verður í Listasal Mosfellsbæjar
frá laugardeginum 20. maí. Á sýningunni
sem heitir Litir eins og tónlist eru sýnd
myndverk Sigurðar Hauks Lúðvígssonar
(1921-2006).
Sigurður Haukur var mjög afkastamikill
listamaður og hélt margar einkasýn-
ingar og seldust myndir hans vel. Mörg
stórfyrirtæki og bankar eiga myndir eftir
hann, ásamt einstaklingum hér heima og
erlendis.
Sigurður Haukur er fyrsti Íslending-
urinn sem boðið hefur verið að sýna á
Grand Prix í Frakklandi og vann hann þar
þrisvar sinnum til verðlauna.
Sýning Sigurðar Hauks er opin á
afgreiðslutíma Bókasafnsins og henni
lýkur 17. júní.
SUMAR-
TILBOÐ
Þú kaupir stóra 150g dós
af d:fi og færð eina 75g frítt með.
Flott í ræktina eða ferðalagið.
P’lus h‡rsnyrtistofa
Ásta Björk hársnyrtimeistari
hefur hafið störf á Pílus hársnyrtistofu.
Við bjóðum hana hjartanlega velkomna í hópinn.
Þverholti 2 Kjarna
Sími : 566-6090
RITLISTARNÁMSKEIÐ 2017
10 - 12 ára
Spennandi og skemmtilegt ritlistarnámskeið
fyrir 10 – 12 ára börn
verður í Bókasafni Mosfellsbæjar með
Gerði Kristnýju rithöfundi 8. - 10. júní.
Fimmtudag og föstudag kl. 13.00 – 15.45
og laugardag kl. 9.30 – 12.15.
Ókeypis og allt innifalið.
Skráið ykkur sem fyrst!