Mosfellingur - 29.06.2017, Blaðsíða 18

Leikskólinn Reykjakot er 70 barna leikskóli og tók til starfa í mars 1994. Skól-
inn er staðsettur í náttúrulegu
umhverfi svo stutt er að fara með börn-
in í fjallgöngur, berjamó eða með nesti í
Reykjalundarskóg.
Gyða Vigfúsdóttir leikskólastjóri hóf
störf á Reykjakoti árið 1998. Hún læt-
ur nú af störfum sökum aldurs og segir
framtíðina óráðna en það sem hún taki
sér fyrir hendur verði örugglega eitthvað
skemmtilegt.
Gyða er fædd í Reykjavík 1. júlí 1950. For-
eldrar hennar eru þau Inga Jenný Guðjóns-
dóttir, húsmóðir og handavinnukona, og
Vigfús Árnason, hárskeri og kennari. Gyða
á tvö systkini, þau Grétu og Árna Guðjón.
Laugavegurinn var stór ævintýraveröld
„Ég ólst upp í Laugarneshverfinu og
síðar á Laugaveginum. Laugarneshverfið
bauð upp á mikið frelsi fyrir börn og þar var
margt hægt að bralla þó maður væri ungur
að árum. Ég man að fyrsta barnapíustarfið
mitt var að passa hana Láru litlu þó ég væri
bara 6 ára og hún 2 ára.
Laugavegurinn var í mínum huga stór
ævintýraveröld þar sem alltaf var eitthvað
spennandi að gerast. Þegar ég var 10 ára
flutti fjölskyldan í Kópavoginn, pabbi hafði
byggt þar hús og það má segja að við höfum
verið nokkurs konar frumbyggjar.“
Fékk þjálfun í kjötvinnslu
„Ég fór í sveit 8 ára að Flatey á Mýrum í
Hornafirði. Það var mitt annað heimili öll
sumur þangað til ég var 16 ára. Þá tók ég
mér frí eitt sumar til að vinna í Kjötbúðinni
Borg. Það var mjög lærdómsríkur tími þar
sem ég fékk frábæra þjálfun í
kjötvinnslu.
Þegar ég lít til baka þá man
ég sérstaklega vel eftir bók sem
mér var gefin, Börn eru besta fólk, eftir Stef-
án Jónsson. Þar kom staðfestingin á því að
börn eru fólk en ekki bara börn. Ég lít alltaf
á þá bók sem fyrsta skrefið í áttina að því að
verða leikskólakennari.“
Öðlaðist mikla reynslu á Silungapolli
„Ég byrjaði mína skólagöngu í Laugar-
nesskóla, þar sem mér þótti gott að vera.
Síðan lá leiðin í Austurbæjarskóla, Kópa-
vogsskóla og að lokum í verknám í Lind-
argötuskóla. Ég held að mér sé óhætt að
segja að skólagangan hafi verið svona upp
og ofan, enda höfðum við Ásta vinkona nóg
að gera við barnapössun.
Eftir útskrift fórum við að vinna á barna-
heimilinu að Silungapolli og unnum þar
í þrjú ár. Þar öðlaðist ég mikla reynslu og
kynntist vel þeim erfiðleikum sem fátækir
foreldrar stóðu frammi fyrir á þeim tíma.“
Gestur hjá bankastjórum bæjarins
Gyða giftist Heiðari Woodrow Jones árið
1968 aðeins 18 ára gömul. Þau eignuð-
ust tvö börn, Karenu Jenný og Vigfús Þór.
Gyða og Heiðar skildu árið 1979 eftir 11 ára
hjónaband.
„Eftir skilnaðinn má
segja að nýr kafli hafi
hafist í lífi mínu. Til að
styrkja fjárhaginn fór ég
að vinna í Stáliðjunni þar
sem ég saumaði áklæði
utan um stóla.
Örlögin höguðu því svo
til að nokkru síðar flutti
ég til Seyðisfjarðar þar
sem ég tók þátt í að reka
steypustöð. Mitt hlutverk
fólst aðallega í því að sjá
um fjármál og var ég tíður
gestur hjá bankastjórum
bæjarins.“
Eignaðist marga vini á Tjaldanesi
„Eftir Seyðisfjarðarævintýrið flutti ég aft-
ur suður og settist á skólabekk í Fóstruskóla
Íslands, enda hef ég allt frá barnæsku haft
mikinn áhuga á börnum. Eftir útskrift 1987
fór ég að vinna á skóladagheimilinu Ástúni.
Um svipað leyti kynntist ég Knúti Birgissyni
eiginmanni mínum. Hann starfar nú sem
forstöðumaður á Velferðarsviði Reykjavík-
urborgar. Við giftum okkur 1992 og höfðum
skömmu áður flutt í Mosfellsbæinn.
Á þessum tíma hafði ég fengið vinnu sem
deildarstjóri og varð síðar forstöðumaður
Tjaldanesheimilisins í Mosfellsdal. Ef það
er eitthvað sem mér finnst jafn gefandi og
að vinna með börn, er það fatlað fólk. Ég
eignaðist marga vini á Tjaldanesi og hitti
suma þeirra reglulega, þá eru fagnaðar-
fundir.“
Lánsöm að hafa frábært starfsfólk
„Ég byrjaði að vinna á Reykjakoti árið
1998, sem þá var undir stjórn Maríu skóla-
systur minnar. Hún hafði innleitt Hjalla-
stefnuna sem Margrét Pála er höfundur
að. Þegar María hætti árið 2000 tók Margrét
Pála við stjórn skólans og ég varð aðstoð-
arleikskólastjóri. Ég lærði mikið af Möggu
Pálu og í gegnum árin höfum við hist reglu-
lega og borið saman bækur okkar.
Ég tók við leikskólastjórastöðunni árið
2002. Á þeim árum sem ég hef stjórnað
skólanum hef ég verið svo lánsöm að hafa
alltaf frábæru starfsfólki á að skipa, sem
hefur lagt sitt af mörkum til að gera Reykja-
kot að framsæknum vinnustað.“

Prjónuðum fyrir heimilislausa
„Við höfum í sameiningu tekist á við stór
verkefni eins og stofnun Varmárdeildarinn-
ar og Leirvogstunguskóla og eins höfum við
unnið mörg þróunarverkefni.
Samfélagsverkefnin eru nokkur, t.d.
prjónuðum við fyrir Mæðrastyrksnefnd
og heimilislausa. Við tókum þátt í verk-
efni með leikskólanum að Hlaðhömrum
sem við kölluðum Jólakassar fyrir börn á
Íslandi. Síðast en ekki síst hafa Reykjakots-
systur farið í námsferðir til útlanda.“
Allur matur eldaður frá grunni
„Nýjustu verkefnin okkar eru ekki síður
spennandi. Heilsueflandi leikskóli á vegum
Embættis landlæknis er verkefni, sem að-
stoðarleikskólastjórinn minn, Hildur Helga
Sævarsdóttir, sér um.
Það var mikill happafengur að fá hann
Einar H. Ólafsson til starfa í eldhúsið okk-
ar. Hann er mikill eldhugi og eftir að hann
byrjaði var hafist handa við að endurskoða
alla matseðla, hvort þeir uppfylltu holl-
ustuþarfir barnanna. Ég tók þá ákvörðun að
leyfa sköpunarkrafti og athafnaþrá Einars
að njóta sín. Í dag er allur matur eldaður
frá grunni og hugað að hollustu.
Að síðustu má nefna verkefni sem heitir
Garðrækt með Ömmu náttúru og er í umsjá
Jóhönnu B. Magnúsdóttur.“
Framtíðin óráðin
Nú er komið að tímamótum og lætur
Gyða af störfum í ágúst sökum aldurs. „Ég
hef átt gott og farsælt samstarf við stjórn-
sýslu bæjarins og mig langar að nota tæki-
færið og þakka sérstaklega Birni Þráni fyr-
ir allan hans stuðning og traust sem hann
hefur sýnt mér alveg frá upphafi.
Ekki má gleyma að þakka öllum dásam-
legu börnunum sem hafa verið hjá okkur í
gegnum tíðina því án þeirra væri Reykja-
kot ekki sá yndislegi staður sem hann er.
Við fylgjumst grannt með afrekum þeirra í
lífinu og erum sannfærð um að þegar eitt-
hvert þeirra skarar fram úr er það allt upp-
eldinu á Reykjakoti að þakka,“ segir Gyða
og brosir. „Ég er enn sannfærðari en nokkru
sinni að börn eru besta fólk.
Framtíð mín er óráðin en það sem ég tek
mér fyrir hendur verður örugglega eitthvað
skemmtilegt.“
- Mosfellingurinn Gyða Vigfúsdóttir18
Fjölskyldan. Efri röð: Arnar Þór, Karen Jenný, Þórhildur Gyða, Knútur,
Gyða, Vigfús Þór og Amornrat. Neðri röð: Jakob Þór, Kristófer og Jasmin.
MOSFELLINGURINN
Eftir Ruth Örnólfsdóttur
ruth@mosfellingur.is
Myndir: Ruth Örnólfsdóttir og úr einkasafni.
Ég tók við leikskólastjóra-
stöðunni árið 2002. Á þeim
árum sem ég hef stjórnað skól-
anum hef ég verið svo lánsöm að
hafa alltaf frábæru starfsfólki á
að skipa.
Gyða Vigfúsdóttir leikskólastjóri lætur af störfum á Reykjakoti í ágúst eftir að hafa starfað þar í rúm 19 ár
HIN HLIÐIN
Hverju myndir þú breyta á Íslandi ef
þú ættir þess kost? Ég hef alltof oft
orðið vitni að því á undanförnum árum að
ungir foreldrar missi húsnæðið sitt. Ef ég
gæti einhverju breytt myndi ég tryggja að
allir hefðu þak yfir höfuðið.
Trúir þú á tilviljanir? Nei, ég trúi að æðri
máttarvöld komi oftar við sögu en okkur
grunar.
Hvað er það skemmtilegasta sem
þú gerir? Handvinna og samvera með
bútasaumshópnum mínum á Reykjakoti.
Svo finnst mér ofsalega gaman að fara til
Ameríku og heimsækja dóttur mína hana
Karen, Arnar tengdason minn og Jakob
ömmustrák.
Lýstu þér í þremur orðum. Ég er já-
kvæð, umburðarlynd og ákveðin, kannski
svolítið frek eins og mamma sagði alltaf.
Hvernig slakar þú best á? Þegar ég
kem heim til mín eftir vinnu set ég
símann minn á silent og fæ mér kríu,
óbrigðult ráð.
Hefur þú hent einhverju sem þú sérð
rosalega eftir? Eftir að ég henti babú-
bílnum hans Fúsa míns fyrir meira en
30 árum hef ég ekki hent neinu. Ég held
hann sé ekki ennþá búinn að jafna sig.
Fallegasti staður í Mosfellsbæ?
Reykjakot, ekki spurning.
Börn eru besta fólk
gyða og grána í flatey
15 ára í lindar-
götuskóla
3 ára snót