Mosfellingur - 28.09.2017, Blaðsíða 20

Sigurjón Valsson er vel þekktur inn-an fluggeirans enda búinn að fljúga frá því að hann var unglingur. Í dag
stjórnar hann flugdeild Air Atlanta Ice-
landic sem sinnir flugi um allan heim.
Sigurjón hefur einnig brennandi áhuga
á varðveislu flugsögunnar og hefur ansi
mörg járn í eldinum hvað það varðar.
Sigurjón er fæddur á Selfossi 8. apríl
1973. Foreldrar hans eru Helga Sigurjóns-
dóttir og Valur Snorrason. Helga lést árið
2014. Sigurjón á þrjú systkini, Freyju fædda
1978, Snorra Jón fæddan 1979 og Fanneyju
Guðrúnu fædda 1982.
Hveragerði hálfgerður smábær
„Foreldrar mínir bjuggu í Hveragerði
þegar ég fæddist en fluttu svo að Hamars-
hjáleigu í Gaulverjabæjarhreppi. Þegar
ég var fjögurra ára þá fluttum við aftur í
Hveragerði og þar ólst ég upp.
Hveragerði var á þessum tíma hálfgerð-
ur smábær þar sem flestir bæjarbúar könn-
uðust hver við annan sem var kostur en á
sama tíma stundum galli.“
Hugsaði um skjáturnar hans Sæmundar
„Það var ýmislegt brallað á æskuárunum.
Ég var nánast alinn upp á hestbaki eða frá
því ég gat setið hest þar til ég var 16 ára.
Þá tók flugið algerlega yfir, og þá meina ég
algerlega, því ég fór ekki á hestbak næstu
20 árin. Það er fyrst núna síðustu ár sem ég
hef skroppið á bak en þá eingöngu til þess
að fara í göngur.
Þar sem foreldrar mínir voru bæði úr
sveit og héldu hesta kom það einhvern
veginn til að faðir minn var fenginn til að
hugsa um kindur samstarfsmanns síns í ull-
arþvottastöðinni í Hveragerði um hver jól,
til fjölda ára. Þetta varð til þess að í mínum
huga eru jólin í „gamla daga“ alltaf tengd
því að hugsa um skjáturnar hans Sæmund-
ar í Brekku og það voru engin jól nema að
stússast í þessu með pabba.“
Kenndi sjálfum sér að lesa
„Ég gekk í Grunnskóla Hvera-
gerðis og síðan í Gagnfræða-
skólann. Í upphafi skólagöngu
minnar var lestur ekki mín sterka hlið og
þegar ég var 9 ára var ég ekki búinn að ná
sömu færni og jafnaldrarnir. Það var eflaust
um að kenna „dassi“ af lesblindu ásamt
fullt af þrjósku.
Ég var sendur í sérkennslu í lestri og fór
sú kennsla fram á bókasafninu. Einn dag-
inn mætti kennarinn ekki svo ég fór eitt-
hvað að ráfa um á milli hillanna. Þá rakst
ég á bók sem átti eftir að breyta öllu fyrir
mig. Ég tók bókina úr hillunni og opnaði
hana. Á fremstu síðu var teikning af mik-
illi loftorrustu. Þessi teikning höfðaði til
mín á einhvern hátt þannig að mér fannst
ég þurfa að lesa það sem stæði í bókinni.
Ég fékk hana lánaða, las hana og kenndi
þannig sjálfum mér að lesa, alveg óvart.
Bókin hét Haukur í hættu.“
Stalst til að fara í flugtíma
„Eftir að ég útskrifaðist úr
gaggó lá leiðin í Fjölbrauta-
skóla Suðurlands. Einn daginn
eftir að ég var byrjaður í skólanum stalst ég
til þess að taka flugtíma hjá flugskólanum
Flugtaki og greiddi fyrir hann með pening-
um sem ég var búinn að safna mér.
Ég sagði foreldrum mínum ekki frá tím-
anum vegna þess að þau voru algjörlega á
móti því að ég lærði að fljúga, sérstaklega
mamma. Eftir að þetta upplýstist allt saman
var samið um að ég fengi að halda áfram í
náminu. Ég kláraði einkaflugmannsprófið
samhliða náminu í fjölbraut en ég útskrif-
aðist árið 1993. Yfir sumartímann vann ég
við túnþökutínslu á Núpum í Ölfusi.“
Dró línu í sandinn
„Ég var búin að hugsa mér að fara í verk-
fræði í HÍ því útlitið í atvinnuflugi var frekar
dökkt. Á þessum tíma hafði varla verið ráð-
inn flugmaður til Flugleiða í fjöldamörg ár.
Flugið togaði samt í mig og á endan-
um ákvað ég að skella mér í atvinnuflug-
mennsku en var búinn að draga línu í sand-
inn. Ef ég yrði ekki kominn með vinnu sem
flugmaður þegar ég yrði þrítugur þá biði
verkfræðin mín. Ég fékk síðan atvinnuflug-
manns- og kennararéttindi vorið 1995 og
í ágúst sama ár var ég byrjaður að kenna
hjá Flugtaki.
Ég flutti frá Hveragerði haustið 1996 en
þá flutti ég í höfuðborgina til að sleppa við
að keyra svona langt í vinnuna.“
Klúbbur stofnaður af áhugamönnum
Frá Flugtaki lá leið Sigurjóns til Íslands-
flugs þar sem hann flaug á ATR-42, Do-228
og Boeing 737. Eftir sameiningu Íslands-
flugs og Air Atlanta Icelandic hefur hann
starfað sem flugstjóri og þjálfunarflugstjóri
en er í dag flugrekstrarstjóri félagsins. Hann
hefur flogið sem listflugmaður frá árinu
1997, mest á TF-UFO.
Sigurjón var lengi vel formaður Flug-
klúbbs Mosfellsbæjar eða í 10 ár en klúbb-
urinn er með aðsetur á Tungubakkaflug-
velli. Klúbburinn var stofnaður 29. maí
1981 af 14 flugáhugamönnum. Á vellinum
eru 7 flugskýli, um 20 vélar og klúbbhús
félagsmanna.
Sigurjón er giftur Lucíu Guðnýju Jör-
undsdóttur sjúkraliða og á hann þrjár
stjúpdætur, þær Steinunni Mörtu, Hrafn-
hildi Völu og Önnu Kolbrá.
Markmiðið er að varðveita flugsöguna
„Ég byrjaði að stunda vinnukvöld hjá Ís-
lenska Flugsögufélaginu þegar ég var ungl-
ingur. Áhugi minn á gömlum flugvélum
kemur eflaust til af því að Haukur flugkappi
sem ég las um í denn var alltaf að fljúga
gömlum flugvélum úr seinna stríði.
Flugsögufélagið er félag sem var stofnað
árið 1977 af áhugamönnum um flugsögu og
markmið félagsins er að varðveita flugsögu
Íslands. Við erum að safna hlutum sem
koma flugsögunni við, allt frá hnífapörum
upp í flugvélar, og við þiggjum alla hluti
sem tengjast henni með þökkum. Félagið
hefur jafnframt gert upp nokkrar flugvélar
í gegnum tíðina.
Við erum ávallt með mörg járn í eldinum
hjá Flugsögufélaginu og okkur vantar alltaf
fleiri félaga til þess að leggja okkur lið við
varðveislu flugsögunnar.“
Hundrað ára afmæli flugsins
Árið 1919 kom fyrsta flugvélin til landsins
og var hún af gerðinni Avro 504K. Þessi teg-
und af vél var töluvert notuð í fyrri heims-
styrjöldinni og þótti henta ljómandi vel
til flugkennslu. Árið 2015 var Hið íslenska
Avrofélag stofnað. Að baki því standa
nokkrir af flugköppum nútímans en Sigur-
jón er formaður þess. Þeir félagar ætla að
kaupa Avro 504 og sjá til þess að hún fljúgi á
hundrað ára afmælisdegi flugsins á Íslandi,
3. september 2019.
- Mosfellingurinn Sigurjón Valsson20
Sigurjón með eiginkonu sinni Lucíu Guðnýju.
MOSFELLINGURINN
Eftir Ruth Örnólfsdóttur
ruth@mosfellingur.is
Myndir: Ruth Örnólfsdóttir og úr einkasafni.
Þessi teikning höfðaði til
mín á einhvern hátt þannig
að mér fannst ég þurfa að lesa
það sem stæði í bókinni. Ég fékk
hana lánaða, las hana og kenndi
þannig sjálfum mér að lesa.
Sigurjón Valsson flugrekstrarstjóri Air Atlanta Icelandic og formaður Íslenska flugsögufélagsins
er mikill áhugamaður um flugsöguna og þekkir vel til sögu fyrstu flugvélarinnar sem kom til landsins
Flugið togar endalaust í mig
á flugi fyrir 20 árum
HIN HLIÐIN
Hverju myndir þú breyta á Íslandi ef
þú ættir þess kost? Útrýma einelti og
fátækt.
Fullkominn sunnudagur? Vakna seinna
en venjulega, líta út um gluggann og sjá
logn og sólskin. Fara niður á flugvöll,
bulla við félagana, drekka kaffi og fljúga.
Fallegasti staður í Mosfellsbæ?
Tungubakkaflugvöllur, klárlega.
Hvaða matur freistar þín? Lamba-
hryggur með öllu sem honum fylgir.
Hvað fer mest í taugarnar á þér? Suð-
austanátt og rigning vikum saman.
Hvað er besta ráð sem þú hefur nýtt
þér? Ég heyrði einu sinni sagt: „Það er
fullt af fólki að gera þetta, af hverju ætti
ég ekki að geta þetta?“ Þegar ég kem að
einhverju sem ég held að sé óyfirstígan-
legt kemur þetta oft upp í huga minn.
Uppáhaldsflugvél? Ef við tölum um
atvinnutæki þá eru það Boeing 747-400
og Dornier Do-228 en skemmtilegasta
einkaflugvélin er klárlega CAP-10B.
Hvað er það skemmtilegasta sem
þú hefur gert? Af mörgu er að taka en
ég fór í hrikalega skemmtilegan flugtúr
með vini mínum Elíasi síðasta haust frá
Tungubakkaflugvelli til Hahnweide flug-
vallar í Þýskalandi. Farkosturinn
var Bonanza flugvél smíðuð 1955
og við tókum viku í þetta.
flugstjóri
hjá íslandsflugiungur að árum