Mosfellingur - 19.10.2017, Blaðsíða 4
www.lagafellskirkja.is
kirkjustarfið HelgiHald næstu vikna
sunnudagur 22. október
Guðsþjónusta í Lágafellskirkju kl. 11:00
– Sr. Arndís Linn
Miðvikudagur 25. október
Helgihald á Hlaðhömrum kl. 13:30
– Sr. Arndís Linn
sunnudagur 29. október
Guðsþjónusta í Mosfellskirkju kl. 11:00
– Sr. Kristín Pálsdóttir
sunnudagur 5. nóvember
Guðsþjónusta í Lágafellskirkju kl. 11:00
– Sr. Arndís Linn
sunnudagaskólinn
er í lágafellskirkju
kl. 13:00
t.t.t. er félagsskapur fyrir öll tíu til
tólf ára börn sem langar til að eiga
skemmtilegan vetur saman.
t.t.t. fundirnir eru á fimmtudögum kl.
17:00 í Safnaðarheimili Lágafellssóknar.
Þar munum við skemmta okkur við
margs konar verkefni. Fræðumst um
kærleikann og fáum að heyra frásagnir
úr Biblíunni og margt fleira.
- Bæjarblaðið í Mosfellsbæ64
Halda herra- og
kvennakvöld UMFA
Í nóvember mun Afturelding standa
fyrir tveimur stórum viðburðum.
Herrakvöld Aftureldingar fer fram
10. nóvember í Harðarbóli og
degi síðar eða 11. nóvember fer
Kvennakvöld Aftureldingar fram á
sama stað. Meistaraflokkar félagsins
í blaki, handbolta og knattspyrnu
standa sameiginlega að þessum
tveimur viðburðum. „Þetta verður
frábær helgi fyrir Mosfellinga og
stuðningsmenn Aftureldingar,“
segir Jón Júlíus Karlsson, fram-
kvæmdastjóri Aftureldingar. „Við
höfum horft með öfundaraugum á
sambærilega viðburði hjá öðrum
félögum. Meistaraflokkar félagsins
ákváðu því að snúa bökum saman
og vinna sameiginlega að því að
skapa þessa hefð líka hér í Mosfells-
bæ. Undirbúningur hefur gengið
afar vel og við erum öll virklega
spennt fyrir því að félagið sé nú að
standa að þessum viðburðum sem
ein heild.“ Miðasala hefst á föstudag
og fer fram í afgreiðslu íþróttahúss-
ins að Varmá. Einnig er hægt að
panta miða með því að senda póst
á herrakvoldumfa@gmail.com eða
kvennakvoldumfa@gmail.com.
www.lagafellskirkja.is
fjölnota íþróttahús
íþróttahús
varmárskóli
Nýtt gervigras hefur verið lagt á stóra völlinn að Varmá. Nær íþróttahúsinu mun síðan rísa nýtt fjölnota íþróttahús eins og sést á yfirlitsmyndinni hér að ofan.
3.200 fermetra hús mun rísa að Varmá • Iðkendum knattspyrnudeildar fjölgar hratt
ráðist verður í framkvæmdir við
fjölnota íþróttahús að Varmá
Fyrir bæjarráði Mosfellsbæjar liggur nú
til samþykktar tillaga um byggingu 3.200
fermetra fjölnota íþróttahúss sem staðsett
verði austan við núverandi íþróttamann-
virki að Varmá.
Um er að ræða svokallað hálft yfirbyggt
knatthús þar sem eldri gervisgrasvöllur að
Varmá er nú.
samræmist stefnumörkun uMFa
Undirbúningur málsins hefur staðið yfir
frá árinu 2014 og fólst í upphafi í öflun og
úrvinnslu gagna þar sem ólíkar útfærslur
voru vegnar og metnar.
Í upphafi var t.d. skoðað hvaða leiðir
önnur sveitarfélög á höfuðborgarsvæðinu
hefðu farið í þessum efnum, fjallað um
mögulega staðsetningu innan bæjarins,
kostir og gallar ólíkra rekstrarforma voru
reifaðir og loks kannað hvort að unnt væri
að reisa slíkt hús í samstarf við Reykjavík-
urborg.
Við þarfagreininguna var víða leitað
fanga, m.a. til knattspyrnudeildar Aftur-
eldingar, en sú tillaga sem nú liggur fyrir
bæjarráði er í samræmi við stefnumörkun
Aftureldingar um uppbyggingu knatt-
spyrnusvæðis Aftureldingar.
gert ráð fyrir hlaupabraut
Niðurstaða þessarar vinnu var sú að
Mosfellsbær eigi og byggi sjálfur húsið og
sú lausn sem varð ofan á hefur nú verið
frumhönnuð og er áætlaður byggingar-
kostnaður um 308 m. kr.
Við undirbúnings verksins var jafnframt
litið til þess að tryggja að fleiri aðilar í Mos-
fellsbæ en knattspyrnufólk geti nýtt húsið
undir sína starfsemi og því er til að mynda
gert ráð fyrir hlaupabraut í húsinu.
Bylting í aðstöðu íþróttafólks
„Það er ánægjulegt að nú sjái fyrir end-
ann á þessari vinnu með þessari góðu
niðurstöðu,“ segir Haraldur Sverrisson
bæjarstjóri. „Það er ljóst að hér verður um
byltingu að ræða í aðstöðu íþróttafólks
í Mosfellsbæ og þá sérstaklega þeirra
sem stunda knattspyrnu sem og foreldra
sem fylgjast með börnum sínum í leik og
keppni. Um leið gerir þetta okkur kleift að
taka á móti nýjum iðkendum við fjölgun
íbúa í stækkandi bæjarfélagi.“
Gert er ráð fyrir að framkvæmdir við hús-
ið hefjist á næsta ári þegar hönnun hússins
og deiliskipulagsferli er lokið.
Mosfellsbær tekur við
tíu flóttamönnum
Á fundi bæjarráðs þann 12. október
var tekið fyrir erindi velferðar-
ráðuneytisins þar sem óskað var
eftir því að að Mosfellsbær taki
á móti 10 flóttamönnum frá
Úganda. Í afgreiðslu bæjarráðs
segir að Mosfellsbær hafi áður
lýst vilja sínum til að taka á móti
flóttamönnum og sé því jákvæður
gagnvart þessu erindi ráðuneytisins.
Framkvæmdastjóra fjölskyldusviðs
var falið að undirbúa umsögn um
málið, ræða við velferðarráðuneytið
og hefja undirbúning samnings um
verkefnið. Fallist Mosfellsbær á að
taka við fólkinu mun sveitarfélagið
meðal annars útvega því húsnæði
og veita því nauðsynlega þjónustu
en fjármögnun kemur frá velferðar-
ráðuneytinu.
Þann 25. september var haldinn sameig-
inlegur fræðsludagur leik- og grunnskóla í
Mosfellsbæ. Starfsmönnum í frístundastarfi
og dagforeldrum bauðst að taka þátt í deg-
inum ásamt öllum starfsmönnum skólanna
og voru þátttakendur hátt í 400 manns.
Var þetta í fyrsta sinn sem fræðsludagur
sem þessi er haldinn þvert á þá starfsemi
sem á sér stað í stofnunum fræðslu- og
frístundasviðs.
Mosfellsbær einn vinnustaður
Í upphafi dagskrárinnar bauð bæjarstjóri
þátttakendur velkomna og sagði frá nýrri
framtíðarsýn og áherslum Mosfellsbæjar.
Benti hann sérstaklega á þá áherslu að
mikilvægt væri að líta á Mosfellsbæ sem
einn vinnustað og að sameiginleg gildi hafi
nýst vel til þess að stuðla að því.
Í kjölfar þess ræddi Anna Steinsen tóm-
stunda- og félagsmálafræðingur um hrós
og hvatningu til að byggja upp liðsanda
á vinnustöðum, áhrif þess á daglegt líf í
vinnunni og mikilvægi þess að gera það á
réttan hátt.
Að því loknu völdu starfsmenn sér
vinnustofur og voru 13 slíkar í boði. Þar var
unnið með ólík viðfangsefni eins og Goog-
le Classroom, leiki sem verkfæri, kyrrð í
kennslustofunni, að auka vellíðan og seiglu,
mataræði og heilsu, svo dæmi séu tekin.
samvinna og tengsl þvert á skólastig
Þessi samvinna veitti starfsmönnum
tækifæri á að mynda tengsl og fræðast á
milli skólastiga og mun án efa nýtast starfs-
fólki leik- og grunnskóla í þeirra störfum.
„Ég tel að sú leið sem við völdum, þ.e.
að vinna að fræðslu þvert á skólastig, hafi
tekist einkar vel. Skipulag og verkefni dags-
ins hafa orðið til þess að þétta raðirnar enn
frekar í upphafi vetrarstarfsins og umræð-
urnar muni eiga sinn þátt í að gera gott
skólastarf í Mosfellsbæ enn betra,“ sagði
Linda Udengard, framkvæmdastjóri skóla-
og frístundasviðs Mosfellsbæjar.
Mosfellsbær hélt sameiginlegan fræðsludag þvert á skólastig • Þétta raðirnar enn frekar
fræðsludagur í leik- og grunnskólunum
ólíkar vinnustofur