Mosfellingur - 09.11.2017, Blaðsíða 14

- Frítt, frjálst og óháð bæjarblað14
Bjarki Bjarnason hefur sent frá
sér bókina Tíminn snýr aftur
sem hefur að geyma örsögur
og ljóð.
„Undirtitill bókarinnar er
örsöguljóð,“ segir höfundur-
inn í viðtali við Mosfelling.
„Oft eru óljós mörk á milli
þessara bókmenntagreina.
Ég skipti henni í nokkra hluta,
sem bera kunnugleg nöfn, svo
sem Hagfræði, Biblíusögur og
Landbúnaður. En þegar betur
er að gáð liggur hér fiskur undir steini.
Eitt grunnstefið er í raun og veru tíminn
og hugleiðingar mínar um hann. Við get-
um ekki upplifað liðið andartak, ekki bók-
staflega. Sú stund kemur aldrei aftur en á
hinn bóginn erum við iðulega að endurlifa
horfna lífsreynslu, tíminn er lúmskt fyrir-
bæri og snýr oft aftur í ein-
hverri mynd. Það er hugsunin
á bakvið titil bókarinnar.“
Bjarki hefur sent frá sér
um 20 bækur af ýmsum toga
á sínum ferli, sagnfræðirit,
skáldverk, barnabækur og
ljóð.
„Ég hef ekki viljað binda
mig við eitt bókmenntaform
en hef sérstakt dálæti á að
feta fíngerða slóð á milli
sagnfræði og skáldskapar, á
milli ímyndunar og svokallaðs raunveru-
leika. Því hvað er sannleikur þegar öllu er
á botninn hvolft?“
Vilborg Bjarkadóttir myndskreytti bók-
ina, Gunnhildur Edda Guðmundsdóttir
sá um hönnun og umbrot en útgefandi er
Bókaútgáfan Sæhestur.
Rithöfundurinn Bjarki Bjarnason gefur út örsögur og ljóð
Ný bók frá Bjarka
bjarki hefur sent
frá sér 20 bækur
af ýmsum toga
Vefðu þig hlýju
Ábreiða úr hinni einstöku íslensku ull gerir
hverja stund hlýja og notalega…
Sjá sölustaði á istex.is
Það eru allir með draum um hina full-
komnu fjölskyldu þar sem samskiptin
eru til fyrirmyndar og allir eru glaðir.
Raunveruleikinn er sá að flestir eru bara
ósköp venjulegir með sína góðu daga
en einnig sína slæmu daga. Foreldrar
skipta skapi og börnin rífast. Ekkert
endilega alla daga en þessir dagar koma
svo sannarlega fyrir hjá okkur öllum því
öll erum við mannleg.
Öll viljum við nú samt sem áður
bæta okkur og viljum að börnum okkar
lyndi vel saman. Börn eru ólík þótt þau
séu systkini og oft sem þeim hreinlega
líkar ekki hvert við annað. Ekki er hægt
að þvinga systkini til að vera vinir en
ýmislegt má gera til að bæta samskipti
þeirra.
Fyrsta skrefið er að stíga frá rifrild-
inu. Ekki blanda þér inn í. Hlustaðu og
jafnvel skrifaðu niður hvað er að gerast.
Hver segir hvað og hvernig bregst hinn
við? Er rifrildið alltaf um það sama?
Hver er fyrst/ur, hver á hvað, hver á að
sitja hvar o.s.frv? Með því að stíga aðeins
frá rifrildinu er líka líklegra að þú náir
að halda ró þinni og meta aðstæður á
yfirvegaðan máta.
Skref tvö er að leyfa barni að hleypa
tilfinningunum út. Leyfðu allri kergj-
unni og pirringnum að koma út. Ekki
þvinga hann niður og láta hann rotna
þar. Leyfðu barninu að tjá sig um allt
sem fer í taugarnar á því og viðurkenndu
þær tilfinningar. Það er oft ótrúlegt hvað
það að viðurkenna tilfinningar annarra
gerir mikið til að lægja þær.
Oft er barnið hætt að vera pirrað út í
systkini sitt ef það fær eyra til að segja
hversu mikið það pirrar sig. Ekki draga
úr tilfinningum eða reyna að koma
með mótrök. Leyfðu barninu að tjá sig
og segðu að þú heyrir í því. Börn eru oft
afbrýðisöm út af ótrúlegustu hlutum og
því getur komið á óvart hvað þau segja
þér. Segðu þeim að þú sjáir hvernig
þeim líður, viðurkenndu tilfinninguna
og að þú heyrir hvað þau eru að segja.
Eins og sagt er þá þarf að hleypa
slæmu tilfinningunum út svo þær góðu
komist inn.
Starfsfólk Fræðsluskrifstofu Mosfellsbæjar
Systkinaerjur - fyrri hluti
SkólaSkrifStofa moSfellSbæjar
Skóla
hornið