Mosfellingur - 30.11.2017, Blaðsíða 32
- Aðsendar greinar32
Það er búið að vera ótrúlega gam-
an að fylgjast með uppganginum í
íslenskum fótbolta síðustu árin.
Karla- og kvennalandsliðin okk-
ar náð frábærum árangri, og eftir-
spurn atvinnuliða erlendis eftir
íslenskum starfskröftum aldrei
verið meiri. Heimsbyggðin horfir
undrunaraugum á og sérfræðing-
ar eru sendir til smáríkisins til að reyna
að greina undrið, finna formúluna. Til að
skýra árangurinn þá hafa ýmsir þættir verið
nefndir. Má þar nefna aukna fagmennsku,
jákvætt hugarfar, vinnusemi að ógleymdri
hinni svokölluðu íslensku ,,geðveiki“ og
hjarta. Ómetanleg landkynning.
Stór partur af velgengninni og óumdeild-
ur er bætt aðstaða til knattspyrnuiðkunar
með tilkomu fjölnota íþróttahúsa (oft kall-
að yfirbyggð knattspyrnuhús þó notkunin
takmarkist ekki við knattspyrnu).
Stærri og reyndar mun minni bæjarfé-
lög en Mosfellsbær hafa byggt upp slíka
aðstöðu og mörg þeirra fyrir margt löngu
síðan. Hins vegar hefur nákvæmlega ekkert
verið gert í þessum málum hér og bærinn
dregist enn frekar aftur úr.
Í haust voru kynnt drög um að byggja
ætti loksins fjölnotahús. Áformin eru því
miður mikil vonbrigði og sýna enn og aft-
ur ákveðið metnaðar- og þekkingarleysi á
málaflokknum. Framkvæmdin sem kynnt
hefur verið nær ekki lengra en svo að byggja
á tæplega hálft hús þegar þörfin er að sjálf-
sögðu yfirbyggður völlur í fullri stærð, til
viðbótar við núverandi aðstöðu. Fjöldi íbúa
í bænum hefur aukist hratt undanfarin ár
og ljóst að áframhald verður á. Íbúafjöld-
inn að vaxa hlutfallslega mun hraðar en í
nágrannasveitafélögunum. Það
verður því ekki langt þangað til að
þörfin verður þrír vellir.
Knattspyrnufólk í Mosfellsbæ
hefur búið við mjög skerta aðstöðu
um langt skeið. Engan skal því
undra að árangurinn hafi látið á
sér standa. Flokkar sem telja fleiri
tugi iðkenda þurft að bíta í það súra epli að
æfa á hálfum velli, oft við erfiðar veður- og
vallaraðstæður. Krakkar og fullorðnir sem
eiga að vera að æfa 11 manna bolta eru
ennþá í umhverfi smávalla („minibolta“).
Golfarar yrðu varla sáttir við að geta bara
æft og keppt í mínigolfi eða pútti, hand-
boltinn að spila bara fjórir á móti fjórum,
blakarar á hálfum velli og svona mætti
lengi telja. Augljóst að gæði æfinga, þrátt
fyrir góðan metnað og vilja, verða ekki
nærri eins góð. Iðkendur dragast aftur úr
eða hætta.
Vinsælasta íþróttin á ekki að sitja eftir,
ekki frekar en aðrar greinar. Við verðum
ekki samkeppnishæf fyrr en byggt hefur
verið alvöru yfirbyggt fjölnota íþróttahús.
Hús sem getur gagnast öðrum greinum
eins og frjálsum íþróttum og halda má mót
og kappleiki í. Einnig er brýn þörf á félags-
og búningaaðstöðu. Núverandi aðstaða er
alls ekki boðleg í bæ sem við viljum kalla
heilsueflandi. Verum því ekki hálfdrætting-
ar, hugsum til nútíðar og framtíðar.
Ágætu ákvörðunaraðilar, setjið góðan
metnað í málið sem allra fyrst. Tökum rétt
skref upp á við.
Með góðri og bjartsýnni íþróttakveðju,
Hugi Sævarsson
framkvæmdastjóri
Íslensk knattspyrna á upp
leið en ekki í Mosfellsbæ
Nú er vetur konungur kominn í
öllu sínu veldi. Brátt líður að jólum
en þá er gott að staldra við og huga
að þeim sem minna mega sín.
Jólin geta verið erfiður tími fyrir
marga bæði vegna þess að þá finna
margir fyrir einmanaleika sem get-
ur ýmist verið viðverandi ástand
eða sem er tilkominn vegna áfalla
eins og til dæmis ástvinamissis. Jólin geta
líka verið erfið þeim sem búa við þær að-
stæður að geta ekki gert sér dagamun eins
og flestir gera á þessum árstíma.
Starf Rauða krossins í Mosfellsbæ heldur
sínu striki eins og endranær. Við bjóðum
alla velkomna sem vilja slást í hópinn eða
styrkja starfið okkar. Hægt er að gera það
með ýmsu móti. Með því að gerast félagi
í Rauða krossinum í Mosfellsbæ styrkir þú
starfið þegar þú greiðir árlegt félagsgjald
sem er 3.100 kr. og rennur óskipt til deild-
arinnar okkar í Mosfellsbæ.
Ef þú gerist sjálfboðaliði hjá okkur styrk-
ir þú okkur með því starfa í einhverju af
verkefnum okkar, eins og til dæmis að
heimsækja einstaklinga sem þiggja slík-
ar heimsóknir, eða þú getur valið í hvaða
af verkefnum okkar þú vilt helst taka þátt.
Svo er einnig hægt að styrkja okkur með
peningaframlögum en Rauði krossinn í
Mosfellbæ stendur meðal annarra deilda
Rauða krossins á höfuðborgarsvæðinu að
áfallasjóði sem ætlað er að styðja við þá
sem verða fyrir áföllum sem leiða af sér að
einstaklingar lenda í aðstæðum sem þeir
ná ekki að komast út úr án aðstoðar.
Þessu til viðbótar stendur Rauði krossinn
í Mosfellsbæ að jólaaðstoð í samvinnu við
Félagsþjónustuna í Mosfellsbæ og Lága-
fellskirkju. Það er því hægt að styðja við
starfið okkar með ýmsum hætti og er alveg
sama hvað er valið, allt kemur sér
vel og mun renna til góðra verka.
Borist hafa fréttir af því að í
fyrsta sinn muni Mosfellsbær taka
á móti flóttamönnum sem sérstak-
lega er boðið til landsins og munu
fá búsetu í bænum okkar góða. Um
er að ræða svokallaða kvótaflótta-
menn en það eru flóttamenn sem stjórn-
völd bjóða að koma til Íslands og mun
þeim veittur stuðningur til að koma undir
sig fótunum í nýju landi.
Áður hafa flóttamenn sem þessir komið
til Íslands og má nefna Akranes, Akureyri,
Hveragerði og Selfoss sem staði sem boðið
hafa flóttamennina velkomna. Í þeim til-
fellum kemur Rauði krossinn að málum og
aðstoðar við að útvega húsgögn og annað
sem þarf til heimilishalds og við að kom-
ast inn í og fóta sig í samfélaginu en einn
mikilvægasti þátturinn í því eru vina- og
stuðningsfjölskyldur sem tengjast innflytj-
endunum og hjálpa þeim við að komast inn
í samfélagið og ekki síst að skilja það.
Það er því nóg fram undan hjá Rauða
krossinum í Mosfellsbæ og tökum við öll-
um stuðningi fagnandi. Þrátt fyrir að nóg
sé að gera erum við alltaf opin fyrir nýjum
hugmyndum um verkefni sem vinna að
markmiðum okkar. Ef þú hefur góða hug-
mynd þá endilega komdu henni á framfæri
við okkur.
Jólagleði sjálfboðaliða verður haldin
miðvikudaginn 6. desember kl. 16 – 18
og eru allir sjálfboðaliðar hjartanlega vel-
komnir í Rauðakrosshúsið að Þverholti 7.
Katrín Sigurðardóttir
Ritari stjórnar Rauða krossins í Mosfellsbæ
Er líður að jólum
Jólatrjáasala Skógræktarfélags
Mosfellsbæjar hefst laugardaginn
9. desember í Hamrahlíð við Vest-
urlandsveg. Það verður mikið um
dýrðir í skóginum þennan dag.
Bæjarstjórinn mun höggva fyrsta
jólatréð, jólasveinar munu koma
og skemmta börnunum og að sjálf-
sögðu verður hægt að ylja sér með
heitu kakói og kaffi. Við hvetjum alla til að
láta sjá sig og annaðhvort höggva sitt eigið
jólatré eða velja tré úr rjóðrinu okkar.
Þeir sem ákveða að ganga um skóginn
eru yfirleitt að leita að hinu fullkomna jóla-
tré. Það er nefnilega þannig að jólatréð sem
maður fellir sjálfur er yfirleitt hið fullkomna
tré vegna stemningarinnar við að arka um
skóginn og finna að lokum tréð sem mun
skreyta stofuna yfir jólin.
Þá er margþættur ávinningur af því að
kaupa íslenskt jólatré. Í fyrsta lagi er kol-
efnisfótspor íslenskra jólatrjáa margfalt
minna en með innfluttum erlendum jóla-
trjám. Ekki þarf að flytja jólatrén til
landsins með tilheyrandi eldsneyt-
isnotkun, auk þess sem íslensk
jólatré eru ekki úðuð með skor-
dýraeitri sem notað er við ræktun
þeirra innfluttu jólatrjáa sem eru á
markaðnum í dag. Jafnframt spar-
ast gjaldeyrir við kaup á íslenskum
jólatrjám og á sama tíma er verið
að styðja mikilvægt starf þeirra sem koma
að ræktun jólatrjáa á Íslandi.
Kaup á íslenskum jólatrjám styðja því
undir að stækka skógarauðlind okkar sem
nýtist til útvistar, framleiðslu á viðarafurð-
um og svo auðvitað til að skapa fleiri full-
komin jólatré.
Hvetjum við alla til að heimsækja okk-
ur í Hamrahlíðina, við verðum með opið á
virkum dögum frá kl. 12-18 og milli 10 og
16 um helgar.
Sjáumst í Hamrahlíð!
Björn Traustason
Finnum hið fullkomna
jólatré í skóginum
Stjörnuegg hf. undirbúa nú, í samvinnu við EFLU verk-
fræðistofu, mat á umhverfisáhrifum fyrir aukna fram-
leiðslugetu eggjabús að Vallá á Kjalarnesi Matið er unnið
samkvæmt lögum nr. 106/2000 og reglugerð nr. 660/2015.
Drög að tillögu að matsáætlun hafa verið lögð fram til
kynningar á heimasíðu EFLU, www.efla.is.
Allir hafa rétt til að kynna sér drögin að tillögu að matsáætlun og leggja
fram athugasemdir. Að auglýsingatíma loknum verða drögin, ásamt þeim
athugasemdum sem berast, send Skipulagsstofnun til umfjöllunar.
Hægt er að koma ábendingum eða athugasemdum við drög
að tillögu að matsáætlun til Friðriks K. Gunnarssonar hjá EFLU
verkfræðistofu með tölvupósti á netfangið fridrik.gunnarsson@efla.is.
Frestur til athugasemda er til 14. desember 2017
Kammerkór Mosfellsbæjar efnir til aðventutónleika í Háteigs-
kirkju sunnudaginn 10. desember, klukkan 17:00.
Efnisval tónleikanna tekur mið af aðventunni en að venju
kemur kórinn einnig víða við í lagavali. Auk nokkurra alþekktra
jólalaga frá ýmsum löndum verða flutt verk frá endurreisnartím-
anum, þar á meðal hin þekkta Kanon eftir Pachelbel auk þess
sem kórinn flytur kafla úr Flamencomessu eftir Latorre og Torre-
grossa. Enn fremur eru nokkur lög sótt í smiðju Bítlanna og Paul
Simon og þá heyrast einnig tónar frá Suður-Afríku. Um píanóleik
sér Einar Bjartur Egilsson og söngtríóið Vox Camerata, skipað
félögum úr kórnum, kemur einnig fram.
Núna á laugardaginn, 2. desember, syngur kórinn einnig, eins
og löng hefð er fyrir, í Kjarna í beinu framhaldi af tendrun ljósa
á jólatrénu á Miðbæjartorginu. Að venju leiðir kórinn einnig
fjöldasöng, Afturelding sér um veitingar og barnakór Varmárskóla
syngur með í nokkrum lögum. Guðmundur Ómar Óskarsson
leikur á píanó.
Kammerkórinn í jólastuði
JÓLAKORT
PERSÓNULEG
ÞÍN MYND OG ÞINN TEXTI
AUÐVELT AÐ PANTA Á JOLA.IS
VIÐ ERUM Á
BÍLDSHÖFÐA14
www.artpro.is
artpro@artpro.is
Sími: 520 3200
Bíldshöfði 14, Reykjavík
60+ GERÐIR Í BOÐI