Mosfellingur - 30.11.2017, Blaðsíða 36

Mörk
kVENNA
Undanfarnar vikur hefur komið fram
holskefla af reynslusögum kvenna
um allan heim af kynferðisáreitni og
-ofbeldi.­ Uppruna þessarar bylgju
má rekja til myllumerkisins #metoo
sem fór á flug eftir að konur innan
Hollywood afhjúpuðu sjúka hegðun
kvikmyndaframleiðandans Harveys
Weinstein.­ Síðan þá hafa heilu samfé-
lagshóparnir um allan heim, nú síðast

konur í stjórnmálum á Íslandi, tekið
sig saman og lýst þeirri hegðun og því
ofbeldi sem þær hafa mátt þola af hálfu

karla.­
Margir karlmenn virðast taka þessu
sem ógn, fara í vörn.­ Áframhald á þeim

veruleika sem konur búa við alla daga
.­
Þar sem einhver annar en þær sjálfar
skilgreinir þeirra mörk og upplifanir.­
Að sýn karla á heiminn sé einhvers
konar fasti sem rétt sé að ganga út frá.­
Mega konur ekki, líkt og karlar, greina

frá sinni upplifun án þess að einhver
þurfi að taka til varna? Taka afstöðu,
með eða á móti?
Stundum er talað um að samskipti
kynjanna séu flókin og óskýr.­ En eru
þau það í raun og veru? Eru þessi mörk

svona óskýr? Eða hentar það bara
okkur körlunum að svo sé? Af þeim
rúmlega 130 sögum sem konur úr
íslenskum stjórnmálum hafa sagt get
ég ekki séð sögur af óskýrum mörkum
,
heldur sögur ýmist af vanvirðingu
marka eða af körlum að yfirfæra sín
mörk á konur.­ Aðrar sögur eru hrein-
lega af ofbeldi.­
Samspil kynjanna er okkur eðlislægt,
forsenda lífs og afkomu okkar.­ Það er
fallegt og einstakt en einnig hræði-
legt og þvingað.­ En hvar mörk þessa
samspils liggja er ekki okkar karla að
ákveða.­ Það er samtal kynjanna sem
hingað til hefur verið eintal karla við
konur.­ Nú þegjum við og hlustum.­
ásgeir Jónsson

Í eldhúsinu
„Við deilum með ykkur
uppskrift af heitfengri
kjötsúpu sem yljar
vel í vetrarkuldanum.
Íslenska kjötsúpan
klikkar aldrei en hér er
hún í krydduðum bún-
ingi sem tekur mann á
aðrar slóðir.“
Hráefni
• 1 kg fyrsta flokks
súpukjöt
• Kryddmauk (súpugrunnur):
• 2 stilkar sítrónugras (lemmon gras)
• 1-2 rauðir chili-belgir
• 1 góður biti engifer (60 gr)
• Túrmerik á hnífsoddi
• 2 msk ólífuolía
• 7 msk tómatpúrra
• 3 hvítlauksgeirar
• 2 sítrónur (safi og rifinn börkur)
• 1 límóna (safi og rifinn börkur)
• 2 dl vatn
Annað hráefni:
• 2 msk hunang
• 1 grasker (butternut squash)
eða stór sæt kartafla
• 2 laukar
• 100 gr spínat
(má sleppa)
• 500 ml
kókosmjólk
• 1 lítri vatn og
kjúklingakraftur

Leiðbeiningar
Skerið kjötið niður
í bita sem passa
vel í skeið. Brúnið
á pönnu þar til
fallegum lit er náð.
Geymið meðan súpugrunnurinn er unninn.
Setjið allt í matvinnsluvél sem á að fara í
kryddmaukið og maukið. Þá er kryddmaukið
klárt fyrir súpugerðina.
Hitið olíu í potti, bætið kryddmaukinu út í og
steikið vel (um 2-3 mín). Bætið brytjuðum
lauknum og hunanginu út í og látið malla
í um 5 mín. Hellið þá kókosmjólkinni og
vatninu með kjúklingakraftinum út í. Náið
upp suðu, bætið þá kjötinu út í og sjóðið
varlega í eina klst. Brytjið graskerið og
bætið út í, það þarf aðeins að sjóða í 10-15
mín. Spínatinu er svo bætt í þegar súpan er
borin fram.
Berið fram með góðu brauði og njótið!
Kristjana og Bragi skora á Ragnheiði og Óla Val deila næstu uppskrift með Mosfellingum
hjá kristjönu og bra
ga
Kjötsúpa sem yljar
heyrst hefur...
...að upptökur á Ófærð 2 hafi staðið
yfir í Kjósinni síðustu vikur.
...að Balli málari hafi orðið fertugur
um síðustu helgi.
...að hljómsveitin Írafár æfi nú af full-
um krafti í Hlégarði fyrir fyrirhugaða
endurkomu næsta sumar.
...að Greta Salóme verði meðal þeirra
sem koma fram á jólamarkaði
Ásgarðs á laugardaginn.
...að handknattleiksmaðurinn
Elvar Ásgeirs hafi farið á reynslu til
toppliðs GOG í Danmörku. Þá eru
Danir einnig að skoða Birki Ben.
...að Simmi Vill sé fluttur
í Klapparhlíðina.
...að Domino’s hafi safnað rúmum
fimm milljónum til styrktar Reykja-
dals með góðgerðarpizzunni.
...að Diddi og Valva hafi eignast lítinn
dreng á dögunum.
...að Haraldur bæjarstjóri ætli að gefa
kost á sér áfram í oddvitasætið.
...að atvinnudansparið Hanna Rún
og Nikita séu flutt í Mosó.
...að Davíð Gunnlaugs og Eyrún
eigi von á barni með vorinu.
...að íbúar í Leirvogstungu hafi
áhyggjur af komu Íslenska Gáma-
félagsins á Esjumela en talsvert er
kvartað yfir lyktarmengun félagsins
á núverandi stað í Grafarvogi.
...að Birgir í íþróttahúsinu leiki ráð-
herra í þáttunum Stella Blomkvist.
...að búið sé að skreyta jólatréð
á Sveinsstöðum með miklum
tilburðum.
...að verðandi forsætisráðherra, Katrín
Jakobs, hafi stjórnað umræðum á
bókmenntahlaðborði Bókasafnsins
þrátt fyrir að vera lítið búin að lesa
af bókunum annað árið í röð, sökum
anna við stjórnarmyndun.
...að gamla handboltakempan Bjarki
Sig. hafi orðið fimmtugur um
daginn.
...að Una Hildardóttir sé tekin við af
Óla Snorra sem formaður Vinstri
grænna í Mosfellsbæ
...að jólaskógurinn í Hamrahlíðinni
verði opnaður með pompi og prakt
laugardaginn 9. desember.
...að Sindri og Nína séu að
flytja í Mosó.
...að hljómsveitin Kaleo sé tilnefnd til
Grammy-verðlauna fyrir besta rokk-
flutning ársins á laginu No Good.
...að ljósin verði tendruð á Miðbæjar-
torginu á laugardaginn.
...að síðasti heimaleikur þessa árs hjá
strákunum í Olísdeildinni sé gegn FH
11. desember. Þeir sem mæta með
kvittun frá Apótekararnum fá frítt.
...að það séu komnir þrír nýir réttir á
matseðilinn á Hvíta Riddaranum.
...að aðventukvöld Samfylkingarinnar
fari fram í kvöld.
mosfellingur@mosfellingur.is
ALLT Á AÐ SELJAST
– DÚNDUR VERÐ!
Mikið úrval af bómullarbolum, microbolum
og nærfatnaði á dömur, herra og börn.
Dömubolir úr ull/silki og ull/bómull.
Einnig úrval af kertastjökum, kristalsglösum, skartgripum, skjalatöskum,
rafmagnsvörum, leikföngum, Tupperware vörum o.fl.
Opið virka daga kl. 13-17.
Opið laugardagana
2. des., 9. des. og 16. des.
kl. 12-16.
Háholt 23, 270 Mosfellsbær
Sími: 586 8050 / mirella@simnet.is / facebook.com/mirella.ehf
HEILDVERSLUNIN
MIRELLA LOKAR
í Háholti 23, Mosfellsbæ 17. janúar 2018
Sendið okkur myndir af nýjum Mosfellingum ásamt
helstu upplýsingum á mosfellingur@mosfellingur.is
- Heyrst hefur...36