Mosfellingur - 21.12.2017, Síða 27
vinum var hápunktur hvers sumars. Eftir
þriggja daga veiði komu svo allir heim til
okkar og við elduðum saman.
Við bjuggum nokkra mánuði í Danmörku
veturinn 2006, þar sem ég var í skiptidvöl
hjá danska ríkissáttasemjaraembættinu.
Stefán Óli kom með okkur og var í fjarnámi
frá Varmárskóla auk þess að vera í dönsk-
um grunnskóla.“
Sjónvarpsþátturinn Hæðin
„Það örlagaríka ár 2008 tókum við þátt í
sjónvarpsþættinum Hæðinni á Stöð 2. Verk-
efnið var að hanna og skipuleggja raðhús
í Garðabæ og búa í húsinu á meðan. Við
fluttum því í nokkra mánuði í Garðabæinn
og helltum okkur í byggingabasl.
Þetta var mikil áskorun, nánast allt
sem við gerðum var tekið upp. Þetta var
skemmtilegt en reyndi stundum á þolin-
mæðina. Okkur gekk vel að vinna saman. En
mikið var gott að flytja heim í Mosó aftur.
Þetta sama ár giftum við okkur og fórum í
framhaldinu í brúðkaupsferð til Brasilíu.“
Áhugamálin margvísleg
„Áhugamál mín eru mörg, ferðalög bæði
innanlands og utan, ég hef mikla ánægju af
útivist og Hreiðar minn bætti við þá flóru
með því að kenna mér að meta veiðar. Ég
hef ánægju af þátttöku í félagsstarfi og hef
starfað lengi með góðu sjálfstæðisfólki.
Þegar Eva og Stefán voru yngri tók ég þátt í
starfi Aftureldingar og Skátafélagsins Mos-
verja og var líka þátttakandi í starfi for-
eldrafélagsins í Varmárskóla.
Ég er líka í bókaklúbbi með skemmti-
legum skátakonum og við hittumst reglu-
lega. Ég er í Rótarýklúbbi Mosfellssveitar og
var önnur af tveimur fyrstu konunum sem
gengu í klúbbinn. Um tíma starfaði ég líka
með Lionsklúbbnum Úu.“
Var á bráðamóttökunni í marga daga
„Hreiðar átti sex systkini. Haustið 2014
dóu tveir bræður hans á besta aldri með
fimm vikna millibili vegna hjartavanda-
mála. Þetta var mikið reiðarslag fyrir fjöl-
skylduna og í framhaldinu fóru systkinin í
rannsókn. Sem betur fer var niðurstaðan sú
að þau voru ekki með hjartagalla.
Rúmu ári síðar, í febrúar 2016, veikist
Hreiðar mikið, fékk krampaflog og var á
bráðamóttökunni í marga daga. Fyrstu
mánuðina vissum við ekki hver ástæðan
var. Það var talið að þetta væri annað hvort
vírus í heila, heilabólga eða æxli.“
Læknarnir ekki sammála
„Við vorum búin að skipuleggja fjöl-
skylduferð til Flórída í mars og Hreiðar
tók ekki annað í mál en við héldum okkar
striki. Eftir að hafa fengið samþykki lækna
og ítarlegt læknabréf á ensku fórum við í
ferðina og vorum óendanlega þakklát fyrir
að hafa gert það.
Áður en við fórum út sendum við vin-
konu okkar, sem er yfirlæknir á Sahlgrenska
sjúkrahúsinu í Gautaborg, niðurstöðu úr
myndtökunum frá LSH. Þegar við komum
heim lá niðurstaða hennar fyrir, að þetta
væri krabbamein og hún og hennar teymi
ráðlagði skurðaðgerð strax. Eftir að þessar
upplýsingar lágu fyrir tók við erfiður bið-
tími. Læknarnir á Landspítalanum voru
ekki sammála þessari greiningu og vildu
bíða í nokkra mánuði og sjá til.“
Boðaður í bráða heilaskurðaðgerð
„Í byrjun júní fengum við viðtal við
heilaskurðlækni sem reyndi að sannfæra
okkur um að það væri engin ástæða til að
óttast, en til að róa okkur ákvað hann að
senda Hreiðar í aðra myndatöku. Daginn
eftir fékk Hreiðar svo símtal sem staðfesti
niðurstöðu vinkonu okkar og var boðaður
í bráða heilaskurðaðgerð. Þá hafði æxlið
stækkað verulega og breyst í 4. stigs krabba-
mein. Ekki reyndist unnt að fjarlægja allt
æxlið en tekið var eins mikið og læknarnir
treystu sér til án þess að valda varanlegum
alvarlegum skaða.
Þegar niðurstaða lá fyrir úr sýnatöku var
hún mjög afdráttarlaus. Krabbameinið var
ólæknandi og bráðdrepandi. Með það vor-
um við send heim og aldrei boðin nein að-
stoð eða ráðgjöf til að vinna úr áfallinu.“
Þakka fyrir það sem ég hef
„Við ákváðum strax að segja fjölskyldu
og vinum hvernig staðan væri og tala um
krabbameinið. Það reyndi oft á, en við gát-
um ekki hugsað okkur að vera í einhverjum
feluleik.
Næstu mánuði var Hreiðar bæði í lyfja-
og geislameðferð, en í byrjun nóvember
kom í ljós að æxlið var aftur farið að stækka
og þá tók Hreiðar þá hugrökku ákvörðun að
hætta í meðferðinni í þeirri von að honum
liði betur. Hann sýndi aðdáunarvert æðru-
leysi í veikindum sínum.
Hann lést 6. apríl, 14 mánuðum eftir
að veikindin gerðu fyrst vart við sig. Ég er
óendanlega þakklát fyrir árin sem við átt-
um saman og er að vanda mig við að njóta
hvers dags og þakka fyrir það sem ég hef.“
Ósanngirnispytturinn ekki langt undan
„Í janúar sl. greindist svo 6 ára gamall
sonur Evu minnar með bráðahvítblæði og
var strax settur í meðferð sem mun standa í
tvö og hálft ár. Þetta varð okkur öllum mik-
ið áfall og margar áleitnar spurningar sóttu
á hugann. Ósanngirnispytturinn var ekki
langt undan og stundum datt ég á bólakaf
ofan í hann.
Með hjálp fjölskyldu og góðra vina tók-
um við á þessum breyttu aðstæðum. Gamli
málshátturinn „Sá er vinur sem í raun reyn-
ist” öðlaðist nýja og dýpri merkingu því
það er ekki sjálfsagt að fólk treysti sér til að
styrkja aðra í erfiðum aðstæðum.
Ég er svo lánsöm að eiga allt þetta góða
fólk að. Það er ómetanlegt að finna samúð
og vináttu á svona erfiðum stundum og það
verður seint fullþakkað.”
Myndir: Ruth Örnólfs og úr einkasafni.
HIN HLIÐIN
Lýstu þér í þremur orðum? Félagslynd,
skipulögð og þokkalega geðgóð.
Hverju myndir þú breyta á Íslandi ef
þú ættir þess kost? Umræðumenning-
unni, við þurfum að tala við fólk og um
fólk af meiri virðingu.
Uppáhaldsveitingahús? Matarkjallarinn.
Fallegasti staður í Mosfellsbæ?
Útsýnið ofan af Helgafelli, þá sé ég hvað
Mosfellbær er fallegur.
Hvað heillar þig í fari fólks? Mér líður
best með fólki sem er jákvætt, heiðarlegt
og traust.
Besta ilmvatnið? Hugo Boss Orange.
Hvert er neyðarlegasta atvik sem þú
hefur lent í? Þegar ég var að koma úr
sundi og labbaði beint inn í karlaklefann
í Lágafellslaug. Mér til málsbóta voru
klefaskipti þennan dag, þ.e. karlarnir
voru í kvennaklefanum og við konurnar
áttum að vera í karlaklefanum.
Hvað er fegurð? Einlægt bros.
Mosfellingur Elísabet S. Ólafsdóttir - 27
Sigga var jákvæðasta
manneskja sem ég hef
kynnst, alltaf bjartsýn en samt
raunsæ. Hún kenndi mér, öðrum
fremur, að sjá björtu hliðarnar
og gera gott úr hlutunum, þótt
eitthvað bjátaði á.
ElísabEt ásamt sigríði
föðursystur sinni
ElísabEt ásamt börnum sínum
þEim Evu Hrönn og stEfáni Óla
ElísabEt á sínum
yngri árum
vEiðimaðurinn HrEiðar
í sjÓnvarpsþættinum Hæðinni
á brúðkaupsdaginn 7. júní 2008
barnabörn
ElísabEtar
HrEiðar mEð börnunum sínum, þEim
davíð Erni, HEiðrúnu og ingvari Erni