Mosfellingur - 10.03.2016, Blaðsíða 12
- Fréttir úr Mosfellsbæ12
HÁHOLT 14 - 270 MOSFELLSBÆ - SÍMI 566 8043
boost
mánaðarins
Lítill 695 kr.
Stór 895 kr.
eða
Við þurfum að ráða smiði og
verkamenn sem hafa reynslu
af mótauppslætti.
Áhugasamir hafi samband á non@nonbygg.is
BYGGINGAFƒLAG
Landvernd hefur samþykkt leik-
skólann Hlíð sem Skóla á grænni
grein. Það er alþjóðlegt verkefni til
að auka umhverfismennt og styrkja
menntun til sjálfbærni í skólum og
leikskólum.
Grænfánaverkefninu á Íslandi
er stýrt af Landvernd sem er aðili
að alþjóðlegu samtökunum FEE.
Til þess að ná því marki að flagga
Grænfánanum til tveggja ára þarf
Hlíð að ganga í gegnum sjö skref í
átt að aukinni umhverfisvitund og
sjálfbærni.
Efla vitund um umhverfismál
Skrefin sjö eru ákveðin verkefni
sem unnið er með í aðdraganda
umsóknar um Grænfánann en
þau eru gerð til að efla vitund
um umhverfismál. Verkefnin eru
unnin bæði í leikskólanum með
börnunum og í daglegum rekstri
hans. Skrefin styrkja grunn að því
að tekin sé ábyrg afstaða og inn-
leiddar raunhæfar aðgerðir í um-
hverfismálum og sjálfbærni innan
skólans.
Markmið verkefnisins er að bæta
umhverfi skólans, minnka úrgang
og notkun á vatni og orku. Efla
samfélagskennd og auka umhverf-
isvitund með menntun og verkefn-
um innan leikskólans og utan. Að
styrkja lýðræðisleg vinnubrögð við
stjórnun skólans þegar teknar eru
ákvarðanir sem varða börnin. Veita
börnunum menntun og færni til að
takast á við umhverfismál. Tengja
leikskólann við samfélag sitt, fyrir-
tæki og almenning.
Sáttmáli í bundnu máli
Í Hlíð er starfandi umhverfis-
nefnd sem í sitja fjórir starfsmenn.
Börnin í Hlíð staldra við, horfa,
skynja, upplifa, undrast og njóta.
Leiðarljósin sem unnið er eftir
eru: Hringrás lífsins og frumefnin
fjögur, jörð, vatn, loft og eldur.
Í tilefni af þátttöku leikskólans
í verkefninu var gerður umhverf-
issáttmáli í bundnu máli við lagið
Öxar við ána. Textinn er eftir Ragn-
heiði Halldórsdóttur.
Umhverfið okkar,
við öll viljum bæta,
efla og styrkja og gera svo gott.
Ef að þú flokkar,
þá ertu að kæta,
jörðina okkar sem er nú svo flott.
Ræktum grænmetið góða,
ræktum allt sem vex og grær.
Náttúrunnar gætum,
glöð þá hana bætum,
grænn er ávallt Mosfellsbær.
Ganga í gegnum sjö skref í átt að aukinni umhverfisvitund og sjálfbærni
Hlíð á grænni grein
Heimsókn í
Vísindasmiðju
Nú á dögunum fóru krakkarnir í 6. JV í Varmárskóla í heimsókn
í Vísindasmiðju Háskóla Íslands. Leiðbeinendur í Vísinda-
smiðjunni eru kennarar og nemendur í HÍ og er markmiðið
með smiðjunni að efla áhuga ungmenna á vísindum og fræð-
um með gagnvirkum og lifandi hætti. Það tókst svo sannarlega
í þessari heimsókn. Fyrst fengu krakkarnir fræðslu og fengu
svo að skoða og prófa allt sem var í boði, þeim til mikillar
skemmtunar.
Hlaðnar verðlaunum
Rakel Aradóttir og Karen Axelsdóttir tóku þátt í alþjóðlegu
sundmóti fatlaðra í Svíþjóð helgina 13.-14. febrúar. Þær
kepptu fyrir hönd íþróttafélagsins Asparinnar og sópuðu til sín
verðlaunum eins og sjá má á myndinni.
nemendur úr
Varmárskóla
mosfellingarnir
rakel og karen
Nú í fyrsta sinn í 40 ár fá íbúar í Mosfellsprestakalli að kjósa sér prest.
Kosningarnar fara fram föstudaginn 18. mars kl. 13:00 – 20:00
í Safnaðarheimili Lágafellssóknar, Þverholti 3, 3. hæð.
Um 2.000 manns skrifuðu undir undirskriftalista í ársbyrjun og óskuðu eftir
almennum prestskosningum og hefur biskup Íslands orðið við þeirri ósk.
Arndís G. Bernhardsdóttir Linn var eini umsækjandinn um stöðuna og er því ein í kjöri.
Arndís er borin og barnfæddur Mosfellingur. Hún er vel liðin innan sóknarinnar
og hefur mætt sóknarbörnum af alúð, einlægni og virðingu alla tíð.
Við hvetjum alla til þess að fara og kjósa Arndísi þó svo hún sé ein í kjöri
því við teljum mikilvægt að biskup Íslands sjái að nýr prestur njóti trausts
og verðugs stuðnings sóknarbarna.
Utankjörfundaratkvæðagreiðsla fer fram frá 4. mars til og með 17. mars 2016
á biskupsstofu, Laugavegi 31 í Reykjavík, frá kl. 09:00 til 16:00 alla virka daga
og í safnaðarheimili Lágafellssóknar, Þverholti 3, 270 Mosfellsbæ, sem hér segir:
Miðvikudaginn 9. mars frá kl. 17:00 -19:00.
Miðvikudaginn 16. mars frá 17:00 -19:00.
og á Hömrum hjúkrunarheimili, Langatanga 2,
miðvikudaginn 9. mars frá kl. 15:00 -16:30.
Stuðningshópur sr. Arndísar G. Bernhardsdóttur Linn
Sýnum nýjum preSti
Stuðning í verKi