Mosfellingur - 17.03.2006, Blaðsíða 11
Vantar hljóðmön
Íbúi í Hamratanga átti spjall
við Mosfelling og vildi koma eftir-
farandi á framfæri:
Er ekki hægt að setja hljóðmön
eða álíka grindverk til þess að
koma í veg fyrir hljóðmengun sem
berst frá Vesturlandsveginum í átt
að Hamratanga og Hlíða hverfi nu?
Hljóð frá hverjum einasta bíl sem
þar fer hjá glymur yfi r allt hverfi ð.
Þetta er aðalgatan út úr bænum
svo þaðan er stanslaus hávaði.
Það gæti vel verið sett meðfram
veg inum svipuð mön eða grind-
verk eins og þeir í Teigahverfi nu
hafa. Svona grindverk myndi gera
svakalega mikið fyrir allt hverfi ð
og losa okkur hér í hverfi nu við
töluverða hljóðmengun.
Íbúi í Hamratanga
ORÐIÐ ER LAUST...
Hér gefst lesendum kostur á að
láta skoðanir sínar í ljós í stuttu máli.
Netfangið er mosfellingur@simnet.is
11Fréttir, bæjarmál og aðsendar greinar - Mosfellingur
Stærðfræðikeppni grunnskóla-
nema var haldin í fyrsta sinn árið
1998. Keppnin er fyrir nemendur í 8.
9. og 10. bekk og er markmiðið að
vekja áhuga þeirra á stærðfræðinni og
hvetja þá til dáða. Verkefnin sem lögð
eru fyrir nemendur eru annars eðlis
en þau verkefni sem þeir fást við dag-
lega í skólanum. Þau eru erfi ð og er
talið gott ef nemendur leysa 40-50%
verkefnanna.
Keppnin er einstaklingskeppni og
fær enginn að vita um niðurstöðurnar
nema nemandinn sjálfur. Keppnin er
þrískipt þannig að nemendur keppa
aðeins við jafnaldra sína.
Þeir tíu efstu í hverjum árgangi
fá viðurkenningar og þrír þeir efstu
fá auk þess vegleg verðlaun. Þeir 10
efstu í 10. bekk fá auk þess boð um
setu í Menntaskólanum við Sund end-
ur gjaldslaust.
Í ár var áhugi fyrir keppninni
mikill. Alls tóku um 200 nemendur
þátt í keppninni af höfuðborgar-
svæðinu. Varmárskóli hefur undan-
farin ár tekið þátt í þessari keppni
og nemendur staðið sig með stakri
prýði. Í ár fengu tóku 38 nemendur
úr Varmárskóla þátt og fengu tveir úr
hverjum árgangi viðurkenningar.
Verðlaun og viðurkenningar
voru afhentar við hátíðlega athöfn
í Menntaskólanum við Sund 22.
mars. Niðurstöður voru þær að þau
Lára Björg Haraldsdóttir og Tinna
Hallsdóttir úr 8. bekk og Sindri Jarls-
son úr 10. bekk fengu viðurkenningar,
en verðlaunasæti hlutu:
Valgeir Örn Kristjónsson 10. bekk 1.
sæti, Árni Johnsen 9. bekk 1.sæti,
Stefán Óli Jónsson 9. bekk 3. sæti.
Allir nemendurnir sem tóku þátt
í keppninni voru skólanum til sóma
og óskum við þeim til hamingju með
frábæran árangur. Virðist sem hug-
myndasmiðir keppninnar hafi náð
markmiði sínu. Áhugi á stærðfræði er
orðinn mikill og fer vaxandi.
Frábær árangur í stærðfræði
Klárir krakkar í Varmár-
skóla. Þau eiga hrós skilið
fyrir frammistöðu sína í
stærðfræðikeppninni.
Í hvaða skóla ertu?
Ég er í Varmárskóla og er að klára
hann núna í vor. Samræmdu próf-
in eru framundan. Ég fer sennilega
í Borgarholtsskóla í haust. Mér lýst
ágætlega á skólann og svo eru nokkrar
vinkonur mínar á leið þangað sem að
gerir skólann meira freistandi.
Hvaða fag er skemmti-
legast í skólanum?
Það er félagsfræðin.
Á hvaða nám stefnir þú á í
framtíðinni?
Það er frekar óljóst ennþá en
mig langar mikið til að læra leiklist,
kvikmyndagerð eða eitthvað íþrótta-
tengt. Það fer bara allur tíminn núna
í sundið og því hef ég lítið verið að
velta þessu fyrir mér.
Hversu lengi hefur þú verið
að æfa sund?
Ég byrjaði að æfa sund árið 2000
en var lengi að koma mér í gang. Ég
byrjaði ekki strax að æfa á fullu því ég
þurfti fyrst að læra að synda, hætta
að notast við kúta og froskalappir og
svoleiðis. Ég byrjaði ekki að æfa af
neinni alvöru fyrr en um áramótin
2004-2005.
Hversu oft æfi r þú í viku?
Ég æfi sex sinnum í viku. Ég er að
spá í að bæta við æfi ngum á morgn-
ana líka til þess að halda mér í formi
og til þess að halda mér í landsliðinu.
Maður verður að vera með 90%
mætingarskyldu í landsliðinu annars
fær maður ekki að keppa fyrir hönd
Íslands.
Í hvaða greinum ertu
að keppa í?
Ég keppi mest í 50 og 100m
skriðsundi og 50m bringusundi en
baksundið er svona á gráu svæði.
Þjálfarinn minn vill að ég haldi áfram
í baksundinu. Mig langar mikið til
þess að fara að keppa í þrísundi og
ætla mér að æfa baksundið í sumar
til þess að taka þátt í því. Þrísund er
þannig að þá er skipt um sundstíl eftir
hverja 50 metra og þá er það bringu,
skrið og baksund sem keppt er í.
Hvaða grein er
skemmtilegust?
50 metra skriðsund er skemmtileg-
ast. Það er hvorki of langt né of stutt
og þar skipta sekúndurnar svo miklu
máli. Ég var svolítið fúl á mótinu um
helgina því að mig vantaði bara tvær
sekúndur upp á tímann til þess að
ná þeirri sem er í sjötta sæti á heims-
listanum.
Eru fl eiri íþróttir sem
heilla þig?
Já, já en í dag snýst allt mitt líf um
sund þannig að það er lítill tími fyrir
annað. Mér þykir gaman að fylgjast
með frjálsíþróttum í sjónvarpinu
Hver eru áhugamál þín
fyrir utan sundið?
Leiklist, tónlist, söngur og
kvikmyndagerð. Þegar ég var lítil var
ég mikið á leiklistar- og söngnám-
skeiðum sem var mjög skemmtilegt.
Uppáhaldstónlist?
Ég hlusta á mjög fjölbreytta tónlist
en róleg popptónlist eins og Norah
Jones er í uppáhaldi. Vinur minn er
alltaf að láta mig hlusta á Metallica
og fyrst gat ég það ekki en svo fór ég
að fýla eitt og eitt lag með þeim. Ég er
samt meira fyrir rólegri tónlist.
Hver er uppáhaldsmat-
urinn þinn?
Það er fasani, pabbi minn er rosa-
lega duglegur að elda svona skrítinn
mat. Ég bið hann alltaf um fasana á
áramótum og svoleiðis. Hann eldaði
einu sinni kanínu og lét mig ekkert
vita fyrr en eftir á. Kjötið var ágætt en
ég átti einu sinni kanínu þegar ég var
yngri og því fannst mér það dálítið
ógeðslegt!
Hvað langar þig að verða
þegar þú verður stór?
Ég veit það ekki, vera í sundinu eins
lengi og ég get. Það væri skemmtilegt
að vinna við leiklistina, kvikmynda-
gerð eða eitthvað í þeim dúr.
Áttu þér einhverja
fyrirmynd?
Það er engin sértök fyrirmynd, það
er fullt af fólki sem hefur áhrif og ég
lít upp til en engin svona ein sérstök
persóna. Fjölskyldan og vinir nátt-
úrulega þau helstu.
Ef þú fengir að ráða yfi r Ís-
landi, hvert væri þitt fyrsta
verk?
...ráða yfi r Íslandi? Ég veit það
ekki. Ég gæti ekki ákveðið það á þrem-
ur mínútum. Ég þyfti nú að hugsa það
betur og lengur en það!
Embla Ágústdóttir sundkona, stefnir á Ólympíuleikana í Kína 2008
Gústi Linn
heimsótti unga og upprenn-
andi sundkonu á dögunum
agust@mosfellingur.is
MOSFELLINGUR