Mosfellingur - 07.04.2006, Blaðsíða 6

Mosfellingur - Fréttir, bæjarmál og aðsendar greinar6
Yfir 1000 börn og ungmenni
æfa samtals níu íþróttagreinar hjá
Aftureldingu. Núverandi æfinga-
aðstaða samanstendur af þremur
íþróttasölum, karatesal, sundlaug,
Varmárvelli og litlum gervigrasvelli
á veturna og auk knattspyrnuvalla á
Tungubökkum á sumrin. Á aðalfundi
Aftureldingar var samþykkt ályktun
um skort á aðstöðu og nauðsyn stefnu-
mótunar, þarfagreiningar og úrbóta í
aðstöðumálum félagsins. Formaður
ræddi á þeim tíma málið við bæj-
arstjóra og kynnti helstu áhersluatr-
iði.
Í lok september 2005 fékk aðal-
stjórn Aftureldingar ráðgjafa til liðs
við sig við greiningu á núverandi
aðstöðu félagsins og fyrirsjáanlega
þörf á næstu árum. Unnið var að
stefnumótun í mannvirkjamálum
Aftureldingar í vinnuhóp sem saman-
stóð af aðalstjórn og öllum formönn-
um og framkvæmdastjórum deilda
félagsins. Tekið var mið af þeim fjölda
sem nú stundar íþróttir hjá félaginu
og þeirri aukningu sem búast má við
á næstu árum. Í greiningarvinnunni
kom berlega í ljós að flestar deildir
félagsins eru nú þegar að sprengja
utan af sér þá aðstöðu sem í boði er
í dag. Hafa sumar deildir jafnvel þurft
að leita út fyrir bæjarfélagið eftir full-
nægjandi æfingaastöðu svo ekki sé
minnst á að heimaleikir í knattspyrnu
hafa ekki verið haldnir í Mosfellsbæ
á vorin heldur hefur þurft að kaupa
aðstöðu utanbæjar.
Einróma niðurstaða greiningar-
hópsins var að yfirbyggður gervigras-
völlur í fullri stærð með aðstöðu til
frjálsíþróttaæfinga myndi stórbæta
aðstöðu allra deilda félagsins. Með
því myndi losna um þá tíma sem í
dag eru til æfinga knattspyrnu- og
frjálsíþróttadeilda í íþróttahúsinu og
þannig gætu aðrar deildir tekið við
fyrirsjáanlegri aukningu iðkenda.
Einnig var lögð áhersla á að Varmár-
svæði tengt Tungubökkum yrði skil-
greint sem íþróttasvæði og þar með
félags- og æfingasvæði Aftureldingar.
Einnig að félags- og fundaaðstaða
yrði bætt, en hún er mjög lítil í dag.
Mörg önnur brýn mál koma fram
í greiningarskýrslunni sem var í
október afhent bæjaryfirvöldum.
Bæjaryfirvöld tóku málinu vel og
í nóvember boðaði bæjarstjóri aðal-
stjórn Aftureldingar og formenn deilda
til samráðsfundar þar sem tillögur
félagsins voru ræddar og bæjarstjóri
gerði grein fyrir hvaða framkvæmd-
ir stæðu til á vegum bæjaryfirvalda í
íþróttamannvirkjamálum. Þar komu
fram hugmyndir um gervigrasvöll og
viðbyggingu við íþróttahús og var lögð
áhersla á að mæta þörfum félagsins. Í
framhaldi af þessum fundi hafa full-
trúar Aftureldingar og bæjaryfirvöld
unnið sameiginlega að undirbúningi
málsins og möguleikar á staðsetningu
gervigrasvallar skoðaðir. Var tekið vel í
þá hugmynd frá Aftureldingu að stefna
að því að byggja yfir gervigrasvöllinn
og ákveðið að ganga út frá því við
staðarval, hönnun og gerð vallarins.
Í febrúar 2006 voru fulltrúar aðal-
stjórnar og knattspyrnudeildar Af-
tureldingar boðaðir á kynningarfund
hjá bæjaryfirvöldum þar sem verk-
fræðileg úttekt á stærð og staðsetn-
ingu vallarins var kynnt. Á þeim fundi
kom fram almenn ánægja með bygg-
ingu vallarins og staðsetningu hans á
á Varmársvæðinu.
Samhliða var sett af stað annað
samvinnuverkefni Aftureldingar og
bæjaryfirvalda sem er þarfagreining
og hönnun á tengibyggingu framan
við íþróttahúsið við Varmá sem mun
hýsa skrifstofur og félagsaðstöðu Aft-
ureldingar auk búningsaðstöðu fyrir
íþróttavelli á Varmársvæði. Gert er ráð
fyrir að framkvæmdir við hana hefjist
á árinu 2007 og verði lokið á árinu
2008. Sú vinna er komin vel á veg.
Gervigrasvöllur í fullri stærð mun
stórbæta keppnisaðstöðu knattspyrnu-
deildar sem er að sjálfsögðu hið besta
mál. En meginmálið er að slíkur völlur
mun fyrst og fremst gegna hlutverki
bættrar æfingaaðstöðu barna og
unglinga í Mosfellsbæ. Þá staðreynd
þarf að hafa í huga þegar rætt er um
staðsetningu vallarins. Staðsetning
gervigrasvallar tekur mið af því að
hægt sé að nýta nýja búningsaðstöðu
íþróttahússins og samræmist ályktun
aðalfundar um að Varmársvæðið
verði áfram þungamiðja íþrótta í
Mosfellsbæ.
Við í Aftureldingu mælumst til
þess að bæjaryfirvöld hefjist handa
án tafar við byggingu gervigrasvallar
við Varmá og stefni að yfirbyggingu
hans eins fljótt og auðið er. Eins og
áður segir mun sú framkvæmd ekki
eingöngu koma sér vel fyrir knatt-
spyrnu- og frjálsíþróttafólk heldur
fyrir félagið í heild. Brýnt er að fara í
þetta verkefni strax og dapurt ef settur
er steinn í götu þess.
Elísabet Guðmundsdóttir
formaður aðalstjórnar
Aftureldingar

Erna Reynisdóttir
framkvæmdastjóri
aðalstjórnar Aftureldingar
Gervigrasvöllur við Varmá –
hvers vegna og fyrir hverja?
Lífið er stundum óútreiknan-
legt. Einn daginn erum við hress
og glöð næsta dag með saklaus
veikindi sem verða að einhverju svo
miklu meira vegna röð aðstæðna
sem enginn sá fyrir. Viðkomandi er
kippt út úr daglegri rútínu eins og að
fara í skólann á morgnana. Vikurn-
ar líða, enginn skóli, aðeins veik-
indi og þróttleysi og alltaf styttist
í samræmdu prófin. Það er hringt
í skólann og veikindi eru tilkynnt.
Þegar tvær vikur eru liðnar er talað
við Helgu Richter og er okkur boðin
öll sú hjálp sem skólinn getur veitt.
Ekkert vandamál. Þegar veikindin
eru að mestu yfirstaðin koma kenn-
arar og kenna heima. Þetta finnst
okkur frábært. Fyrir þetta viljum við
þakka og gerum við það hér og nú.
Kærar þakkir til starfsfólks Varmár-
skóla fyrir að reynast svona vel.
Ásta Björg Björnsdóttir
Andrés Þórarinsson
Kærar þakkir
Stuðningur vegna
kosninga
Ragnheiður Rikharðsdóttir
bæjarstóri, lagði fram tillögu
fyrir bæjarráði þann 23. mars
síðastliðinn að þeir flokkar
sem bjóða sig fram til bæjar-
stjórnakosninga fá 1.6 millj.
króna til stuðnings framboða
sinna. Tillagan var samþykkt
með tveimur atkvæðum og því
koma flokkarnir fjórir til með að
skipta þessari fjárhæð á milli sín
og nýta í kosingarherferðir sínar.
Nú fer daginn að lengja
og margur ökumaðurinn
gleymir sér og
bensínfóturinn
verður þyngri.
Það er einmitt
það sem við þurf-
um að varast því
með hækkandi
sól fer gangandi
vegfarendum
fjölgandi. Eink-
um fer smáfólkið á stjá og
tekur fram hjólin sín. Þessi litlu
kríli skjótast svo um allt og
ökumenn verða að
vera á varðbergi.
Annars gengur
lífið sinn vanagang
og menn brosa með
hækkandi sól.

Karl Hjartarson,
lögreglumaður.
Hugvekja frá lögreglu
Nauðlending í
Mosfellsdal
Lítil, eins hreyfils og fjögurra
sæta flugvél nauðlenti á túni
við bæinn Víði í Mosfellsdal
2. apríl. Vélin var á leiðinni frá
Vestmannaeyjum til Reykjavíkur
þegar gangtruflanir gerðu vart
við sig og leiddu til fyrrnefndrar
nauðlendingar. Einn karlmaður
og tvær konur voru í vélinni. Þau
voru flutt á slysadeild en meiðsli
voru minniháttar. Vélin skemmd-
ist að framan og brotnaði nef-
hjólið við lendinguna. Farþegar
voru skelkaðir eftir atburðinn og
var boðin áfallahjálp.
Sumarstörf 2006
Mosfellsbær auglýsir eftirtalin sumarstörf laus til umsóknar: