Mosfellingur - 19.05.2006, Blaðsíða 6
Mosfellingur - Fréttir, bæjarmál og aðsendar greinar6
Nýlega birtist í Varmánni, blaði
sjálfstæðismanna, myndir af bæjar-
stjóranum afhenda oddvitum Fram-
sóknar, Samfylkingar og Vinstri
grænna blómvönd í tilefni 1. maí og
opnunar kosningaskrifstofu þessara
framboða. Í textanum sem fylgdi
myndunum stóð „þeim voru færðir
blómvendir með óskum um mál-
efnalega og heiðarlega kosninga-
baráttu”.
Myndbirtingin gefur ekki alveg
rétta mynd af því sem fram fór, því
það var oddviti Framsóknarmanna
sem átti upphafið að þessu. Hann
mætti þegar Sjálfstæðismenn opn-
uðu sína kosningaskrifstofu 28. apríl
og færði þeim gjafakörfu, sem virtist
koma þeim á óvart!
Það var í framhaldi af því sem bæj-
arstjórinn færði öðrum framboðum
blómvendi.
Auðvitað hljóta allir að vilja að
kosningabaráttan verði málefnaleg
og heiðarleg, en það er algjör óþarfi
hjá bæjarstjóranum að slá sig til ridd-
ara með þessari sýndarmennsku, því
þegar Vinstri grænir opnuðu kosn-
ingaskrifstofu sína á sumardaginn
fyrsta kom bæjarstjórinn á staðinn,
en lét sér nægja að keyra fram hjá og
horfa á fólkið, en hafði ekki fyrir því
að stoppa og sýna þá kurteisi að óska
þeim til hamingju. Bæjarstjórinn,
oddviti sjálfstæðismanna, minntist
ekkert á óskir um málefnalega og
heiðarlega kosningabaráttu þegar
blómvendirnir voru afhentir, enda
var myndbirtingin til þess gerð að
fegra ímynd bæjarstjórans, sem veitir
kannski ekki af.
Sýndarmennska núverandi
bæjarstjóra Guðbjörn Sigvaldason
...er í kosninga-
stjórn Samfylk-
ingarinnar
Það er kunnara en frá þurfi að
segja að ófremdarástand ríkir í mál-
efnum aldraðra Íslendinga. Fólk-
sins sem byggði upp það velferðar-
samfélag sem við búum við í dag.
Velferðarsamfélagið sem á nú í vök að
verjast vegna síendurtekinna árása
ríkisstjórnarflokkanna á grunnstoðir
þess. Gott dæmi um ógöngur þær
sem ríkisstjórnin er búin að koma
okkur í er svokallaður „fráflæðis-
vandi” frá Landspítala. Þar liggja inni
aldraðir Íslendingar sem eru í brýnni
þörf fyrir hjúkrunarrými en komast
hvergi því ríkisstjórnin stendur ekki
sína pligt í málefnum aldraðra. Við
erum þeirrar gæfu aðnjótandi að
meðalaldur þjóðarinnar er meðal
þess hæsta sem þekkist í heiminum.
Þannig mun öldruðum fjölga tals-
vert í framtíðinni og það mun þýða
að enn meiri áherslu þarf að leggja
á uppbyggingu þjónustu fyrir þann
hóp, bæði heimaþjónustu og hjúkrun-
arheimilisþjónustu.
Hjúkrunarheimili
í Mosfellsbæ
Þörfin fyrir hjúkrunarheimili í
Mosfellsbæ er orðin brýn. Það eru
einfaldlega grunnmannréttindi þeg-
ar þörfin knýr dyra að fá að dvelja á
hjúkrunarheimili í heimabyggð. Í
heimabyggð þar sem þú þekkir fólkið,
fjöllin og fellin. Og það eru mannrétt-
indi aðstandenda aldraðra að þeir
séu ekki látnir dvelja svo fjarri heima-
byggð að heimsóknir séu nánast
ómögulegar.
Það hefur löngum verið haft á
orði að það sé kostur fyrir einstök
kjördæmi að eiga ráðherra úr eigin
röðum. Nú ber svo við að ráðherra
heilbrigðismála er þingmaður í
Suðvesturkjördæmi. En ekkert ger-
ist. Heilbrigðisráðherra hefur ekki
einu sinni svarað fyrirspurn þing-
manns kjördæmisins, Valdimars
L. Friðrikssonar, frá 14. mars
síðastliðnum um hvað líði umfjöllun
í ráðuneytinu varðandi uppbyggingu
hjúkrunarheimilis í bænum.
Sjálfstæðismenn hreykja sér mjög
af væntanlegum öryggisíbúðum í
bænum. Þær íbúðir munu koma sér
mjög vel en öryggisíbúðir koma ekki
í stað hjúkrunarheimilis.
Heimaþjónusta
Samfylkingin leggur áherslu á að
þjónustan við aldraða samborg-
ara sé veitt á þeirra forsendum, á
jafnræðisgrundvelli og að allir fái
þá þjónustu sem þeir þurfa. Til að
yfirsýn sé yfir þarfir einstaklinganna
og tryggt sé að þeir fái alla þá þjón-
ustu sem þeir þurfa er affarasælast
að þjónustan sé á einni hendi, þ.e. á
hendi sveitarfélagsins. Samfylkingin
í Mosfellsbæ hefur á stefnuskrá sinni
að heimaþjónustan verði gjaldfrjáls
enda er það vitað að sé fólki gert
kleift að búa á eigin heimili sem
lengst þá sparast opinber útgjöld
jafnframt því sem einstaklingarnir
geta lengur hagað lífi sínu samkvæmt
eigin forsendum og öðlast þannig
meiri lífsgæði. Það er jafnaðarstefna.
Aldraðir í Mosfellsbæ
Anna Sigríður
Guðnadóttir
Skipar 3. sæti á
lista Samfylk-
ingarinnar
Nú hafa allir framboðslistar lagt
fram stefnuskrár sínar fyrir komandi
kosningar. Margt er þar á sömu bók-
ina lært, til dæmis eru velferðarmál
og skólamál ofarlega á baugi hjá öll-
um flokkunum. Um þau þarf ekki að
deila, sumt er beinlínis bundið í lög,
til dæmis skólahald.
Vinstri græn hafa þó sérstöðu að
mörgu leyti og hjá þeim eru stefnu-
mál sem fyrirfinnast ekki hjá hinum
framboðunum. Hér skulu nefnd örfá
dæmi:
• Fólkvangur á Mosfellsheiði.
• Sögusafn og upplýsingamiðstöð
ferðamála í Brúarlandi.
• Fríar skólamáltíðir.
• Skíða- og snjóbrettaaðstaða.
• Miðbæjartorg með grænum
svæðum og útilistaverkum.
• Friðlýsing fossa og annarra
náttúruverðmæta.
• Fiskirækt og stangveiði í
stöðuvötnum sveitarinnar.
• Fastur starfskraftur verði ráðinn
til að sinna Héraðsskjalasafni
Mosfellsbæjar.
Efsta sæti V-listans skipar Karl
Tómasson sem er löngu kunnur hér
í sveitarfélaginu fyrir hugmynda-
auðgi, skipulagshæfileika og dugnað.
Stjórnmál snúast um hugmyndir og
kraftinn til að fylgja þeim eftir. Vinstri
græn hafa hvorttveggja.
X-V í vor
Kraftur og hugmyndir
Bjarki
Bjarnason
Formaður
Vinstri-grænna
og skipar 5. sæti
listans
Litir:
Grænn: pantone 356cvu
Rau•ur: pantone 485cvu
Fartölvuver í
Varmárskóla
Nýtt fartölvuver hefur verið
tekið í notkun hjá eldri deild
Varmárskóla. Þar eru tólf tölvur
sem eru bæði tengdar innra
og ytra neti skólans. Kennarar
panta aðgang að verinu og geta
farið með það í kennslutíma í
stofum sínum. Þessi viðbót á
eftir að nýtast afar vel þar sem
tölvuverið sem fyrir var, er ávallt
fullbókað.
Bæjarpólitíkin
rædd í sjónvarpinu
Mosfellsbær hefur fengið
athygli sjónvarpsstöðvanna
uppá síðkastið. Umræðuþáttur
um bæjarmálin og komandi
kosningar var haldinn á frétta-
stöðinni NFS þann 10. maí.
Leiðtogar flokkanna mættu í
upptökuver NFS og ræddu um
stöðuna í bænum og komu
sínum stefnumálum á fram-
færi. Hægt er að sjá þáttinn á
vefnum á slóðinni veftivi.visir.is.
Umfjöllun um bæinn var einnig
í Kastljósinu þann 11. maí, hægt
er að sjá það á ruv.is.
Börn í Lágafells-
skóla fá glaðning
Börn í 1. bekk í Lágafellsskóla
fengu óvæntan glaðning frá
Kiwanismönnum í Mosfellsbæ
5. maí síðastliðinn. Kiwanis-
menn færðu öllum börnum í 1.
bekk reiðhjólahjálma að gjöf.
Við sama tækifæri fræddi hjúkr-
unarfræðingur skólans, Vigdís
Steinþórsdóttir, börnin um
nauðsyn þess að nota hjálminn
rétt og hversu mikilvægur hann
er fyrir öryggi barnanna.