Mosfellingur - 16.06.2006, Blaðsíða 9
ALLAR TJÓNAVIÐGERÐIR
FLUGUMÝRI 16A - S. 566 7778
Laugardaginn 3. júní sl. rituðu
oddvitar Sjálfstæðisflokksins og
Vinstri hreyfingarinnar græns
framboðs hér í bæ undir sam-
komulag um meirihlutasamstarf
í bæjarstjórn næstu fjögur ár.
Í kvöldfréttum Sjónvarpsins,
RÚV, þann sama dag var viðtal
við Jónas Sigurðsson, oddvita
Samfylkingarinnar í Mosfellsbæ.
Í viðtalinu kvaðst Jónas undrandi
á því hversu fljótur oddviti Vinstri
hreyfingarinnar græns framboðs,
Karl Tómasson, var að hefja viðræður
við Sjálfstæðismenn, eftir að snurða
hljóp á þráðinn í viðræðum Samfylk-
ingar, Vinstri hreyfingarinnar græns
framboðs og Framsóknarmanna um
myndun meirihluta í bæjarstjórn
Mosfellsbæjar.
Undrandi varð ég á viðbrögðum
Jónasar, eins reyndur og hann er,
en Jónas er einn allra farsælasti bæj-
arstjórnarmaður Mosfellinga. Jónas
átti fyrst og fremst að undrast fram-
komu Framsóknarmanna. Oddviti
Framsóknar ofmat stöðu
sína stórlega, ekki síst í
ljósi kosningaúrslita, ekki
oddviti Vinstri hreyfing-
arinnar græns framboðs,
Karl Tómasson.
Hvort sem mönnum
líkar það nú betur eða
verr þá var Karl og Vinstri
hreyfingin grænt fram-
boð sigurvegari kosninganna hér í
bæ á dögunum. Vinstri grænir fengu
skýrt umboð kjósenda til að hafa
áhrif á stjórn bæjarfélagsins okkar.
Framsóknarmenn töpuðu þriðjungi
atkvæða sinna, í prósentustigum
talið, frá kosningunum 2002, fóru úr
um 24% fylgi niður í 16%. Í ljósi þeirr-
ar staðreyndar þá beið Framsóknar-
flokkurinn skipbrot í bæjarstjórnar-
kosningunum eftir fjögurra ára
stjórnarandstöðu. Málflutningur
flokksins og stjórnarandstaða hreif
ekki kjósendur með sér.
Sjálfstæðismenn töpuðu u.þ.b.
tíunda hverju atkvæði frá kosningun-
um 2002 en Framsókn þriðja hverju
af sínum. Það var ekki Framsóknar-
manna að setja sig á háan hest í þessu
þótt sumir þeirra séu alvanir hest-
um. Þeirra framganga í viðræðum
flokkanna þriggja sætti undrun, ekki
framganga Karls og Vinstri grænna.
Skiljanlegt var að Karl stæði upp,
tæki hatt sinn og staf og færi burt úr
þvargi við þann sem tapaði kosning-
unum en taldi sig á sama tíma geta
sett fram verulega skilyrði, síðan
slitið formlegum viðræðum flokkan-
na þriggja og farið fram á óformleg-
ar viðræður í kjölfarið. Sjálfsagt var,
úr því málum var þannig komið, að
Karl léti reyna á hvað hann fengi út úr
viðræðum við Sjálfstæðismenn.
Karl og hans fólk felldi meirihluta
Sjálfstæðismanna, ekki Jónas og Sam-
fylkingin, sem lítillega skreið upp á
við í fylgi, þaðan af síður Framsóknar-
menn. Karl og hans fólk felldi meiri-
hlutann til þess að komast til áhrifa
hér í bæ, ekki til þess að sitja áhrifa-
lausir í viðjum kalda stríðsins næstu
fjögur árin eða í herkví tapliðsins.
Karl var og er reiðubúinn að vinna
með Sjálfstæðismönnum hér í bæ;
málefnagrundvöllur er fyrir hendi.
Sú staðreynd á ekki að vera undr-
unarefni hér í bæ, né annarsstaðar,
að Sjálfstæðismenn og Vinstri grænir
vinni saman að hagsmunum síns bæj-
arfélags í meirihlutasamstarfi. Það
eru mikið frekar hrein firn að á 21. öld
skuli enn vera til bæjarstjórnarmenn
í Mosfellsbæ sem sitja fastir í viðjum
kalda stríðsins og telja það undrun
sæta að vinstri menn skuli geta hugs-
að sér að vinna með hægri mönnum
við að gera góðan bæ betri í stað þess
að sitja í þvargi um keisarans skegg
með tapliðinu.
Ívar Benediktsson
Höfundur hefur alla sína hundstíð og
kattarævi búið í Mosfellssveit og síðar
bæ. Hann kaus ekki Vinstri hreyfing-
una grænt framboð bæjarstjórnar-
kosningunum 27. maí sl.
Undrun, kalda stríðið og tapliðið
Dagskrá hátíðarinnar fer fram
á eftirtöldum stöðum:
Íþróttamiðstöðinni að Varmá, Álafosskvosinni,
Stekkjarflöt, Hlégarði, Listasal og Bókasafni í Kjarna,
Bæjarleikhúsinu, Varmárbökkum á íþróttasvæði
hestamanna og á Hlíðarvelli - golfvelli bæjarins.
Íþróttahúsinu að Varmá verður breytt í
„Hátíðarhöll” þar sem fyrirtækjum, stofnunum,
félagasamtökum og einstaklingum gefst kostur
á að kynna starfsemi sína. Settir verða upp
sýningarbásar og svið þar sem fram fara ýmis
dagskráratriði fyrir gesti hátíðarinnar. Kjúklinga-
veisla verður við Hlégarð. Leiktæki og skemmti-
atriði verða fyrir börnin. Dansleikur í Hlégarði með
Stuðmönnum.
Eftir kosningar er gott að líta til
baka og skoða ýmsa atburði kosninga-
baráttunnar.
Eins og það sem gerðist eftir að
Framsókn, Samfylkingin og Vinstri
grænir höfnuðu því að taka þátt í sam-
eiginlegum framboðsfundi í Hlégarði
þar sem sjálfstæðimenn voru með
ólýðræðislegar hugmyndir varðandi
fyrirkomulag fundarins. Ekki var
áhugi af hálfu flokkanna þriggja að
endurtaka leiksýninguna úr Hlégarði
frá því fyrir fjórum árum síðan þar
sem sjálfstæðismenn mættu á fund-
inn með fyrirfram tilbúnar spurning-
ar á blaði.
Þegar ljóst var orðið að enginn
sameiginlegur fundur yrði, þá sendu
sjálfstæðismenn út dreifibréfið
„Sannleikann takk!” en innihald þess
eru hrein ósannindi.
Í umræddu dreifibréfi segir „Eina
skilyrðið sem við sjálfstæðismenn sett-
um fram var að bæjarbúar fengju að
spyrja frambjóðendur. Það gátu odd-
vitar hinna framboðanna ekki sætt
sig við.” Í framhaldinu birtist á vef
D-listans varma.is tölvupóstar sem
höfðu farið á milli flokkanna við und-
irbúning framboðsfundarins og þar
var m.a. tölvupóstur frá oddvita Sam-
fylkingarinnar til Sjálfstæðisflokksins
og þar stendur orðrétt:
„Sæl Ásta.
Eftirfarandi eru mínar hugmyndir um
fundinn:
1. Hef ekki athugasemdir um fundar-
tímann.
2. Upphafsávörp. Ákveðinn tími í
heildina úthlutaður hverju framboði
sem getur síðan skipt honum að vild.
3. Allar spurningar sem bornar eru
fram hafi öll framboðin rétt til að tjá
sig um ef þau vilja þó fyrirspyrjandi
beini spurningunni sérstaklega að
einu framboði.
4. Í panel verði einungis oddvitar
framboðanna. Með þeim hætti verður
fundurinn líflegri.
5. Sammála um 3ja mínútna lokaorð.
6. Hef efasemdir um það form að
fundarmenn þurfi að afhenda
fundarstjóra spurningarnar skriflega
fyrirfram.
7. Hef efasemdir um að einstaklingur
sem situr á lista megi ekki koma fram
með spurningar.
Þetta er það sem ég hef athugasemd-
ir við en að sjálfsögðu verðum við
að vera sammála um val á fundar-
stjórum og tímavörðum.
Kveðja,
Jónas.”
Þarna sést svo ekki verður um
villst að sjálfstæðismenn sögðu vís-
vitandi ósatt, enda hefur texti þessa
tölvupósts nú verið fjarlægður af vef
Sjálfstæðisflokksins. Þarna kemur
greinilega fram að Samfylkingin vildi
hafa spurningar úr sal, en D-listinn
vildi einoka fundinn eins og fyrir
fjórum árum. Enda ætluðust þeir ekki
til að fundurinn væri fyrir hinn al-
menna bæjarbúa heldur leiksýning
sem þeir stýrðu.
Meirihluti sjálfstæðismanna féll,
en í framhaldinu mistókst því miður
að mynda meirihluta B-, S- og V-lista
vegna óraunhæfra krafna oddvita
Framsóknarflokksins sem m.a. vildi
ekki taka tillit til atkvæðamagns hvers
framboðs fyrir sig og gerði tillögu um
sjálfan sig sem bæjarstjóra. Í fram-
haldinu mynduðu D- og V-listi meiri-
hluta á mettíma. Það skyldi þó ekki
vera þannig að oddvitar þeirra hafi
verið búnir að undirbúa jarðveginn?
Eða fóru Vinstri-grænir á taugum?
En mikið hljóta kjósendur Hægri-
grænna, afsakið Vinstri-grænna, að
telja sig svikna, því langflestir þeirra
hafa ekki kosið listann til að fram-
lengja valdatíma Sjálfstæðisflokksins.
Kannski eru Vinstri-grænir í Mos-
fellsbæ að verða eins og Framsókn á
landsvísu, þ.e. hækja fyrir Sjálfstæðis-
flokkinn til að halda völdum.
Það er ljóst að þennan meirihluta
kusu bæjarbúar ekki yfir sig.
Mosfellsbær óskar að ráða þjónustufulltrúa í fullt
starf í Þjónustuver Mosfellsbæjar.
Viðkomandi verður jafnframt ritari bæjarstjóra.
Helstu verkefni verða símvarsla, þjónustu- og
upplýsingagjöf, ýmis skráningarvinna, reikninga-
gerð, bókanir á fundarherbergjum og viðtölum,
umsjón með skrifstofutækjum og ritfangalager,
gerð fundaboða ásamt almennum skifstofustörfum.
Vinnutími er 8-16:15. Kunnátta á tölvur, reynsla af
sambærilegum störfum, þjónustulund og færni í
mannlegum samskiptum er æskileg. Konur jafnt
sem karlar eru hvött til þess að sækja um.
Laun eru skv. kjarasamningi Starfsmannafélags Mos-
fellsbæjar. Æskilegt er að viðkomandi geti hafið störf
sem fyrst. Umsóknum skal skilað fyrir 26. júní í Þjón-
ustuver Mosfellsbæjar, Þverholti 2, 270 Mosfellsbæ
eða á netfangið anna@mos.is.
Nálgast má umsóknareyðublöð á heimasíðu Mos-
fellsbæjar, www.mos.is. Frekari upplýsingar um starfið
gefur Anna Margrét Bjarnadóttir í síma 5256700 eða
á netfangið anna@mos.is. Öllum umsóknum verður
svarað þegar ákvörðun um ráðningu hefur verið tekin.
Eitthvað gerðust kaupin á pólitísku
eyrinni skringileg í augum kjósenda
eftir bæjarstjórnarkosningarnar. Í
hugum kjósenda Vinstri-grænna,
Framsóknar og Samfylkingarinnar
á kjördag var enginn vafi á að þeir
voru að kjósa gegn áframhaldandi
setu sjálfstæðismanna í meirihluta og
með endurnýjun í stóli bæjarstjóra.
Gegn yfirgangi og gerræðislegum
stjórnarháttum og með lýðræðisleg-
um stjórnarháttum og samráði við
íbúana. Á kosninganótt ríkti mikill
fögnuður á kosningavökum þessara
flokka, þó hann væri tregablandinn
hjá Framsókn, enda ekkert nema
tækifæri framundan í samstarfi þess-
ara flokka. En hvað gerðist síðan og
hvers vegna?
Í þessum stutta pistli verður at-
burðarásinni ekki lýst nákvæmlega
en einni leiðréttingu þarf að koma
á framfæri. Oddviti Framsóknar-
flokksins segir á vefsíðu framsóknar-
manna, mosfellsfrettir.is, að hann hafi
slitið formlegum viðræðum vegna
ósanngjarnra krafna Samfylkingar-
innar. Þar á hann væntanlega við að
fulltrúar Samfylkingar aftóku að fall-
ast á þá kröfu hans að formennsku í
nefndum og ráðum skyldi skipt jafnt
milli flokkanna þriggja ef ráðinn
yrði ópólitískur bæjarstjóri. Íbúar
Mosfellsbæjar mættu á kjörstað og
merktu við þann framboðslista sem
þeir best treystu til að koma að stjórn
bæjarins. Þar náðu flokkarnir misjöfn-
um árangri. Ef ekki á að taka mark á
þeim skilaboðum sem koma upp úr
kjörkössunum þá er bara hreinlegra
að spara kjósendum umstangið og
hafa tilhleypingar á fjögurra ára fresti
þar sem stjórnmálamenn reyna sig
við hrossakaup og óprúttnustu aðil-
arnir fara með sigur af hólmi. Að taka
ekkert mark á úrslitum kosninga og í
raun að hundsa þau er skrumskæling
á lýðræðinu. Það er að vísu þekkt
bæði úr landsmálunum og nú nýlega
í höfuðborginni hjá helmingaskipta-
flokkunum en almenningur hefur
fengið sig fullsaddan á þess konar
vinnubrögðum.
Til að koma í veg fyrir meiri mis-
skilning skal það upplýst hér að
fyrsta tilboð Samfylkingar í meiri-
hlutaviðræðum við Framsókn og VG
hljóðaði upp á að oddviti Samfylk-
ingar yrði bæjarstjóri, oddviti Fram-
sóknar yrði formaður bæjarráðs og
oddviti Vinstri-grænna yrði forseti
bæjarstjórnar. Þessi tillaga var sett
fram vegna víðtæks stuðnings og
áskorana frá fjölda bæjarbúa og náði
sá stuðningur langt út fyrir raðir Sam-
fylkingarinnar og inn í raðir Framsók-
nar og VG.
Vegna forgjafar sem bæjar-
stjórastaðan veitir bauð Samfylking
að Framsókn og VG fengju fleiri for-
menn nefnda en Samfylking og allir
flokkar ættu einn fulltrúa í hverri
nefnd. Ennfremur var ráð fyrir því gert
að embætti formanns bæjarráðs og
forseta bæjarstjórnar yrðu gerð sýni-
legri í bæjarlífinu til að jafna sem best
aðstöðu oddvitanna. Móttilboð odd-
vita Framsóknar var að hann sjálfur
yrði bæjarstjóri og Framsókn myndi
afsala sér allri formennsku í nefndum
og ráðum. Þetta tilboð var bara ekki
hægt að taka alvarlega enda efast ég
um að framsóknarmenn almennt
hefðu sætt sig við þá niðurstöðu.
Bæjarbúar vita síðan að atburða-
rás þessari lauk með því að Vinstri-
grænir réðu sig í vist hjá Sjálfstæðis-
flokknum. Hvernig ætli staðföstum,
innvígðum og innmúruðum Vinstri-
grænum líki vistaböndin?
Guðbjörn
Sigvaldason
Formaður
kosningastjórnar
Samfylk-
ingarinnar
Anna Sigríður
Guðnadóttir
Varabæjarfulltrúi
Samfylking-
arinnar
Rétt skal vera rétt
Í túninu heima!
Bæjarhátíð í Mosfellsbæ
25. – 27. ágúst 2006
Fjölbreytt og krefjandi
starf í Þjónustuveri
Mosfellsbæjar
Frjálst og óháð bæjarblað
mosfellingur@mosfellingur.is
9Fréttir, bæjarmál og aðsendar greinar