Mosfellingur - 20.10.2006, Blaðsíða 11

BÓLFRÉTTIR
11Fréttir, bæjarmál og aðsendar greinar - Mosfellingur
Varmársamtökin, íbúa- og um-
hverfissamtök, í Mosfellsbæ skora
á bæjarstjórn Mosfellsbæjar að láta
gera verkfræðilega úttekt á því að
leggja tengibraut í stokk undir Ásland
og þaðan um mislæg gatnamót inn á
þjóðvegi 1 í stað þeirrar tengibrautar
sem fyrirhuguð er úr Helgafellslan-
di um Álafosskvos. Ennfremur að
skoðaður verði sá möguleiki að legg-
ja tengibrautina um óbyggt svæði að
Þingvallaafleggjara.
Eins og fram hefur komið í athuga-
semdum Varmársamtakanna við
nýjustu aðal- og deiliskipulagstil-
lögum Mosfellsbæjar telja samtökin
að tengibrautin og mótvægisaðgerðir
henni tengdar beri umhverfi Ála-
fosskvosar ofurliði, valdi óafturkræf-
um umhverfisspjöllum í hjarta Mos-
fellsbæjar og vegi með mjög afgerandi
hætti að atvinnuuppbyggingu í tengs-
lum við ferðaþjónustu og útivist á
þessum fjölsóttasta ferðamannastað
bæjarfélagsins. Telja samtökin enn-
fremur að gerð hafi verið alvarleg mis-
tök við hönnun skipulagsins þar sem
tengibrautin slítur hverfin sem liggja
að útivistar- og þjónustusvæðinu í
Álafosskvos úr tengslum við kvosina
og um leið hvert við annað.
Bæjarstjórn Mosfellsbæjar hefur
hingað til ekki brugðist við kröfum
samtakanna og annarra íbúa um að
skoða fleiri kosti varðandi legu braut-
arinnar þrátt fyrir óskir bæjarbúa þar
um við endurskoðun aðalskipulags
árið 2002 og nú aftur 2006. Í ljósi
þeirra hagsmuna sem í húfi eru fyrir
bæjarfélagið fara Varmársamtökin
þess enn á ný á leit við bæjaryfirvöld
að þau láti gera verkfræðilega úttekt á
ofangreindum tillögum.
Varmársamtökin hafa reifað ýmsa
möguleika í tengslum við legu ten-
gibrautarinnar bæði við arkitekta og
verkfræðinga sem vinna dagsdaglega
við hönnun umferðarmannvirkja.
Ber öllum saman um að leiðin um
Ásland sé ekki bara styst heldur liggi
líka beinast við sé skipulagið skoðað.
Skv. mælingum yrði stokkurinn undir
Ásland um 160-180 m langur. Verk-
fræðingur sem verið hefur að vinna
á svæðinu segir að jarðvegurinn
virðist að mestu vera gljúpur sem auð-
velda ætti framkvæmdina til muna
og draga úr kostnaði. Hafa þeir sér-
fræðingar sem Varmársamtökin hafa
leitað til síður mælt með tengingu
við Þingvallaafleggjara en sagt að
ekki sé vert að útiloka þá tengingu að
órannsökuðu máli.
Til að skera úr um málið þarf hins
vegar að gera faglega úttekt á verkinu
og er því hér með skorað á bæjarstjórn
að láta vinna fyrir sig verkfræðilegt
mat á báðum þessum kostum.
Það sem helst vefst fyrir samtökun-
um er að íbúar í Ásahverfi verða fyrir
umtalsverðum óþægindum á meðan
á framkvæmdum stendur. Eins er
ljóst að kostnaður við að leggja götur
í stokk er meiri. Sé hins vegar litið til
framtíðar og heildarhagsmunir íbúa í
Mosfellsbæ teknir með í myndina er
ljóst að með fyrirhugaðri legu tengi-
brautarinnar um Álafosskvos er verið
að fórna svæði sem skipt gæti miklu
máli fyrir atvinnuuppbyggingu í Mos-
fellsbæ í framtíðinni.
Varmársamtökin
Í stjórn Varmársamtakanna eru:
Berglind Björgúlfsdóttir,
Gunnlaugur B. Ólafsson,
Magnús H. Magnússon
og Sigrún Pálsdóttir
25
10
/
TA
K
TÍ
K
1
8.
10
.’0
6
566 8188
Bæjardekk
Langatanga 1a, 270 Mosfellsbær
mán.- fös. 8-18:30 laugardaga. 9-15
Vertu tímanlega
Það er allt tilbúið hjá okkur
Áskorun til
bæjaryfirvalda
Félagsstarf
eldri borgara
Fimmtudaginn 26. okt. verður ferð
í Hallgrímskirkju í Saurbæ á Hvalfjarðarströnd
og síðan í kaffihlaðborð á Hótel Glym.
Lagt af stað kl. 13 frá Hlaðhömrum.
Verð fyrir akstur og veitingar kr. 2.600
Skráning hjá Svanhildi í síma 586-8014
e.h. GSM 692-0814
Sunnudaginn 19. nóv. verður leikhúsferð í
Þjóðleikhúsið á sýninguna „Stórkostleg”.
Miðasala hjá Svanhildi frá 1. nóv. í Dvalarh. Hlaðh. e.h.
miðaverð kr. 2.400. Akstur frá Dvalarh. kl. 19.30.