Mosfellingur - 01.12.2006, Blaðsíða 15
15Leirvogstunga - Mosfellingur
„Viðtökur hafa verið frábærar og
sala á lóðum í fyrsta áfanga fór fram
úr björtustu vonum. Því var ákveðið
að hefja sölu á svæði þrjú mun fyrr
en áætlað hafði verið,“ segir Einar
Páll Kjærnested hjá Fasteignasölu
Mosfellsbæjar. Hann situr við símann
þessa dagana en við fengum hann til
að taka sér stutt hlé og tala við okkur
um lóðasöluna í Leirvogstungu.
Er þetta ekki frekar
óvenjulegt verkefni?
„Verkefnið er svo sem ekkert
óvenjulegt. Um er að ræða eignasölu
sem er í grunninn alveg eins og sala á
íbúðum eða húsum. Það sem er sér-
stakt við Leirvogstunguverkefnið er
að hjónin Bjarni og Katrín eiga landið
og halda utan um allt skipulag og
framkvæmd. Þau hafa fengið til liðs
við sig sérfræðinga á öllum sviðum
og sjá til þess að allt sé unnið af metn-
aði og alúð. Við höfum átt mjög gott
samstarf við þau og ég held að ég geti
fullyrt að þetta sé skemmtilegasta
verkefni sem við höfum tekið þátt í.“
Er algengt að fólk ætli
að byggja sjálft?
„Já, það er greinilegt. Mikill fjöldi
einstaklinga hefur keypt sér lóðir og
ljóst er að í dag telja margir hagkvæm-
ara að byggja sjálfir. Kaupendur eru
úr ýmsum áttum, en þó er áberandi
að stór hluti þeirra kemur úr öðrum
bæjarfélögum á höfuðborgarsvæðinu
en Mosfellsbæ. Það eru því margir
nýir Mosfellingar á leiðinni.“
Hvaða spurningu færðu oftast frá
væntanlegum kaupendum?
„Það er áberandi að margir vilja
vita hvernig sölufyrirkomulagið er
og hvenær eigi að skila tilboðum.
Svarið við þessu er að það er enginn
tilboðsfrestur heldur eru lóðirnar
seldar nánast strax og tilboð berast.
Við erum þegar búin að selja nokkrar
lóðir, þannig að þessi áfangi fer mjög
vel af stað.“
Nýjar lóðir í Leirvogstungu
Samskiptin við félagana eru góð
-segir Dominik Chmielenski
„Ég hef unnið hér á Íslandi í um það bil
eitt og hálft ár,“ sagði Dominik Chmielenski
glaður í bragði en hann er pípulagninga-
maður og sér um að þau mál séu í lagi við
undirbúning byggðarinnar í Leirvogstungu.
Chmielenski er pólskur og segist að sjálf-
sögðu upphaflega hafa komið til landsins
vegna peninganna. Hann hafi ætlað að vera
hér í um það bil eitt ár, nú sé þetta orðinn
lengri tími og möguleiki sé á að hann verði
hér enn lengur. Hann segir samskiptin
vera góð við íslenska starfsfélaga, enskan
sé aðalmálið í samskiptum við þá en hann sé alltaf að læra eitthvað í ísl-
ensku. Því til staðfestingar kveður hann með kurteislegu: „Takk fyrir!“
Dominik Chmielenski er búinn
að vinna á Íslandi í eitt og hálft
ár og segir möguleika á því að
hann verði hér lengur.
Áfangaskil í Leirvogstungu
- góður andi í kaffiskúrnum
Það var hlýja og gleði í kaffiskúr Ís-
taks í Leirvogstungu laugardaginn 18.
nóvember þrátt fyrir að brunagaddur
væri utandyra. Í tilefni loka fyrsta
verkáfanga var boðið upp á glæsileg-
an kvöldmat með öllu. Fyrir utan var
heljarstórt grill og Svanur Hafsteins-
son kokkur og sonur hans hlupu inn
og út með lambasteik, kjúkling og
heitt hvítlauksbrauð. Þegar Ásgeir
Loftsson, byggingaverkfræðingur hjá
Ístaki, settist við borð með væna flís
af lambi á disknum, sagði hann með
bros á vör: „Áfangaskipti eru góð“.
„Ásgeir Loftsson byggingarverkfræðing-
ur á vinnusvæðinu í Leirvogstungu.“
Eins og blómstrið eina
Ástmar Karl Steinarsson, eftirlits-
maður frá Fjölhönnun, er ánægður með
framkvæmdina í Leirvogstungu: „Við
tökum stikkprufur og framkvæmum
mælingar. Þetta er yfirleitt eins og blóm-
strið eina en ef upp kemur misræmi
reynum við að finna lausn á staðnum.“
Mikael Traustason, yfirmaður eftirlits,
segir að í eftirlitinu felist samskipti við
verktakann og hönnuði og eftirlit með
störfum þeirra. „Hér eru á ferðinni
fagaðilar á hverju sviði sem eigendur
Leirvogstungu völdu eftir orðspori en
ekki með útboði. Þetta gerir það að
verkum að það er valinn maður í hverju
rúmi og vandað til allra verka.“
Eftirlitsmennirnir Ástmar og
Mikael fara fögrum orðum um
framkvæmdina í Leirvogstungu.
Hvernig viltu hafa það?
Gröfumennirnir Hallur Steingrímsson
og Barði Kristjánsson sátu við glugga í
vinnuskúrnum í Leirvogstungu og borðuðu
og spjölluðu við þá Ásgeir Valdimarsson og
Hlyn Ingólfsson. Þeir félagar sögðust alltaf
hittast hálf tólf á hverjum degi í mat og að
mórallinn í skúrnum væri góður. Unnið
væri til sex alla virka daga og svo væri unnið
flesta laugardaga en það færi eftir þörfum.
Þegar Hallur og Barði voru spurðir
hvort það væri rétt að þeir væru bestu
gröfumenn á landinu og þeir gætu klippt
hárið á mönnum með gröfunni vildu þeir
lítið gera úr því. Hallur spurði samt eftir
smá umhugsun: „Hvernig viltu annars
hafa það?“
Fullyrt er að Hallur Steingrímsson
sé hárnákvæmur gröfumaður.
Margir nýir
Mosfellingar
á leiðinni
Einar Páll hefur í nógu að snúast um
þessar mundir enda er nýhafin sala á
nýjum lóðum í Leirvogstungu
Einar Páll Kjærnested fasteignasali:
„Vinnuvélar að störfum í Leirvogstungu. Líklegt er að hús
fari að rísa á svæðinu á vormánuðum eða jafnvel fyrr.“
Séð yfir Leirvoginn og ekki verður annað sagt en útsýnið sé glæsilegt.