Mosfellingur - 22.12.2006, Blaðsíða 15
15Fréttir, bæjarmál og aðsendar greinar - Mosfellingur
„Hilmar Þór Jónsson
Ég var sjö ára þegar mamma
mín, sem var ein með sex
börn, fl utti með okkur krakk-
ana í Mosfellsbæinn því hún
hafði kynnst manni sem bjó
hér einn með fi mm börn. Á
heimilinu bjó líka amman og
afi nn og hundurinn, þannig að
allt í einu var ég orðinn hluti
af sannkallaðri stórfjölskyldu í
Markholtinu í Mosfellsbænum.
Fyrstu jólin urðu þau allra bestu
sem ég hafði lifað. Fullt hús af
krökkum, gleði og fjöri. Þegar
aðfangadagur rann upp varð að
skipuleggja röðina í jólabaðið.
Allir urðu að fá sinn baðtíma og
á svona fjölmennu heimili sem
aðeins hafði eitt baðherbergi
var skipulag lykilatriðið. Síðan
þá voru fjölmörg gleðileg jól í
Markholtinu.
Elfa Dís Austmann
Þegar ég var lítil fór öll
stórfjölskyldan í jólaboð á
aðfangadagskvöld til ömmu
og afa upp á Víghólastíg.
Jólasveinninn kom alltaf
í heimsókn og var hann
alltaf jafn skemmtilegur og
vissi ótrúlega margt um okkur
frændsystkinin.
En svo þegar árin liðu fórum
við að sjá eitthvað samhengi
í því að amma gamla hvarf
alltaf á sama tíma og jóla-
sveinninn birtist í boðinu.
Þetta var árið 1970.
Þorkell Guðbrandsson
Jólin 1999 eru þau jól sem
koma fyrst upp í huga mér
því þá kom litla fjölskyldan
frá Þýskalandi til að halda
jólin heima og þá var ekkert
stress, engin vinna eða
formlegur undirbúningur
heldur bara heimsóknir til
vina og kunn ingja, grín og
gleði. Milli þess að þræða
veislur og borða þá lék maður
sér í snjónum en mikill snjór
var þessi jól. Svo auðvitað
kíkti maður á æfi ngar hjá
meisturum UMFA. Það hefur
margt breyst frá 1999 og jólin
í ár verða haldin í Mosfellsbæ
enda fjölskyldan orðin stór
og nóg að gera.
Ásthildur Ólöf Ríkarðsdóttir
Mín eftirminnilegustu jól voru
árið 1996, við vöknuðum og
jólasveinninn kom, svo fórum
við saman, fjölskyld an, á
svona pakkarúnt og eins og öll
mín jól þá fórum við til ömmu
Ásthildar og borðuðum þar
og opnuðum pakkana. Þetta
var þegar ég og frænka mín
hún Karen Ósk sem er þremur
árum eldri en ég fengum Baby
Born dúkku í jólagjöf. Sú gjöf
toppaði allt, við gáfum dúk-
kunum að drekka og borða,
settum svo á þær bleiu og
létum þær pissa í hana, þetta
var ægilegt sport og leið okkur
eins og ekta mömmum.
Eftirminnilegustu jólin?MOSFELLINGUR
Ólöf Örnólfsdóttir
Eftirminnilegustu jólin mín eru
þegar ég var níu ára og það
kviknaði í jólaborðinu.
Systir mín var nýbúin að læra
að skreyta jólaborð með
kertum sem stungið var í
innpakkaðar kartöfl ur. Það
gleymdist að gera þær sléttar
að neðanverðu svo þær stæðu
fastar á borðinu. Svo var sest
að borði og einhver rak sig í
eitt kertið.
Það skipti engum togum, það
blossaði upp sjálft jólaborðið.
Pabbi var þó fl jótur að pakka
öllu inn í dúkinn og lokaði
eldinum. Þannig að þetta
bjargaðist allt saman.